في أربع هرمونات مسؤولة عن تحديد مستوى سعادة الانسان مهم يكونوا موجودين كلهم. وهما الـ

١- Endorphins
٢- Dopamine
٣- Serotonin
٤- Oxytocin

نبدأ بالـ Endorphins

دا دوره انه بساعد في يتغلب على احساس الالم علشان كدة الجيم بيعتبر ( الم مصنوع او مقصود) علشان كدة ممكن نحس بمتعة في التمرينات اكتر من الالم
الضحك بردو طريقة كويسة لإفراز الـ Endorphins..

فـ احنا محتاجين نقضي ٣٠ دقيقة رياضة أو نتفرج على حاجة مضحكة ومسلية علشان نقدر نحصل على جرعتنا اليومية من الاندروفين

تاني نوع هو الـ Dopamine

ونقدر نسميه هرمون الإنجاز
كمان لما بنلاقي تقدير مقابل اَي حاجة عملناها في الشغل او في البيت بيتولد جوانا شعور بالإنجاز والفخر وبالتالي جسمنا بيفرز كميات مناسبة من الدوبامين اللي بيعلي بدوره مستوى شعورنا بالسعادة.. ملحوظة حتي لو انجاز بسيط جدا لكن دائم أثره حيكون مميز
وعلشان كده جرعات التقدير هامة لانها بتحسسنا بالرضا عن الذات ودا بيعلي نسب افراز الهرمون

تالت نوع هو الـ Serotonin

ودة بيجي لما نتصرف بشكل فيه نفع للآخرين.. لما نتخطى نفسنا ونكون قادرين على العطاء.. للطبيعة.. او للمجتمع..

حتى مجرد مشاركة معلومة مفيدة مع الغير.. أو كتابة بوست مفيد على الانترنت.. أو إجابة حد بيسأل على جروب أو مواقع تبادل الخبرات زي Quora.. كل دي حاجات بتفرز السيروتونين وبالتالي بتزود احساسنا بالسعادة. ودا سبب الدراسات اللي بتاكد ان متعة العطاء ادوم من متعة الأخذ

النوع الرابع والأخير هو الـ Oxytocin
نقدر نسميه هرمون العلاقات يعني اثر اللي حواليك عليك دا مرتبط بهرمون من اول رؤيتهن وسماعهندم وملامستهم بالسلام او الاحتضان لانة بيحسس الانسان بالحنان والامان اللي بيساعدوا الهرمون دا علي الانجاز ودا طبعا مهم جدا للتربية

خلينا نحط في أعتبارنا الاربع نصايح دي ونعرف علاقتها بالهرمونات و نفتكر دايما إن السعادة قرار
اسأل الله أن يرزقك السعادة من أوسع إبوابها
******
طبعا مافي اي هرمون من هدول عنا ياهن