جبران مات وبحب ماري

[فايز كرم]

جبران مات وبحب ماري
وانت حبيبي وقلبك ولا داري!
حبو الها عالورق مكتوب
وحبي الك متل نهر جاري
وبالصبر ما صبر متلي أيوب
وشوقي بيفضح كل أفكاري
اسألت قلبي شي مرة يا محبوب؟
ابقى اسألو وشوف أسراري
بتلاقيه متلوع ومغلوب
أمرو.. وعن أنينو اسأل جاري
ولاتكون بالهوى ملوع قلوب
يقاضيك قلبي تا يرد اعتباري
بس
بعرفك للهوى مخلص وطيوب
شو بدا مني تا تكسرو جراري
معبيها الك من نبعي العذوب
ارشفها وابقى احكم عا اختياري
ياليل العشق شو معذب قلوب
كواها الهوى ونارها... ناري
خليك وحدك تتحمل ذنوب
قلبي! يلي بهواك للعمر ساري
ارجع لحبك بنعم لك الدروب
وافرشها ورد لعيون الحواري
واذا حبيتني ..... وبحبك أكيد
رح ضمك لصدري ضمة حنان
وعيش ب فلكي وبحبي ومداري



فايز
29\3\2007

[ريمه الخاني]

بعرفك للهوى مخلص وطيوب
شو بدا مني تا تكسرو جراري
روح جديدة هلت على المنتدى فللشعر الشعبي جمهوره
وينقل لقسم الشعر العام حرام نظلمه في قسم المنقولات
تحيتي لقلمك