منتديات فرسان الثقافة - Powered by vBulletin

banner
النتائج 1 إلى 2 من 2
  1. #1

    كيف يرى الأعمى وكيف يسمع الأصم

    عمره خطر ببالك الأعمى شو بشوف؟
    رح تحكيلي ببساطة الموضوع سهل بغمّض عيوني!

    للأسف كلامك خطأ..
    إنت لما تغمض عيونك أو تكون بغرفة حالكة الظلام بضل في مقدار ثابت من الاستثارة العصبية لمستقبلاتك الضوئية، وعصبك البصري بستمر بإرسال تدفقاته العصبية للمخ .. وهذا بخليك تشوف اللون الأسود.

    في الحقيقة الأعمى ما بشوف إشي!
    هو فاقد عصبه البصري أصلاً..
    يعني حتى اللون الأسود ما بشوفه..
    زي فكرة أطلب منك تشوف من خلال خدّك أو إبهامك؟؟
    بتشوف لون أسود ولا ما بتشوف إشي أصلاً..
    نفس الفكرة الأعمى ما بشوف إشي..
    "بعرف إنه صعب تتخيل هيك إشي "!
    .
    .
    طيب سؤال ثاني..
    ما بعرف إذا خطر ببالك..
    الإنسان اللي وُلد أصم .. بأي لغة بفكر داخل عقله؟
    لما سألوا الصُمّ كان الجواب: بنفكر بأصواتنا الداخلية.
    "بصراحة الجواب مش واضح" !
    لإنه أصواتنا الداخلية بتكون انعكاس للغتنا الأم..
    فكيف بكون إلهم أصوات داخلية غير خاضعة لأية لغة؟!
    "كمان مرة بعرف إنه صعب تتخيل هيك إشي" !
    .
    .
    .
    أدركت مع الوقت ليه القرآن بذكّرنا بنعم عادية بالنسبة إلنا..
    بذكرنا بالنعم الرئيسية وبالحد الأدنى منها..
    واللي بنمر على آياتها مرور الكرام بدون ما نمهل حالنا شوية لنتفكر كيف لو كانت حياتنا بدونها..؟

    قُلْ أَرَأَيْتُمْ إِنْ أَخَذَ اللَّهُ سَمْعَكُمْ وَأَبْصَارَكُمْ !
    .
    .
    مثلاً:
    سورة النحل ما حكت عن نعمة البيوت الفاخرة ولكنها حكت عن نعمة وجود معنى البيوت أصلًا، وقدرتها على منح الشعور بالطمأنينة والسكينة!
    "وَاللَّهُ جَعَلَ لَكُم مِّن بُيُوتِكُمْ سَكَنًا".

    أو مثل سورة الرحمن اللي ما حكت عن نعمة العلوم المعقدة والشهادات الثمينة ولكن حكت عن أمر أبسط من هيك بكثير، مجرد القدرة على التبيين والإيضاح وشرح مكنونات النفس للآخرين..
    "خَلَقَ الْإِنسَانَ، عَلَّمَهُ الْبَيَانَ".

    أو مثل سورة النجم اللي ما حكتلك عن مستويات معقدة من السعادة ولكنها حكت عن الطيف الواسع المتباين لمشاعرك البشرية البسيطة
    "وَأَنَّهُ هُوَ أَضْحَكَ وَأَبْكَىٰ"،

    وما حكتلك عن نعمة الأموال المكدسة والمقتنيات الفارهة ولكنها حكت عن وجود معنى (الاقتناء) والتملك ذاته!
    "وَأَنَّهُ هُوَ أَغْنَىٰ وَأَقْنَىٰ".
    .
    .
    .
    ما في إشي بستدعي العجب لما تنتهي سورة النجم بسؤال توبيخي من طراز خاص:

    "فَبِأَيِّ آَلَاءِ رَبِّكَ تَتَمَارَى"؟!!
    .
    .
    #القرآن_الجميل

    *منقول بتصرف

  2. #2
    الموضوع مجتزأ، وبقي السؤال مطروحا بلا جواب.. كيف يرى الأعمى، وكيف يسمع الأصم. شكرا

المواضيع المتشابهه

  1. كيف يسمع الطفل كلامك
    بواسطة عبد الرحمن سليمان في المنتدى فرسان الأم والطفل.
    مشاركات: 3
    آخر مشاركة: 10-02-2014, 02:07 AM
  2. الزوج لا يسمع وابتلت الزوجة
    بواسطة حيدر محمد الوائلي في المنتدى فرسان المقالة
    مشاركات: 1
    آخر مشاركة: 10-30-2013, 08:33 PM
  3. للأسلام صوت يسمع , يتعلم منه فأين صوتنا المسلم ؟؟؟
    بواسطة الحمداني في المنتدى فرسان المواضيع الساخنة.
    مشاركات: 0
    آخر مشاركة: 10-29-2013, 12:25 AM
  4. صرخات مائية عراقية حزائنيةلن يسمع آهاتها أحد
    بواسطة عزيز الحافظ في المنتدى فرسان المقالة
    مشاركات: 0
    آخر مشاركة: 07-15-2012, 06:47 PM
  5. أخبركم عن قصة السلطان ابراهيم الذي الكثير منكم لم يسمع به
    بواسطة القمرايا في المنتدى فرسان الأبحاث التاريخية
    مشاركات: 2
    آخر مشاركة: 05-28-2008, 07:24 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •