أنا جذع الشجر/عائض القرني

[ريمه الخاني]

أنا جذع الشجر

هلا ياغالي كلَّه وعينه في الغلا ميثاق=سلامٍ يبهج الخاطر ويروي ماظما منّي
فديتك ياحبيب بات في ليل الهوى مشتاق=يسامر نجمة الطارق على ماقد روت عنَّي
حنون القلب والكفين في همسه نغم واشفاق=كتبته في خطوط الكفّ عنوان صدق ظنَّي
لفيته والجناح يرفّ عن ساق يلف السَّاق=رصيف الحلم ياكل مابقى من درب متعنّي
أصدق وألمح أغروبٍ وأكذب واطرد الإشراق=يثور الأمس في يومي وينقش منبع الونِّ
سراب الخطوة الأولى على درب الوهم تنعاق=أجي من بعد ماأقطعها حسير القلب ماكنّي
طوتني طية اكتاب وتنثرني كما الأوراق=وتمسحني كما حرفٍ خرج عن لوحة الفنِّ
تعاودني على ساعة ظما وتغوص في الأعماق= تلاقي النّار والمحار وشعرٍ دمره ضنّي
حنيت الضلع في صدري على قلب وسيع أحداق=يرى ماتجهله عيني ويمسي قارعٍ سنّي
ربيع الذات في عيني خريف جا يهل إفراق=ويقهر عاصف الذكرى بلحن ما له أمغنّي
تمايل زهرة أيامي بها من ضحكتي إحراق=تساوى فيّ مايصمت وماينطق وماهنّي
لمست الغصن ريانٍ وقرب لي بعيد أعذاق=عرف في ناظري حالٍ يجيه الفرْح ويهنّي
أنا جذع الشجر يركن عليّ الحاسر الطفاق=وتمسي بي طيور الليل تتسابق على المنّي
رجاوي خاطري باتت على سنٍّ يطيح أعناق=يداعب خمسة إوتار لها في جانبي رنّي
جمعني دفة اكتابٍ على لونه تعيش أذواق=حروفه في ثنايها رموز وطلسم الجنِّ
ركام اليأس غيمٍ شعْ في عيني لظى البراق=يفتت صخرة الواقع ويعطي الرزق ويمنّي
متى ريت الزمن يحلى فخذ من صافيه ترياق=فلا دامت لمن يرخي عنان الوقت متمنّي
شفوفٍ تكثر وكلٍّ على باب العمر معلاق=يشوف إلباقي آهاته ويمضي الوقت ويحنّي

لغيمة شكر مادام للغيم وفاء
عائض القرني/عناقيد الادب

[ظميان غدير]

قصيدة رائعة للشاعر عائض القرني
فعلا معانيها مميزة وقصيدة نبطية جميلة
شكرا لك على النقل ياريمة الخاني
ظميان غدير