عفاريت المصباح السحري

[الشربينى خطاب]

عفاريت
المصباح السحري
ضحك لي الحظ ولقيته
مصباح بطلنا علاء الدين
من فرحتي بالفريكيكو
فركته بإيديا الأتنين
دخن وطلع عفريته
بصيت بسرعة
لقيته اتنين
*****
وقفت أبحلق مستغرب
أطلب طلب ولا اتنين
ولاَّ اجري خايف
وأقوم اهرب
طب بس هاهرب
أروح علي فين
عفاريت وحافظة
أرض الملعب
وهايمسكوني
في غمضة عين
*****
بسرعة سالت
قبل ما أهرب
حضرات جناب
العفاريت
فانوسنا السحري
كانوا قالولنا
ف إصل حكايته
لا فيه فتيل
ولا حبة زيت
جواه عفريت
حارس حارته
صنف واحد
من العفاريت
أمال التاني
دا يطلع مين00؟
****
رد التاني
أبو عين واحدة
وقال يا أخينا اسمعنا
بدل ما اغضب وأذيكوا
مصباحانا واسع ويسعنا
برضاكم أو غصب عنكم
هاعيش معاكم وأدلعكو
انا اللي جي أهنيكو
وإن كنت ناويين
في مناكفة
وحياة أبويا
لوريكو
*****
دنا من زمان
عامل شركة
أنا وعلاء
صاحب المصباح
متسجلة
في متين بورصة
وليَّا فيها نص
الأرباح
والعقد أهوه
ف بنده التاني
مكتوب يا سادة
أنا شريكو

[فراس الحكيم]

اهلا بنصك الجديد شاعرنا ويهمني رايك ايضا بنصوصنا كشعر شعبي باللهجه السوريه
لك مني كل التقدير

[الشربينى خطاب]

اهلا بنصك الجديد شاعرنا ويهمني رايك ايضا بنصوصنا كشعر شعبي باللهجه السوريه
لك مني كل التقدير

لكل مهنة اسطي
يعرف خباياها
وأنا يا حكيم
في الشامي
جاهل الصنعة
****
ابعت لي قاموس
اللهجي بالسوري
وأنا اخش
علي شعركم
لا فيزا
ولا ممانعة

[ظميان غدير]

الشربيني خطاب

قصيدة رائعة وجميلة

ورمزية ساخرة ومعبرة
تحيتي لك

ظميان غدير