ما تجين

[كاظم الفضلي]

ماتجين ...

يشغلني غيابج والفراك العايشه اسنين
ويشغلني الصبر جي كابرت مجبور
يوجعني الحلم لو مر عليّ مرتين
وأنه اشجم مره أمرن بيج حلمان ..
حطمت الشبابيج الجبيره وشرعت بيبان
وفززت المرايه الغافيه بنسيان
ومديت ايدي وشكَكَت تقويم ..
بيه أول يوم ثبتنه محبتنه عشك
جي ماتجين ...
وأنه وياج
أنتي وياي
ندري الكَاع
مر بيها العطش مرات
ومن مطرت الدنيه ...
أول ما غسل وجهه النهار ..
وأنتي اشما روت كَاعج
أتراب دربج تمحلين
وجربت مره امتحان .
أمتحن شدهات بالي
الليل طول والسهر شك العيون
وطلسم غيابج واللقاء البيج شك
وحسبه تاخذني ..
وحسبه .. لا
أحسن بيج خوف
وتشتد أبالي الظنون
وجربت أقره كف الحالي غبشه
أولاً: خاف تشمت عواذل
ثانياً : بلكي حال ايجيب حال وتعتنين
وما تجين ..

كاظم الفضلي

[رغد قصاب]

الله...
احيانا يكون الحلم احلى من الحقيقة...
سلمت يمناك شاعرنا واستاذنا الكبير.

[غالب الغول]

ما شاء الله على اللهجة العراقية بالغزل العامي العراقي , أشكرك أستاذ كاظم , مع أغلى التحايا