أومي (شعر أبو هاشم)

[يونس محمود يوسف]

يا نَبْع الخيرْ يا أُمي الحنوني= بفؤادي وبرمشْ عيني مَصُوني
البدر آخد من عيونك لطافي = الشمس من قلبك الدافي سخوني
النجوم مشعشعه بكترة وكثافي= حنانك لا نجوم الكون موني
انت للبشر رمز الشفافي= المنها تعلموا معنى الليوني
يا أرض الحب يا زهور الفيافي= عطورك نفحة اشعاري سقوني
تركوني عل حضنها ضّل غافي =تتشبع نوم عا زنودا عيوني
وتااشرب من نبع قلبا الصافي = يا أفكاري عا حضنا دشروني
يا امي بعصرنا اعملوا مسافي = الظروف وعن حنانك بيعدوني
صرت امشي يا امي متل حافي = على الأشواك حتى جرحوني
الدهر غدار ما عندو نصافي= ورجالوا بالحضارة كفروني
لأنهم خرّبو أصول الضيافي= ورخو بواشق كفرهم عا السنوني
يا امي دخلك بقلبك الدافي= يا ست الكل راح بيضيعوني
ارجعي علينا يا امي واحضنينا = وعلينا كتري اطباق المعوني
ابو هاشم الدريكيش \ بيت نافلة

[ريمه الخاني]

السلام عليكم
الام وماادراك ما الام هو نبع حنان بلا منة ولا بخل ولا تقطير....
اجدت واحسنت واتقنت
وتثبيت

[كاظم الفضلي]

الأديب يونس محمود يوسف . سلمت أستاذنا الكريم
فالأم أرض خصبة ومحبة الله وكائن شفاف وحضن
دافئ وحنون . الأم المعطاء المربية الفاضلة وأنت
ياأخي قد اجدت بتكريمك هذا تحيتي لك وتقبل ودي .

كاظم الفضلي