وصايا ماما ياسمين

[رغد قصاب]

وصايا ماما ياسمين 🌴
🌸الياسمينة 5⃣🌸
يسعد أوقاتكن يابناتي 😍
الله يرضى عليكي ياماما بنتك أمانة عندك ...
البنات هدية من رب العالمين ..وكان رسولنا الكريم صلى الله عليه وسلم يسميهن الحبيبات المؤنسات ..وفعﻻ البنت سبحان الله بتحبب بحاﻻ من الصغر وبتتعلق بأبوها وبتنشر الفرح بكل مكان ..
ومسؤوليتك يابنتي كأم إنك تربي هالبنت وتعرفي إنها أمانة عندك وبدك تربيها لتكون أم وزوجة صالحة وتغرسي فيها مكارم اﻷخﻻق والقيم واﻵداب اﻹسﻻمية ﻷنها هية بدورها حتنقل هالعلم لوﻻدها وتربي أجيال ..والله يصلح بعض اﻷمهات بتفكر بنتها لعبة حلوة وبتزينها وبتظهر جمالها من الصغر بتعلمها عالرقص واللبس القصير والضيق والمكياج وبتملي عينها منها بالحفﻻت واﻷعراس وكأنها بس مخلوقة لها القصص وبتتعلق فيها وبتنسى إنها حتكون أم وبدها تحمل مسؤولية بيت وزوج ويمكن تتغرب عنها بالسفر ..بنتك ياماما غالية وﻷنها غالية ﻻزم تتربى صح ﻷنها مو ملكك بدك تحافظي عليها وماتظهري مفاتنها بالصغر قدام حدا حتى ماتتساهل بالكبر وبدك ماتسكتي على أخطاءها وخلي عيونك عشرة عليها وإذا شفتي منها عناد حاولي تعالجيه إما بالرفق أو بالشدة المهم مايستمر ﻷنه مع اﻷيام بدو يتحول لتمرد وعصيان وعقوق ﻻقدر الله..احزمي أمرك معها من الصغر وتقربي منها واحتويها وبس تكبر رافقيها وكوني سكن وأمان إلها وانتبهي مين بترافق وشاوريها بأمور البيت وﻻتتساهلي بالبداية حتى ماتندمي بالنهاية وكتير حيكون زوجها ممنون منك وبيت حماها وحيدعولك على هالزرعة الحلوة يلي رعيتيها وربيتيها وأخدوها لتثمر عندهم وتعطي أحلى الثمر والفضل لله ثم إلك يلي ربيتيها أحسن ترباية وهيئتيها لتحمل أمانة زوج وأوﻻد وهاد كله بميزان حسناتك ولما بتشوفيها مبسوطة وأمورها بخير هي قرة عينك وضلي عم تنصحيها وتوجهيها لطاعة زوجها وخليا تحب بيتا وعيشتها مهما كانت خلي زوجها لما يجيبها لعندك يفرح من قلبه ﻷنه لما عم ترجع من عندك عم يﻻقيها عم تجوهر بزيادة وعم تملي حياته فرح وسرور مو ترجع مقلوبة عليه وتزداد هم ونكد وطلبات ..
خليه يعرف إنه هالمهرة اﻷصيلة من هالفرس اﻷصيلة ..
هي نعمة إلك ياماما وستر من النار وبمقدار مابتستريها بالدنيا بتسترك باﻵخرة واﻵخرة يافاخرة ..
أترككم في رعاية الله وحفظه 🌸🍃🌸🍃🌸🍃
واضيف :
علميها من فنون الحياة الكثير الطبخ التربية المغزل وللصوف خليها تدرسي وتنجح.. لان نجاحها نجاحك ونجاح لاولاها والمجتمع.

[خالد جابر]

أستاذة رغد , هذا درس مفيد جداً , بل هو وصية تحذر الأم من تربية بنتها تربية خطأ , وأتمنى لو كل أم تربي بنتها على الحشمة وعلى عادات إسلامية صح , منذ صغرها , لتتعود على لبسها وآداب كثيرة من حولها , أعجبني هذا الموضوع , وأريد من الأستاذة رغد أن تكتب باللغة العربية وتترك اللهجة , لأن منتدانا فيه من يفهم اللهجة الشامية وفيه من لا يفهمها .