#( صعوبات التعلم ..وضعف تقدير الذات )
# اي اخصائي عنده شئ من الخبرة هيكون عارف أن واحده من أبرز أعراض صعوبات التعلم هو ضعف تقدير الذات ...واللي بيكون له اكثر من سبب أبرزها المقارنه و النقد الدائم من الأهل نتيجة درجاته اللي مش كويسه ..وكذلك شعور الطفل بأنه أقل من اصدقاءة وخاصه فى المدرسه والجانب الاكاديمي نتيجه اخطاءة المتكررة داخل الفصل ودرجاته الغير جيده ..
#واحده من الطرق لرفع تقدير الذات الي جانب طبعا الجلسات العلاجية للحد من مشكلات الطفل
# هى اكتشاف المواهب والقدرات التي يمتلكها الطفل بمعني تاني ابسط... احنا عارفين أن طفل صعوبات التعلم درجه ذكاءة طبيعية وان أكثر مشكلاته هى داخل المدرسه ومتعلقه اكثر بالتعليم ..لكن خارج المدرسه بصوره كبيرة هو طفل طبيعي عنده قدرات ومواهب زيه زي اي طفل تاني
# دورنا هنا بقي أننا نكتشف المواهب والقدرات دي وتشتغل على أننا نطورها ونميها ...وكل ما الطفل يحقق إنجاز ويبقي اشطر فى الموهبه دي ..كل ما ده يشعره أنه مميز أنه عنده حاجات كويسه هو شاطر فيها زيه زي باقي الناس وده بدوره بيعلي ثقه الطفل فى نفسه وصورته الذاتيه وبالتالي هينعكس على سلوكياته مع الآخرين
# ده مثال على حاله صعوبات ..لكن عنده موهبه فى الرسم