متل الموسيقا

[فردوس النجار]

متل الموسيقا تـْغـَلغِل بحلمي
وتضيع فيِّي تـْهَدهِد عضامي
متل الكأني من الخلد جايي
عم إلحق اوهامي
بمسِك إيديك ولـَفلفـُن فيي
صير النوى ..وإنت التمر حاني
تـْسَكـِّرْ عليي من الفضا كلـُّو.. وأقعد بقلبَك نخل وغناني
وتـروي السحابةِ الْـْنشفت دما..منـَّك لَ ألله شْقـَد عطشانةِ
وبتغيب؟!
معقول إبقى لـَونـَك وبتغيب؟!
معقول إبقى صوتـَك وبتغيب؟!
لك إسمك حبيبي .. ووشمَك بقلبي..لو بقدر بشيلو !
صرت الزمان اللي وقف سكران.يشحشط بمنديلو !
وَبعرف بانك للدهر مرجان ..وجيلك متل جيلو
يا ريت فيي أشطب النسيان..شو كرهت تأجيلو !
وتضل فيي تـْشَبِّك الخيطان..والعشق نصغيلو
وتمطر بقلبي من الفرح ألوان ..وطيورنا يميلو
والحب يتمد مَد على الحيطان..وتـْكتـَر تآويلو
دمشق الشاعرة فردوس النجار

[فاتن علي حلاق]

الشاعرة القديرة فردوس النجار

عزفٌ جميل على أوتار الأمل وسينفونية عذبة في وحشة الغياب

محبتي لك

[ظميان غدير]

قصيدة جميلة ورقيقة وعذبة
اخت فردوس النجار

تحيتي