معقوله ترد

[كاظم الفضلي]

معقولة ترد ..؟!


معقولة ترد واشبع حديث وياك
وتدري بغير شخصك ألمن اشكي أهموم
وتعودت اعله شوفك كل وكت يمي
لوحه وبالحسن احسن رسم مرسوم
احط عيني أعله طولك وأسمع الضحكات
وأشم نفسك عطر ماشمته أخشوم
طعم بيك السوالف والجروح اطيب
ورغم كل الفراك أتأملك كل يوم
أنت وياي كل هاي السنين
وغربتي فراكَك
وعلمتني دموعك التوصل هواجس
وذكرياتك ..
ولوعتي وشوفت عيونك
صبر تعبان وجرح مالوم
وأنت وياي ياطبع النده
وبرد الحدايق ..
ولمة أجفوفك بديه
ومشتهيك ألكَاك
من اكَعد ... واكَوم
يــــــــــــــــــــــــــــــــــــا ......
لحظة ولادة شدهة البال
أنه بياحال ..؟
من تلكَاني والكَاك
مثل رضعة طفل مفطوم
راح اصهر كياني وألتحم بيك
مو حقي من اصيرن جنت محروم
معقوله ترد وأنسه أنت جنت بعيد
وأحط طولي أعله طولك ظالم ومظلوم
تقسه اشما امد روحي جسر
ترفض والجسر مهدوم ..
تانيتك ...
عمر وأشباقي بيّ أسنين
مو أنت الصبح مو بس كَمر ونجوم
أتباها صدك وأفرح أنه بطاريك
وأدري انت رزق ومو كل رزق مقسوم
تعال ومرني بس لحظات
وخل أقره بقايه العايش أبالي
بلكي ارتاح وأشبع نوم ..
معقوله ترد ...!




كاظم الفضلي
2012/6/17

[بنان دركل]

أظنني فهمت تقريبا ومعاني جميلة رغم لومها..اهلا بجديدك شاعرنا الكبير الفضلي تشرفت بالمرور من هنا

[كاظم الفضلي]

الدكتورة بنان دركل .. لابد أن نتواصل
من خلال الكلمة ونفهم بعضنا ولغتنا
بمختلف لهجاتها كما نحن نتغنى بلهجتكم
ونطرب بغنائكم فها نحن نأتي لكم لأنكم
أقرب الى القلب وتوافقنا بمحبتنا اسرة
تحت خيمة الفرسان .. حضوركِ رائع
وتعليقكِ أجمل وجسور تواصلنا محبتكم
شكراً زميلتي المتألقة اشرافاً وعطاءاً .

كاظم الفضلي

[ريمه الخاني]

يسرني ان اسجل حضورا في ربوع هذا القصيد الصادق
دمت مبدعا كريما أيها الشاعر الكبير.

[كاظم الفضلي]

شكراً سيدتي الفاضلة ام فراس .. أنتِ من يمنحنا
هذا الحافز بالعطاء ويبسط ذراعيه جسراً للود والمحبة
تحيتي لكِ لأنكِ أضفتي جمالاً لقصيدتي .

كاظم الفضلي

[الحمداني]

معقوله ترد وطيب بيك الروح
ومعقوله يطيب للي بشوفتك مذبوح
تعال احطك على الجرح واشوفن
منهو البينا من العشك مجروح
أستاذي الكبير الشعر ملعبكم دعونا نمرن نفوسنا على حبال من شعر

أسعدنا الوقت والحس والكلمات في ساحتكم الشعريه أستاذي الطيب

[كاظم الفضلي]

الأديب العذب .. الحمداني . أنت بارع في ملاعب
الأبداع وجميل في صياغة النص .. اسعدني مرورك
شكراً لأنك هنا .

كاظم الفضلي

[الحمداني]

الأديب العذب .. الحمداني . أنت بارع في ملاعب
الأبداع وجميل في صياغة النص .. اسعدني مرورك
شكراً لأنك هنا .

كاظم الفضلي

نحن طلابكم بالشعر الشعبي
تحياتي

[حيدر السعبري]

كما انت دائما رائع برسم حروفك شاعرنا العزيز " كاظم الفضلي "
لوحة فنية جميلة .. سلمت الايادي استاذي العزيز

[كاظم الفضلي]

الشاعر حيدر السعبري .. مرورك أجمل
فقد تراقصت كلماتي منتشيةً فرحاً لأنك
تقرأ معي مانكتب . شكراً لك .

كاظم الفضلي