يا تلجنا الغافي..

[فايز كرم]

يا تلجنا الغافي..
ورا... الباب
ب بردك القوي
شاغلي الدني
لاتقسى برا بيتنا
في لنا أحباب
منطلب من الرب
ع ناس معترة يعتني
وإلنا جنود أخواتنا
وصحاب
يارب بدفئك المعروف
منك الرجاء... ولا تبقى تردني
يارب عطفك على مشردين
مرمرها العذاب...
والارض فرشتها
ولحافا غيمات.... الدني
لا تقسى ع قلوب
من الحزن.... قلبها ما طاب
ولا الفرح زارها مرة بالسنة
يا تلجنا الغافي...
ع تلالنا ... ومرتاب
دخلك يا برد...
خلّي الدفى.... يلفني
لأني صرت ... بخجل
من دفوتي...
وغيري عايش بسرساب
الصقيع غامرو
والآسى بطبعو .... غني
يا تلجنا روء شوية..
ع طفالنا الغيّاب
وخف البرد عنن...
وبشعورن
اعتني..























شحرور الضيعة
10/1/2015

[كاظم الفضلي]

حفظ الله سوريه وأهلها .. تحيتي لإبداعك

[فايز كرم]

باذن الله،أين انت مشرفنا الغالي؟
حفظ عراقنا وشعبها.