وين ألكاك ..؟

[كاظم الفضلي]

وين ألكـــــاك ..؟


وين الكاك ..؟
تعبني السفر بعيونك من اسنين
وتعبني النشد وعيوني تترجاك
وين الكاك ..؟
يالطعمك حلو وملكاك فرحة عيد
وين اتريد ؟؟!
ترسملي عله اجفوف الوكت تفاحة ذهب
مجبور تحجيلي قصص وتكول عني الناس
جاباهه وحظه برضواك
وين الكاك ؟؟
يالوجهك غسل ماي الفرات وبلل جفوني
اخذني...
يلن الغيض ماينفع ..
ولاأكدر اشيلن اسمك من البال حته انساك
شديت النظر بالرايح وبالجاي
وأسال عنك بروحي
وأعاتب سكته ياروحي
الشوارع ... والشواطي
وكل مجان امشيته أنه اوياك
وين الكاك ؟؟
فزيت بجرح ماشالته الكاع
وحسيت بحزن ياكل خاطري ويذبحني طرواك
ومللني السهر ..
ملل اظنوني الشك
لأن طولك غصن ريان
خاف الريح تكسر غصنك ويشتد عليه اشتاك
لأنك غزال ..
ومن طبع الغزال يصوبه الصياد
وتدري الناس تفاكه
عله عيونك حبيبي وشعرك وممشاك
وين الكاك ؟؟
اتنطرك والشمس تلميذه حبيبي
الصبح من تطلع تورد اخدود كل محبوب
وتلم الصدور ازياكهه من الخوف
بس صدرك يمر مجنون
يتلاكه عله خيوط الشمس
يتنهد ..
وأنه بغيرك تمر اوجوه
انشدهه وتكلي انساك
وين الكاك ..؟
ماظل الحلم يلكاني ليليه
ولاعدي صبر يحجيلي خرافه
اتعوذ الشيطان
نام ...
نام ...
أنت بليل كله اهموم
ماظلك وكت نام ؟؟
أمشي عليك حبي ودمعتي وايمام
بلجي اتنام ..
وما انام .
واحطن روحي اعله الباب
بلجن جفك ايدكه وأكلك جاك
هسه الكاك ..
مو كوه حبيبي اتريدني انساك
شيغير النهر مجراه؟!
وشيبدل النهار بصوف مامغزول ؟
حته اتكول !؟
كلشي ايصير ..
صدكني اعيش اوياك
اموت اوياك
لابد يوم تلكاني
وانه الكاك



كاظم الفضلي

[ريمه الخاني]

ماشاء الله شعر عذب وحروفك رائعة
سلمت لنا

[كاظم الفضلي]

الكاتبة والأديبة ريمه الخاني ..
شكراً لكِ سيدتي الفاضلة والأديبة الرائعة لمروركِ واطرائكِ ..مع تقديري


كاظم الفضلي

[ظميان غدير]

الشاعر كاظم الفضلي
قصيدة رائعة وجميلة
سرني التمتع بهذه النكهة واللهجة العراقية الفريدة
تحيتي
ظميان غدير

[كاظم الفضلي]

الشاعر الأستاذ ظميان غدير .. تحياتي .
شكراً لصورة الأعجاب هذه فكل تعبير قد يأتي بسلال ثمر كرمكم وأهتمامكم أديبنا الفاضل .

الفضلي

[بنان دركل]

السلام عليكم
طعم رائع ومذاق أدبي فريد وجميل
استمتعت حقا بقراءته
بنت الشام