مـو طير طاير بالسمه/ شاعر عراقي *من الوجع

[الحمداني]

بعد سلسلة التفجيرات في العراق نداء الى ملائكة خطف الأرواح , من غير عتب وأنتم تستعجلون بتلك الأرواح
نقول لكم بعد السلام
مـو طير طاير بالسمه

مـو طير طاير بالسمه ولانجمه فضيه
هاي الارواح الطايره كلها عراقيه
لا مطر هذا الي نزل حباته ورديه
هذا طفل من انفجر طشر الشاميه

مو طير طاير بالسمه ولا نجمه فضيه
هاي الارواح الطايره كلها عراقيه
لا تظن طاير بالهوه ايد اللعابيه
هاي الي طارن بالسمه جفين لبنيه
صاروا اطفالك ياوطن العاب ناريه
بيد الارهابيه العاب ناريه

مو طير طاير بالسمه ولا نجمه فضيه
هاي الارواح الطايره كلها عراقيه
بغداد من دون المدن كل يوم مذبوحه
كل يوم عدنه مجزره واجساد مطروحه
الموت يمشي بالدرب وينه اليضم روحه
ذيب وتبعهم بالأثر والناس مجروحه
الدم بالشوارع من جره البيبان مفتوحه
ياهو بقميص ابيض يمر والنزف ميلوحه
والذبح يوميه يوميه

موطير طاير بالسمه ولا نجمه فضيه
هاي الارواح الطايره كلها عراقيه





الى من يهمه كل الوجع حتى يسمع للنهايه
هاي القصيده
والمقتول
رايح بالدرب
والمنتظر تجيه ,, بس موش بيده

بيد الحفر
وباع الوطن
وتوهم بيوم مايلبس جفن(كفن)
وبيد الكفر
وبيد من باع أمه وابوه وطفر
وغفله شال دين بدشاداشه قصيره
وسبحه ورديه
وشرع بالدين
و
بالرساله وطفر
وصارت أمريكا مرجعه
وأنبائه من سياتل وهليود
والبناتغون ماكو غيره منبعه

الى أرواح الأطفال والشباب على أرصفة الغدر في العراق وسوريا
الفاتحه

[كاظم الفضلي]

الموضوع مؤلم ومؤثر ولازال العراق يفقد
الكثير من أبنائه ويتشضى كل يوم ليتبعثر
اشلاء .. نعم الذبح والقتل ألة لا تتوقف
شكراً للمشاركة .

[ريمه الخاني]

نعم تماما اخي كاظم ويبدو ان الامر سيطول وحسبنا الله.
سلمت الايادي اخي الحمداني .وتثبيت

[الحمداني]

نعم تماما اخي كاظم ويبدو ان الامر سيطول وحسبنا الله.
سلمت الايادي اخي الحمداني .وتثبيت

الأديبه ريمه الخاني ..شكر لحضوركم , نعم أنه وجع ربما سيطول , لن ينتظر أحد وعلى السؤولين أن يقطعوا دابرهم والطريق
شكر لتفاعلكم الطيب .

[الحمداني]

ألأستاذ كاظم الفضيلي هو وجع وهي مؤ امرة على العرب والعروبه. عندما لانملك رادع هذا شيء مؤلم وكبير
تلك الطفوله العراقيه والعربيه كما نرى أن العراق ليس وحده المستهدف ..

شكر لردكم الكريم

[راما]

يا الله......مؤلمة رغم جودتها...ويارب اعمنا على بلوانا...سلمت الايادي.

[الحمداني]

يا الله......مؤلمة رغم جودتها...ويارب اعمنا على بلوانا...سلمت الايادي.

الأديبه الكريمه راما الوجع والجراح هي مشروعهم الأستثماري في ومن دماء وأشلاء الأطفال ,مشاريعهم التي تكبر بالقتل في غزه العراق سوربا مشروعهم يكبر التساؤول أي توع من التجاره هذا......شكر لحضوركم الكريم

[الحمداني]