رسائل لن تصل اليه

[ذيبان]

وش يقول اللي تعود يلتقيك
يوم عمره مالقى عقبك غلا
ماقدر في بعدك إلا يحتريك
وماعرف في غبيتك غير الوله
كم تمنى بالوفا لو يحتويك
في خفوق باصدق الود امتلا

ذكرتك والدروب اللي تعانق خطوتك بسكات
انا مازلت اسافربين نظراتك وكلماتك
وانطفا جمر السلام وذابت الشمعات
ذكرتك واستفزيت من شوق بسماتك
وانا لاجيت ابرتاح تطاردني بنظراتك..

وين أودي شوق قلبي والوله
لو غديت بعيد عني ماأسمعك
تملك احساسي وفكري تشغله
ترحل طيوفك وفكري يجمعك
هاك قلبي ..
هاك ليتك تقبله
خذ سنين العمر أوخذني معك
انت تالي العمر وانت أوله
من يقول اني نسيتك يخدعك...

جيتك وانا ماني بتايه الراي ..
جيتك وانا مدري وش اللي بغيته..
وان كان تنشد ليه انا جاي ..
ابشرك برد يقنعك لا قريته ..ا
ان مر يوم بالعمر منت وياي.
اشتاقلك شوق المسافر لبيته ..
لاتلومني لا جيتك كلي من اقصاي ..
مافيه غيرك لاتضايقت جيته

يا مبعدن عن شوف عيني مسافات
لاتحسب انه يخلف البعد ظني
حبك بقلبي شامخ مابعد مات
عني لو نبتعد روحي وروحك قريبات
الغلا جمعهم غصب عنك وعني
(منقول)
ذيبان

[ظميان غدير]

ذبيان شكرا لك على النقل لهذه المقطوعات الشعرية الجميلة

تحيتي

[محمود ابو اسعد]

للشعبي الخليجي سحره الخاص
وقد سحرنا القصيد
واحسنت الاختيار
اهلا اخي ذيبان
محمود ابو اسعد/فلسطين