كيف تعرف الشخص الفلسطيني من بين سكان العالم ؟؟؟

[جريح فلسطين]

كيف تعرف الشخص الفلسطيني من بين سكان العالم ؟؟؟

* بيفهم في الطب وبيشخص المرض وبيوصفلك الدوا وبيفهم في الكهربا وتصليح السيارات والطبخ والسياسة والقانون والواجب و الدين و الحسابات والكورة وهو أبيض ياورد .

*بيحط الريموت كونترول في كيس نايلون حتى ما يتغبر ولا يضيع

* بس يقعد يتفرج على التلفزيون بيضل ينقل من محطة لمحطة كل دقيقة

*بيوقف يتكلم على الباب نص ساعة بعد إنتهاء الزيارة والسلام

*في خزانة المطبخ عنده عشرين مرطبان مربى فاضي منشان اذا احتاج يستخدمها ومازال مُصِر على جمع المزيد.

*ييجي بعد الموعد بساعة وربع دون ان يعتذر.

*يتكلم بصوت عالي في المكالمة الدولية منشان التاني يسمعه

.
بيعتبر حاله أفضل واحد في الشراء والمفاصلة ثم يكتشف إن الشي في المحل اللي جنبه أرخص من غير مفاصلة.

*بيحتفظ بأكياس محلات اللبس والأحذية وورق الهدايا تحت فرشة التخت لسنوات(يا عمي مين بلش بها العادة؟( )

*عنده صينية مكسرات مقسمة لتلات او أربع أقسام منشان المزاج لكن لايستخدمها ابدا.

*بيشتري قبل الإفطار في رمضان مواد استهلاكية متوفرة عنده في البيت

عنده منقل شوي للرحلات يستخدمه مرة واحدة كل عيد

*بيتخانق ساعة دفع الحساب بحرارة شديدة على إنه هو اللي لازم يدفع.

*بيفرش شرشف التخت على طقم الكنبايات منشان الكنباية ما تتوسخ، ولما يجوا الضيوف يترك الشرشف وما بشيله.

*بيطفي سيجارتو بفنجان القهوة مع انو في منفضة على الطاولة

مع الشكر لصاحب الموضوع ههه

[جريح فلسطين]

** أكثر إنسان عنده عضلات قد ما ولاده أكلو منه قتل
* أول ما يشوف منظر طبيعي وزرع وخضار بصير يحكي بينه وبين حاله ( بدها هش ونش ) .
* دايما بدور على الاشي الكويس والرخيص وابن الناس وبموت في اشي اسمه " لقـــطة "
* بفهم بالسياسة ورأيو دايما هو المزبوط وكل العالم خونة والقضية باعوها وقبضو حقها.
* دائما يعيش ضمن الحلم ولا يقبل بان يخرج مما يحلم.
* دايما عامل حاله أكثر واحد عنده كرامه في العالم.
* دايما بوصي اولاده " اوعى الناس تضحك عليك .. واكيد طول انهاره بذل اولاده
وبقولهم شوف ابن فلان احسن منك وعامل مقارنة بينهم وجايب لولاده احباط.
* بتفوت عنده في المطبخ راح تلاقي " تنكة زيت زيتون" , " نصية جبنة " ,
" تنكة زتون غير المراتبين اللي فيها زتون " بالاضافة للاعشاب
هاي " زعتر نوعين عالاقل , ميرامية
وبكون حاططهم في خيشه , انواع متفرقة من الاعشاب " لكي
يمارس الطب فيها على البشر.

* اكلاته المفضلة " قلاية البندورة" واكيد لازم يدعي انه مافي حدى بيعرف يعملها زيوو
ودائما بيفتخر فيها وبيفتخر في قرنين الفلفل اللي بيحطهم عليها
وبضل يحكي عنهم قديش بيحرقو وتعتبر من الاكلات اللي بتناسب جميع الأوقات وكل
الاماكن يعني ممكن يفطر او يتعشى او يتغدى عليها كلو بصير مع قلاية البندورة
لامستحيل ابدا, طبعا بالاضافة للاكلات الاخرى زي المجدرة , شوربة العدس وطبعا بيحاول
يفهم اولاده دايما على السفرة قديش هي مفيدة واذا واحد رد عليه وقلو اللحمة يابه
كمان مفيده بظربه قتله وبقوله قوم عن السفرة على اساس انه طارده من على سدر منسف
واكيد اخوانه بصيرو يطلعو عليه وبستجريش حدا يحكي مرة ثانية على الاكل انو مش زاكي.

* "قتلة الاولاد ماقبل النوم" هي بمثابة قصة ماقبل النوم عند الشعوب الاخرى
لان القتل قبل النوم هو اسهل وسيلة فعالة للنوم السريع علشان هيك بس يكبرو
اولاده بتمسحو وببطلو يحسو بالقتل اللي بوكلوه وطبعا لازم هو ومرتو يفتخرو
قدام الناس ويحكو عن القتلة اللي الاب طعماها لابنو والمصيبة
انو الابن بكون بسمع ومبسوط انهم بحكو عنو .

* كل مايشوف محل شغال كويس بصير يحسب للمحل قديش بطلع في الشهر
واكيد تراوده " في احلام اليقضه " فكرة انو بدو يفتح محل وبدو يعمل مشروع
كل ماشاف واحد صار معاه شوية مصاري وبضل طول عمره يحلم ويفكر قي هالاشي
ولاكن تبقي كلها في احلام اليقضة تتوارثها الاجيال جيل بعد جيل

* طبعا في المجلس دائما بتكلم عن الفرص اللي صحتلو زي قطعة الارض
اللي نعرضت عليه قبل عشر سنين وكان سعر المتر دينار والآن سعر المتر 5000 دينار
وفي اخر الكلام بعد ما يبرم ويلخمك بالبرم بيقلك ايش احكيلك لما احكيلك*
منقول
***************

[أسامه الحموي]

ممم طيب شوف معي هدول : *************************** كل أم ولها أسلوبها في التدريس اللبنانية : حبيب ألبي... في إيدك فايف فنجرز (fingers) ولو ماما أخدت فنجرين (two fingers) ئديش فنجر (finger) يتبقى في إيدك.؟ يالله حياتي لو عرفت بدي أفسحك في مول الفلاجيو المصرية : فتح مخك معاي يا واد أحسن وديني لا افتحهولك بالجزمه الأديمهحمارين + حمارين بساوي كام ياواد ماتغلبنيش كفاية أبوك ، ربنا ياخدك انت وابوك الأردنية : هي ولا ، لدعلي جاي ، هظوله أربع تيوسلو ذبحنا واحد وساوينا عليه منسفقلي يا تيس قديش بظل عنا تيوس خلاف انت وابوك الفلسطينية : يما الله يرضى عليك معك عشر ليرات وأجاك واحد واطي وسرق منهم خمسه أكم ليرة بظل معك؟ والله لو بدرس قرد كان فهما يلعن مخك الكندره العراقية : يا ابني ركز شوية وافتح مخكأكو 10 اشخاص انفجرت بيهم قنبلة مفخخةوماتوا أربعة من العشرةشكد يبقونكول شكد يبقىمن نامت عليك طابوكة انت وابوك بيوم واحد واخلص من هاي العيشة الزفرة السورية : ركز معي يا تقبرنيلو عندك صحن فيه سبع كِبايات و إجا أبوك أكل مِنُن تنتينوإختك أكلت وحده كم كبايه بيضل عناشو ماعرفتا تِشكُل آسي ؟؟ إزا حاسسا صعبه عليك خلينا نحط بالصحن بدل الكبة كوسا مِحشي