ريشه و ازميل

[عاصم زرزور]

لمّا إله الكوْن بلش
يرســـــمك
ما كان عنده قــــلام
للتـــلوين
من ضو نور الشمس كوّن
مبسمك
وهلال فوق عيونك
الحلوين
وبلش من نجوم السما يقطف
حلا
يعربش عَ أعلى
نجوم
ومن طُهر سجـــــادة
صلا
وعفة مطـــر
وغيـــوم

ومن لون ميّة بحر شو
صافي
لوّن عيونك يا حنان
الروح
ولَفُّن بتلج من الجُــرد
غافي
بفيّة صخرصرلو عُمر
مشلوح
وبلش يُصّف نجوم
عالزّنار
يدلق حلا ع فرع غصن
البان
وتحرد الشمس وتقطع
المشوار
لمّا جمالك ع الخليقة
يبـان
وليلة شِتي كان القمر
مفقود
ضايع ما عندو جار
يتسلّى
بإيدو خطف عتمة ليالي
السّود
تالليل ع شعراتــك
تجـلّى
ولمّا َطبقْ دفتر الرسم
ارتاح
وفيكي جَمع ألوان
ما خلّــى
خلْقك وحيدي وضَيّع
المفتاح
وشاف حالو بصورتك
الــلّـه

[ريمه الخاني]

رغم روعة القصيدة إلا انني توةقفت هنا كثيرا:

لمّا إله الكوْن بلش
يرســـــمك
ما كان عنده قــــلام

فالقلم خلق قبل ان نخلق...
والله اعلم
تحيتي

[عاصم زرزور]

صباح الخير مدام
لاحظي معي.. لونت الوانها من الطبيعه
انا ما قلت ما كان عندو اقلام بالمطلق
و الشاعر لمل بيكتب.
بيكون عم يتخيل
و بيروح الى ما وراء الفكر
سما.نجوم.بحر.بر.برد.دفا.نور.ظلام.
و بيسرح خيالو لبعيد كتير

بعدين يجوز للشاعر ما لا يجوز لغيرة
اشكر مرورك

[أسامه الحموي]

اهلا وسهلا بك دوما
مررت ولك تحيتي
أسامه