خُــــرمْ الأُزون 00!!

[الشربينى خطاب]

خُرمْ الأُزون 00!!

كفَّارة يا بن البلد
السجن للجدعان
مفيش جدع اتولد
فيها خيخه ولاَّ جبان
*****
الخوف لجمنا بدرِّي
اللي قال وأنا مالي
واللي بجاحة يقول
سبني أربي عيالي
****
واللي ركب الموجة
أسمه راح عن بالي
واللي كتب ع الورق
حبة أشعار يا خالي
*****
قلبي اتعلق بالسما
من غيره يرأف بحالي
لمَّا شافني المفتري
عيني ع الفضا طوالي
قال وكتب ف الصحف
أحلامي وكل أمالي
*****
قال يداري الجرايم
خرم الأزون إتخرق
قربت تقوم القيامة
هو شعاعه لو برق
يبقي سبب وعلامة
يخللِّي البلاد تتحرق
*****
باكس وعينه جامده
وعليه نعرة و قيامه
ويقول ويلوي بوزه
ع الدنيا يالله السلامة
****
بيقولي دمك هايندلق
ميَّة علي أرضها
أو راسك بكره تتفلق
م التفكير ف أمرها
و اللي جري و صابك
الحق قبل خراب مالطة
وخد نصيبك و منابك
كل حاجة بتتسرق
وان عملت بقي شاطر
جوه السجون متحضر
حبة كرابيج وفلقْ ( 1 )

ـــــــــــــــــــــــــــــــــــــ

( 1 ) فلقْ = أدوات تعذيب

[ريمه الخاني]

قال يداري الجرايم
خرم الأزون إتخرق
قربت تقوم القيامة
هو شعاعه لو برق
يبقي سبب وعلامة
يخللِّي البلاد تتحرق

او يخلي روحي تتفرق
على حلم لسا مانسرق
او علامه من واحد مرأ
يالهوي علي تاه وبرق
اخد مني كل الورق
وتحيتي لك ياملك الشعر العامي

[كرم المصرى]

شـكــ وبارك الله فيك ـــرا ...