اضحك مع الفلسطينيين

[يسري راغب شراب]

ومع السلطه الغزاويه
ادعوكم
الى وجبه استثنائيه
------------------------
مقدمة:
أهل غزة مشهورين بالفلفل .. وأكيد ما في طبخة أو أكلة إلا و في تركيبها الأساسي الفلفل .. و عرفوا على مر العصور بمحبتهم الكبيرة للفلفل وانفتاح شهيتهم لأكل الفلفل مع أي طعام .. وفي ناس إلهم خاطر ياكلوا مع الحلويات فلفل ..
السلطات:
من أنواع السلطات اللي انشهرت في العالم .. مثل السلطة التركية والسلطة المصرية والسلطة الغزاوية .. وأنواع تانية زي سلطة الطحينة وسلطة الملفوف وسلطة المايونيز .. .. وهي توضع على السفرة لفتح الشهية
طريقة عمل الدقة الغزاوية المشهورة ..
الدَقة << بفتح الدال .. ومشتقة من دق يدق دقاً .. دوق دوق دوق
أو بمعنى آخر ..
السلطة الغزاوية
قبل كل اشي بدك زبدية
أكيد ما في بيت فلسطين بيخلى من الزبدية الفخار..
واللي في غزة أكيد كل بيت فيه أقل شي زبديتين تلاتة .. ..
وللناس اللي ما عندها زبدية إحنا مستعدين نبعتلهم على البريد السريع زبدية
بس هما يتحملوا تكاليف النقل
وكمان مطلوب مدقة خشب..
مدقة حديدة ما بتنفع
مدقة عضم ما بتنفع
مدقة بلاستيك ما بتنفع
-------------------
نتابع في المشاركه التاليه

[يسري راغب شراب]

تابع السلطه الغزاويه
---------------------------
مكونات الدقة..
أول وأهم عنصر من مكونات الدقة هوة الفلفل..
احنا بنحبها عبارة عن فلفل بطعم السلطة
بنحطش أقل من 10 قرون فلفل ..
طبعاً الفلفل على حسب الرغبة .. مش شرط يعني عشر قرون فلفل.. بس أكيد من دون فلفل ما بتزبط ..
وأكيد من مكونات الدقة البندورة ..
بكفي 3 حبات على الـ 10 قرون الفلفل .. أو برضو على حسب الرغبة
بصلة صغيرة أو نص بصلة وسط أو ربع بصلة كبيرة
معلقة عين جرادة ..
معلقة ملح..
زيت زيتون غزاوي
جبنة بيضا .. للتزيين .. وممكن نستغني عنها..
وفي المساهمه التاليه
سابين طريقة عمل السلطه الغزاويه
اعذروني اصلها ما حصلتش

[يسري راغب شراب]

تابع السلطه الغزاويه
-------------------------
وبعد ان بينت المكونات ساكمل هنا طريقة عمل السلطه
يقطع الفلفل في الزبدية قطعاً صغيرة بس مش كتير بالسكينة طبعاً..
وبعدين بنحط معلقة الملح ..
وبعدين معلقة عين جرادة
وبنقطع البصلة إرباً إرباً ..
وبنمسك المدقة وبنبدا ندق ..
وبنستمر في الدق ..
.. دق دق ..
تعبتوا من الدق ..
لسة استمروا ..
لحد ما يندق الفلفل والبصل كويس..
هلقيت بنقطع البندورة فوق الفلفل ..
وبنكمل مسيرة الدق ..
وكمان ندق ..
دق لحد ما تندق البندورة كويس مع الفلفل والبصل .. يعني البندورة بدها شوية هدوء في الدق وشوية تفغيص
و حسب الرغبة بنفرك الجبنة البيضا فوق الدقة ..
مش واحد يجيبلي جبنة فيتا ولا جبنة البقرات التلاتة اللي في الكرتون .. ما بتنفع
بتجيب جبنة بيضا بلدية..
وبنحط زيت الزتون ...
منظر الزبدية في الآخر..
وبتتاكل بالخبز طبعاً مش بالمعلقة وولا بالشوكة والسكينة كمان
مع شوية زتون ..
طريقة الأكل
--------
بتقسم الرغيف.. وبتبدا الهجوم..
تغرف .. تغرف ..
لحد ما تخلص الزبدية ..
وتصير تلحوس فيها ..
وبالآخر بقولكم ..
بالهنا وعالشفا ..</i>

[يسري راغب شراب]

هاي نكته ثانيه من فلسطين
عنوانها
الله يرحمه
-------------
الأول : كيفك يا زلمة وكيفو ابوك ان شاء لله تحسن ؟
التاني : انا ماشي حالي الحمد لله بس الوالد عطاك عمره
الأول :العمر إلك بعرف كان عندو القلب , الله يرحمه
التاني : بس والله ما مات من القلب
الأول : كيف توفى؟
التاني : الله يرحمه بآخر فترة ضعف نظره كتير , مرة طلع
عالبلكون ما شاف طرف البلكونه وقع وبتعرف بيتنا ثالث طابق
الأول : له له على هالموتة ، بكل الأحوال الله يرحمه
التاني : والله تعذبنا فيه كتير وعملنالو شي 12 عملية لتحسن
وطاب
الأول : لكان كيف توفى؟
التاني : صار يحمل عكازة ومرة عم يقطع الطريق, سيارة مسرعة خبطته
الأول : يه يه الله يرحمه
التاني : ربك رحيم كان فيه جار إلنا حطه بالسيارة ولحقو
عالمستشفى بس النزيف الداخلي كان رهيب
الأول : الله يرحمه بكل الأحوال
التاني : بس سفرناه على اسبانيا وضلينا شي 6 أشهر عم نعالج فيه والحمد لله تحسن
الأول : طيب كيف مات ؟
التاني : صار معه فشل كلوي حاد وصرنا ندور على متبرع كلية وتأخرنا وصار معه تسمم
الأول : الله يرحمو ارتاح
التاني : بالصدفة إجا شخص بيعرفه من زمان تبرعلو بالكلية
بآآآآآآآآخر نفس
الأول : لكان كيف مات؟
التاني :والله مرة بالبيت وهو قاعد ما انتبه عالغاز احترقت
الشقة وهو لحاله فيها
الأول : يالطيف على هالموتة ما أبشعها الله يرحمه
التاني :بس والله جارنا الله يجزيه الخير كسر باب البيت ولحقو بآآآآآآآخر لحظة
الأول : لك فهمّنا كيف مات ؟
التاني : والله اضطرينا نطخه !!!!!!!!!!

[يسري راغب شراب]

اليك
طرق تعذيب النساء حسب الجنسية:
المصرية:عد فلوس قدامها ولاتعطيها
الباكستانية: حممها كل يوم
اللبنانيه: أمنع عنها المكياج
الأردنيه: أربطها وخلي تلفونها يرن؟
والفلسطينيه بيكفيها اللي هي فيه
..........................
تحياتي وكل الموده

[ريمه الخاني]

ههههههههههههههههههههههههههههههه
الفلفل الحار ومارح اعمله لانه حاااااااار
واخر نكتة ماحك يت عن الشامية :
انا بقلك اربطها وحط قدامها طبق محشي هه
ودمتم سالمين