تعلم العبارات الشامية في يومين من دو ن معلم

[د.أنس تللو]

بة على وجهه: لوالو حنكو
كلام فاضي لا معنى له: شروي غروي
تقول عن طعام حد : مشلفط شلفطة
تتكبر أو تبالغ: روح لعاب بعيد
أذهب بدون مشاكل: أرجيني عرض كتافك
بحث عن شيء: بحبش عنو
حالة الإنزعاج الشديد: سملي بدني
أساء أستعمالها : هلك نعمتها
تفاجأ من أمر: أجتو الجمده
لما الواحد ييكرر أمر لدرجة الملل: طلع بلعو
زار مريضا : شأيت عليه
عنيد: تنح
عدم الموافقة على العطاء: ينعطى لطشة
الشخص الجائع الذي لم يأكل منذ الصباح: على لحم بطنو
مصطلح يستعمل مع الضمير الغائب للتعبير عن عدم الإهتمام: ينمحيء
غضب و شتم: ردح
أكل و تناول الطعام : أتدولق
أسرف : تشبرء
مبلول : مساسأ
وسخ نفسه: أم أم حالو
لا قيمة ولا هيئة: حشت نشت
لا وجود لأحد في المكان: مافي الدومري
عملية الاختباء في مكان غير مرئي: لطى
صار بين الأيادي كثير منه: أنمعط
شخص جلس مسترخيا بطريقة مريحة: تفرفد
إعجنها و إخلطها جيدا: معكا
ترك شخصا ينتظره لمدة طويلة: لطعو
محاولة التقرب: إتدحوش
بقي في مكان ما لحد الطبيعي: بلط
إنشغل بأمر مفاجئ: إلتبش
إنزعج من الفوضى: إنطوش
إنتهت سعادة بشيء ما بسبب أمر مزعج: طلع من عيونو عامص
الشخص الذي يصيبه فرح شديد: زحل عئلو
مصطلح للتساؤل و الإفتراض: بلكي
وصف مجازي لحالة العطش الشديد: طأطئت جوزه حلقو
الفتاة الصغيرة التي تقلد من هن أكبر منها : مدهرنة
الشخص المهووس بالنظانفة : موسوس
الشخص البخيل : كحته
قصير و سمين : مدربس
تستخدم لوصف الشيء السلس : متل السلطة
مرتب: مرستأ
غادر ولا يرى طريقه لأمر هام : على ملات وشو
نظيف جدا لدرجة اللمعان : عم يوج وج
وصف للعلاقة الخالية من التكاليف : خوش بوش
قطعة من الدهن و اللحم لا يأكلها الإنسان : شختة
جزء أو قطعة من شيء أو فتات جميلة : شأفة
دراجة هوائية : بسكليته
وقع أو سقط : سلت
إسم الورقة الشاب في الشدة : أشوش
مغرور : مأنبز
اختلاط الأمور عليه : فتل راسو
أظهر استياءه من أمر ما : انطمز
مصطلح يستعمل أحدهم في سياق حديثه للتعبر عن الغير : انضرب عألبو
التحف و تدثر بغطاء : تكمكر
تصرف معه بطريقة مهينة : مسح فيه الأرض
طال حديثه لدرجة سبب له الملل : لعالو ألبو
صفات الطفل صغير بالسن : فصعون
فقد صبره : نطف ألبو
وصف الشخص المستاء : لاوي بوزه
التصرف بإسلوب غير متزن : طأو فيوزاتو
قال ما كان يخفيه : نكت الخمير و الفطير
سبب له خيبة أمل : انبخع
مصطلح يستخدم للتقليل من شأن ما : آل يعني
القيل و القال : عي
قسم يستخدم لضمان عدم التزام به : عليي ما عليي
مصطلح للمفاصلة : من هون لهون
قسم غير مباشر لصحة القول : ما بزل عليك
إستمر بطلب ما من أحد لدرجة سبب له الأزعاج: نخر بدنو

[شذى ميداني]

وزارة التربية ۅ التعليم

تشكر شركة " facebook "
لأن ابنائنا :
الطلاب وُ الطالبات
... تحسنت احوالهم
... في القراءة و الاملاء
( من ورا الفيسبوك )
نظراً لإستخدام الشات والكومنت بكثرة
ۅهذا مَا عجزت عنه
الوزارة سنين طويله.. !!!

[ريم بدر الدين]

مصطلحات شامية
منقولة .. من صفحة نكت شامية

(بيناتنا)
للتشويق، وتُستخدم كمفتاح للنميمة.

(مالك علي يمين)
بداية لكذبة من العيار الثقيل لا تنزل بميزان أو قبان.

(وحياتك عالغالي)

دعوة مبطنة لقصف عمر المتلقي.

(بدك الحق ولا ابن عمه)
اعتراضية لتمرير كذبة بالحجم العائلي وبحرفية عالية.

(إلك ولا للذئب)
لتحريض النخوة، وتهيئة المستمع نفسياً لدفع دين.

(يا مرحوم البي)
يجوز استخدامها كموسيقا تصويرية ولزيادة جرعة الإثارة ولاستدرار
العواطف.

(مالك بالطويلة)
فاصل منشط محشور ضمن حكاية أطول من سيرة أبي زيد الهلالي.

(محسوبك)
للمنفخة والاستعراض.

(انسَ الموضوع)
ضوء أخضر لفضح (المُنمى عليه) عبر جميع وسائل الاتصال المُتاحة.

( سيدي ما علينا)
شارة مُعتمدة في ختام مسلسل نميمة من ثلاثين حلقة.

(مع احترامي إلك)
، و غالباً تعني (يا ...) بطريقة مهذبة.

(اشتهيناك معنا)
للنكاية، ويجوز استخدامها بدلاً من بالناقص منك.

(أنت لسه ما بتعرفني)
تستعمل للمداراة على البهدلة وسواد الوجه.

(ما كذبتلك خبر)
تأكيد على كذبة متوسطة المدى

[ريم بدر الدين]

وتستمر المصطلحات السورية
واحلى لهجه بالعالم ..... وهي لهجتنا السورية
---------------*----------

دشّرني : أي حل عني . . . وحل عني يعني اتركني بحالي

طلاع من راسي : كمان يعني حل عني

سد بوزك : يعني سكوت

سد نيعك : شرحو

أيدي بزنّارك : تعبير يستخدم للتعبير عن الرجاء

دخيل الله : أيضا تعبير والمقصود به هو الاستغاثة بالله

شعرو متل الشوشة : أي أن شعره منفوش ومنكوش

متل فرشاية المدفع : يعني شعراتو خشنين ومنكوشين

وضرّاب السخن : مسبّة

ينمحئ : ويعني ينضرب على قامتو . . يصطفل

يبعتلو حمّى : أي تصيبه حمى ونخلوص منو

يبعتلو أتلو : يعني يموت

يروح دعس : كمان يعني يموت دعس وممكن انو ايروح كمان (دعس . فعس. معس)

متل مكّوك الحايك : يعني بحوص كتير

برِي عليك : يعني برافو أحسنت

[أسامه الحموي]

جبتلكن شوية أمتال بتضحك.......


1-يلي مالو بنات ...ماحدا بيعرف إيمتى مات
2-أبو البنات شايل ع كتافو حسنات
3-يلي حظها قوي بتجيب البنت قبل الصبي
4-البنت هديه ...والصبي بليه
5-الحياة بدون أخت متل الشارع بلا زفت
6-إبني هوي إبني لفتره من العمر ولحتى يتجوز وبنتي هيي بنتي طول العمر وعليها بتْعَكَّز
7-عشر أصهرة على باب داري ولا كنه تكشف أسراري
8- خود المعجعجه وضمها وخلي السنكوحه بحضن أمها
9-النذل يلي متعود عالوخامه مابتناسبو بنت الشرف والشهامه
10- القرش مابيخبي الشرش والخروق مابتخبي العروق
11-لا تاخد أرمله خدها مشموم شو ماعملتلها بتقلك مو متل المرحوم
12-يلي بدها يسعدها زمانها تجيب بناتها قبل صبيانها
13-عشنا وشفنا ومابقى شي يدهشنا
14-لو ماكان الطول مهيوب مااخترعو للقصيرات كعوب
15-دللي كنتك واكسبي ودها لان إذا نوت عالشر مافي شي بيردها
16-البيت اللي مافيه بنات مافيه حناين والمحظوظه بتعوضهن بالكناين
17-سوده والخدم حواليها وبيضا وكل الشغل عليها
18- قصي من لسانك وزيدي ع التنوره منِو بتدفي سيقانك ومِنّو بتضلي مستوره
19- سودا زرقا وقاعده عالتخت وبيضا شقرا مالها بخت
20-خود السمينه ولا تخاف بز مخده وبز لحاف
21-إبن الأصل لو طعميتو خبز حاف بيصون، وقليل الأصل لو طعميتو لحم كتاف بيخون
22-فكرناهن رخاص طلعو مجاناً
23-بنت الأصل بتخلي كوخها قصر
24-دنيا ماعليها عتب فيها المصدي وفيها الدهب

[غالب الغول]

بصراحة أقول ((( اللهجة لا تغني عن الفصيحة شيء )) ستبقى الفصيحة أفضل لكل من تكلم العربية في مشارق الأرض ومغاربها , لكن هل نستطيع التخلي عن اللهجة العامية ؟ طبعاً لا

أشكركم جميعاًُ وبارك الله بكم .