مقدام ابنك يا وطن(1)

[فردوس النجار]

كل الكلام صغير بْحروفو..بْيكبر على حْزامَك
يَلـِّي رَفـَعْت الراس يا مْقدام..نـْزَّلـْتْ آلامَك
كل اللـِّي داسو بالخطر أبطال.. صْبية وصبايا والرجا
يا وطن نيَّالـَك!!
شو هالشبيبة الحاملةِ تاريخ..تـْرَشـْرشْ على دْيالـَك
من سوريا ..مْش كوكب المريخ..شغلوا الدني عْيالـَك
فلسطين..فوق الروح عَم تمشي
لا خندق يـْوَقـِّفْ بـِلـَهفاتا..وُمَا نـَزَّلا رمشي
حَطـِّت بـِصدرا صورة الجولان..وُمْن الـْغـَضـَب طوناتْ مشٍ كمشةِ .
حان الوقت يا وُلاد للأوطان..يُوسَع حْرجْها وُتـْهدر الفرسان
خَتـْيـَر جْرحْنا..وُكـَبـَّروا نـَعشي
ايدي بإيدك ياشبل عدنان..ايدي بإيدك ياشبل كنعان ايدي بايدك يا ابن سومر..نمحي الظلام وكل مْن تـْآمَر
هالمستحيل تـْمَزَّق ُوهَرْهَرْ..وُصارْ الـْمُراد مْرَصَّعْ بْمَرْمَرْ
جايينلـِك..يا هالأرض يللـِّي ..الموت بيجيكي وُانتي بْتـْعَلـِّي
ويخجل من ضـْفـَافِك عذاب الكون..والبوصلة تـْقـْلـِّي
هَونيك روحي إركعي وصلـِّي
***************
فوق بْجبال الشيخ عَالتـَّلةِ..وُيَمِّ الـْجـَلـيـْل وُصَفَـدْ حْطـِّي قـْلاع
خلـِّي العدو يْوَلـِّي
هي قدسنا المباركةِ يا شام..سَمُّوها مْحتلة
قوموا حملوها ..يا مشاالله هْجام..ما بتشكوا من قلـِّةِ
هيدي فلسطين بْبلاد الشام..فوق الكتف قـُلـِّةِ
بْتـْروي الحبايب نهرها عَوَّام والجنـِّةِ بْتـْحَلـِّي
اللاه يا رب السَّما تـْنـْصان..وُتـْرْجَع مْتل ظلـَّي
تاحوِّطا بـْقلـوب ما بْتـْنـْضام..وفيها العَلـَم عَلـِّي
نيـَّال هالخيمة النـَّصَبْتـُوها..بـْقلب العدو علـِّة
يللـَّه ازهري يا ورود أرض الشام..تـَنـْكـَبـِّر الـْغـَلـِّةِ
وُتـْكـْبـَر بـِجـَوِّكْ نجمة الأحلام..وُسْتـِّي تـْهَنـْهلـِّي
وُيْزَلـْغـْطـُوا حلوات مجدل شمس..والروح توصلـِّي..والأرض تو صلـِّي !
دمشق-الشاعرة فردوس النجار

[ظميان غدير]

نص وطني رائع اخت فردوس النجار
تحيتي لك ولشعرك

ظميان غدير

[أديبه نشاوي]

هذه القصيدة من اعذب ماقرات لك حقيقة
وفقك الله شاعرتنا العزيزة
اديبه