الشعب بعد التهميش

[عصام سامى ناجى]

علشان مافضلش أسير
أنا روحت ميدان التحرير
وهتفت بإسم الحريه
فلتحيا الثوره المصريه
وليسقط عصر التزوير
***
والشعب وبكل طوايفه
بعنيا وبقلبي أنا شايفه
واقف في جميع الميادين
بيواجه شلة فاسدين
خلت وضع أبناءنا مرير
***
الشعب بعد التهميش
حالف في كرامه يعيش
هيرجع من تاني الحق
هيقول للظالم لاء
بقوة باحساس بضمير
***
الشعب وبكل فئاته
شايل على كفه حياته
بيتحرر من كل أحزانه
وبيفدى بالدم أوطانه
وفواده مليان تكبير
***
الشعب إتخلص من خوفه
والدنيا بحالها بتشوفه
بيصنع عزته من تاني
وبيبدر في الأرض أماني
بيغير كل المعاير
***

[كاظم الفضلي]

قصيدة جميلة بوطنيتها وبنائها وموسيقاها
فكأني أقرأها نشيداً معبراً عن عمق الأنتماء
والولاء . شكراً فارسنا المبدع عصام ..
تحيتي لك .

كاظم الفضلي

[ريمه الخاني]

سنعلم حتى ولو بعد حين ان المسكين الاول دوما هو الشعب
تثبيت مع التقدير

[عصام سامى ناجى]

شكرا ياأخت ريمه علي المرور والتثبيت

[عصام سامى ناجى]

شكرا أخي الكريم كاظم علي المرور