الجميع متجمهرين فى الساحه وخلفهم مقام الامام ابو خروع نساء ورجال يتوسطهم رجل طويل ضخم الجثه وخلفه اربعه رجال الجمع فى هرج ومرج يصعد الرجل المنصه
الرجل/ايها الساده الكرام اننا نحتفل اليوم بمولد مولانا الامام ابو خروع فعلينا الاتزام بتعاليم الاسلام وان نحفظ وصايا الامام رحمه الله فينا وان نسال الله ببركه الامام ان يحقق الخير للجميع يقاطعه احد الناس
المقاطع/احنا مطالبنا كتيره وعمر ما واحد ميت مهما كان هيعمل حاجه ومينفعشى نطاب من الاموات
الناس فى هرج ومرج
يصعد المنصه رجل اخر يدعى الشيخ عزوز
عزوز/اعوذ بالله لا تنسى يا ولدى ان مولانا المام من الاولياء الصاحين الذى قال الله فيهم (الا ان اولياء الله لا خوف عليهم ولا هم يحزنون) ترد امره
المراه/يعنى مولانا هيشفى لى ابنى وهيخلى بنتى تولد ولد
الناس فى هرج ومرج يقاطعه اخر
الاخر/دى تخاريف وضد الدين ومينفعشى اللى بيحصل ده --يعتلى المنصه الدتور مفيد وهو من جمع الناس وهو منظم الاحتفال
الدكتور مفيد/ايها الساده لابد ان تثقوا فى الامام فهو من اولياء الله وهو من نسل سيدنا الحسين وهو من الدعاه الى الله ومن من وقفوا ضد التتار وحاربهم مع من حاربهم وهو بفضل الله له السبق فى الدفاع عن الاسلام مع غيره فى زمنه ونحن اليوم نحتفل بمولده الكريم والامام لا يريد منكم ال محبتكم له واعترافا بفضله ولا يشفى المرضى او يغنى الفقير الا بفضل الله ولا نقول انه يدعى علم الغيب وانما الله اختصه كغيره بشىء من علمه لانه من المقربين اليه ونحن اليوم اتينا لتنفيذ وصاياه فينا فمن له حاجه يعرضها ومن له مظلمه يقولها وان استطعنا تنفيذها فبركه الامام نمضى وعلى الله قصد السبيل
الجميع يصرخون والاصوات تتعالى يقترب رجل اخر يدعى مساعد الامام الحاج صالح
الحاج صالح/ايها الناس من له طلب يقدمه --فجاه يقترب رجل غريب مرتديا ثياب بيضاء وعليه وقار ولحيه بيضاء
الغريب/ايها الناس هذه عطايا الامام فى يوم مولده الكريم يلقى بالاموال فوق الرؤس حقيبتان من ورق البنكنوت الجميع يتسابقون لاخذ المال
مفيد/صارخا--الله اكبر بركه الامام تحل ثروه الامام فى خدمتكم الامام وماله ونفسه وكل ما يملك فى خدمه الفقراء والمحتاجين
الجميع فى هرج ومرج واصوات تتعالى فجاه يسكتون
الغريب/من له طلب يقدمه لنا الجميع يصرخون كلنا فدا الامام
المهندس/عايز بنتى تخلف بقالها سبع سنين من غير خلفه
الدكتور/عايز انجح فى مجلس الشعب
المحامى/عايز القضاه كلها تحبنى واكسب كل القضايا واخد الفلوس اللى انا عايزها
الضابط/زهقت من الرشاوى وتلفيق القضايا والمرتب مشمكفى عايز يبقى عندى فلوس كتير
وكيل النيابه/عايز يبقى عندى مميزات زى القضاه ومرتبى يكبر واركب سياره من نوع كادلك
القاضى/عايز انام زى الناس وامشى زى الناس واكل زى الناس وضميرى يستريح انا يا ظلمت كتير
رجل الدين/عايز الناس يدونى فلوس كتير ويسمعوا كلامى واتجوز اربعه ويبقى عندى قناه فضائيه اقول فيها اللى انا عايزه
رجل السياسه/عايز ابقى وزير واركب احسن عربيه واسكن فى احسن فيلا نفسى ابقى غنى جدا
المزارع/عايز الحكومه تسبنا فى حالنا نزرع القمح والذره وما يمنعوش التقاوى والملح وما يكلوش عرقنا وتعبنا
الموظف/عايز الحكومه تزود المرتب يبقى الفين جنيه انا عندى سبع عيال وامهم ومشعارف اربيهم
المراه/عايز اشتغل فى الوزاره ويبقى ليه كلمه مسموعه
الشاب/عايز اتجوز ويبقى ليه بيت وكفايه انا زهقت من الحرام والحلال بقى صعب مفيش عندى لا مهر ولا سقه ولا شغل
البنت/عايزه امشى فى الشارع ومحدش يعاكسنى معدتشى فى اخلاق ولا دين
الجميع فى هرج ومرج
مفيد/ايها الساده ببركه الامام كل شىء هيتحقق
المساعد الاول/عليكم الان ان تتبرعوا للامام
مفيد/الامام لا يريد منكم شىء فعنده الكثير لكن تبرعكم للامام للفقراء والمساكين وحتى تثبتوا له حبكم --الجميع كلنا فدا الامام
الغريب/الامام يقبل الهدايا والاغنام والبقر والماشيه والمال والذهب والقمح واى شىء
مفيد/من يريد حب الله فليتبرع لمن يحبه الله
الجميع يذهبون ويعودون بالتبرعات من مال وذهب وماشيه وابقار وغبره
الغريب/الله اكبر رضى الامام عنكم انتم احبائه ونور عينه انه امام الفقراء والمساكين
مفيد/ايها الجمع المحترم لقاءنا عند صلاه المغرب ساعه غروب الشمس يوم مولد الامام اذهبوا الان ثم لتعودو جميعا ساعه الغروب لنصلى المغرب جميعا حتى تتحقق امنياتنا جميع ببركه الامام
الغريب يقترب الى الناس وبيده شوال به مالا /هذه ثروه الامام بين ايديكم فادعوا للامام يلقى الاموال عليهم مره اخرى الجميع فى هرج يتسابقون لاخذ المال صارخين كلنا فدا الامام
مفيد والاخرين اعوانه داخل المقام
مفيد/لميتم وجمعتم كام
المساعد الاول/الثروه كلها اجمالى مليون جنيه
الغريب/يا بركه الامام
المساعد الثانى/ومحدش خد باله ان الفلوس اللى وزعناها مزوره
الثالث/يا بركه الامام
مفيد/يلى نمشى هات العربيه بسرعه
الغريب/اه عشان لو استنينا للمغرب هيدبحونا على باب المقام
الجميع يركبون السياره يتركون المكان
ستار

التوقيع
السيد احمد سليم الحسيسى محامى بالقضاء العالى ومجلس الدوله وكاتب مصرى

 نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي