اطباق خليجية

[بنان دركل]

اليوم عملت مندي على طريقتي وان شاء الله انها بتعجبكم
اتفضلوا الطريقة

اولا تجيبي القدر وتحطي موية لسلق اللحم وتحطي داخلها 4 حبات هيل وواحد مكعب ماجي



بعدين تحطي اللحمة الين تنسلق انا حطيتها بقدر الضغط خلصت استوا صفيت المرق وحطيته بقدر ثاني علشان اطبخ الرز فيه وملحيها مثل ماتحبي انا حطيت توابل اندونيسية معاه


قرب ينسلق الرز على الاخير حطي اللحمة فوقه رصيها كذا


تكوني ناقعة زعفران بموية المرق
بعدين تصبيها على الرز واللحمة انا هنا حطيت شوية زعفران قبل ارص اللحمة على الرز ربع الفنجان والباقي على اللحمة والرز



بعدين قدحت ملعقتين سمنة مع شوية زيت ومستكة وصبيتها على اللحمة والرز اوكي بعدين جبت قدر صغيييييييير وحطيت فيه شوية زيت وفحمة مولعة وحطيتها داخل القدر الصغيييير



بعد كذا تغطي القدر مضبوط او تغطي القدر اولا بقصدير بعدين تحطي غطاية القدر انا كنت مستعجلة شوية وحطيت الغطاية عليها بس وخليتها تتبخر بعدين بعد 5 دقايق تقريبا شلت الغطاء ونزلته الفرن وفتحت عليها من فوق علشان يتحمر الوجه شوية
وهذا بعد التحمير

وهذا بعد الغرف



وهني وعافية