صفحة 3 من 6 الأولىالأولى 12345 ... الأخيرةالأخيرة
النتائج 21 إلى 30 من 51

الموضوع: شاميات


  1. رغد قصاب
    #21
    في سبعينيات القرن الماضي كانت مشاوير الشباب في الشام وأطرافها محدودة ... ما بين تفتيلات الصالحية و أبو رمانة و أبعدها بلودان .. وأقربها للصياعة باب توما في شوارع دمشق ....الشام تتناول بعض الحلوى من محلاتها أو السندويش من بعض محلات فابيان أو تساقي بوز الجدي أو فوال صلح (تصليحة بسوق العتيق) التي كانت قليلة الانتشار والعدد في حينها .... بس والله حلوة تلك الأيام ...
    في كل شارع من شوارع الشام ما يميزه ... فالصالحية بن البكري والمشهور دامر وبوظاته الرائعة و حتى الكاتو فيه غير شكل ... او أن تأكل سندويشة الشاورما من ابو العبد و تتحلى بهريسة بروكي المقابل له ....مسرح الحمرا بتنسي حالك و ان ما عجبك تعدي عند كنافة اباظة ناعمة أو خشية ما ب تنسى طعمها تحت أسنانك بالمرة ... وب المساء وأنت تتجول وتستعرض شبابك أمام الفتيات الأنيقات لا بد من تناول الآيس كريم من محل " موكا " بجانب موقف أبو رمانة ...
    وعند الخروج من ثانوية ابن خلدون والجوع يقاتل عصافير بطنك لا بد أن تتناول سندويشة خاروف محشي من محل بامبو في الصالحية بجانب البرلمان .. أو تروح عند أبو شاكر كمان و كمان ..
    في سبعينيات القرن الماضي لم تكن دمشق تعرف الفريز بتلك الندرة الكبيرة التي تغزو تلك الفاكهة بها الأسواق في فصل الربيع .. وكان يهربوها من بيروت .. فلابدّ من غزوّ لمحل ديليس في وسط الصالحية لنأكل الفريز بالكريمة غالي الثمن .. إذ كنا ندفع خمسة ليرات ثمن الصحن ... و طعمته غير وغير ..الأصدقاء يتناولون " الشوكولامو .. هذه الكأس الفاخرة - في تلك الأيام - فارعة الطول التي لا يجاريها في رشاقتها سوى الملعقة المتطاولة التي تغوص إلى أعماق الكأس لتسحب حتى الثمالة الذائبة وتلحوسها ع الآخر و الله غير ..
    أما إذا ضايق خلقك ...أكتر و أكتر تركب باص دمر الهامة أو قدسيا وتروح على قهوة أبو ذراع أو أبو شفيق لتسمع أم كلثوم تصدح بالطرب الأصيل وتعيش ألف ليلة وليلة أو دارت الأيام ....... وهنالك ترى .....?
    وفي زاوية القهوة تقبع تلك الآلة السحرية المذهلة التي - وبليرة واحدة - تسمعك أغنية من الأغاني الرائجة فتقلب الاسطوانة لتبدأ الموسيقا تملأ الأجواء رومانسية .. جونز .. هامبوردينغ .. البيتلز ......أو فيروز ...أو أي أغنية تحبها وتسمعها لغيرك كمان والله زمان ...
    نعم لقد كان زمن الرتابة المفرطة .. زمن تقدير الاشياء وقيمتها .. زمن ندرة المال والتكنولوجيا ووفرة السعادة والقناعة
    والتعب على الذات واقتناء القيم .. زمن الصدق والصداقة والمحبة والمسؤولية .. التي نفتقدها كثيرا هذه الأيام ..
    وفي الختام لا نقول إلا آآه يا شاااام على ذكريات جميلة من أيام الزمن الجميل وهديك الأيام ..


  2. شآم الخاني
    #22
    مصطلحات شامية عجز محرك البحث google عن ترجمتها:
    صار واتصور 😏😌
    فايق ورايق 😀
    بشحمو ولحمو😃
    الشاردة والواردة ✍
    كاني ماني 😕
    طبخ ونفخ 😤🍜🍲
    طبل وزمر 🎤🎺
    طنة ورنة 🎶💃
    فلان وعلان 👨👱
    هم وغم 😟☹
    حين ومين 🙃
    صد ورد 🔨
    طاخ وطيخ 👊👋
    خد وعين 😊
    خود وعطي 😵
    سري مري 🏃💃🚶
    قلي لقلك 🙆
    سياح نياح 😯
    طالع نازل🏃🚶
    نط ما حط 🙄
    شروي غروي 😕�
    خبط لزق 👊
    قشة لفة 😛
    حق بق 😍😉
    قايم قاعد 😼
    سقف الحلق😀
    لابيهش ولا بينش 👨👌😪
    خدني جيتك 🚶🏃
    تيتي تيتي 😪😪
    من بيت شقاع لبيت رقاع 😼🏃
    ما بفوت لسانه لحلقه😛
    خنطق منطق 😻
    ضراب السخنَ 😽🍲
    خص نص ✌👌
    أول عمنول 😁
    خالق ناطق 😍
    واكتر شي بتعجبني جملة.. شوفي مافي؟​ 😍
    بتسأل كل الأسئلة بكلمتين
    يسعدلي اهل الشام وحكياتهم شووو مسخنين😌


  3. رياض محمد سليم حلايقه
    #23
    اللهم اعد لسوريا الحبيبة امنها وامانها وعزها واعد اهلها سالمين غانمين لبيوتهم في القريب العاجل
    اللهم امين

  4. #24
    الكاتبة الكويتية المعروفة غنيمة الفهد رئيسة تحرير مجلة أسرتي والناشطة السابقة في مجال “النسوية” سجلت اعترافاً مدوياً نشرته في مقال بعنوان “وحي الكلمات” نشر في مجلة “المجلة” تقول فيه:
    كبرنا وكبرت آمالنا وتطلعاتنا.

    نلنا كل شيء.

    نهلنا من العلم والمعرفة مايفوق الوصف.

    أصبحنا كالرجل تماما :
    نسوق السيارة.

    نسافر للخارج وحدنا.

    نلبس البنطلون.

    أصبح لنا رصيد في البنوك.

    وصلنا إلى المناصب القيادية.

    اختلطنا بالرجال ورأينا الرجل الذي أخافنا في طفولتنا ثم الرجل كما هو.

    المرأة غدت رجلا تشرف على منزلها، وتربي أطفالها، وتأمر خدمها.

    وبعد أن نلنا كل شيء وأثلجت صدورنا انتصاراتنا النسائية على الرجال في الكويت. أقول لكم وبصراحتي المعهودة :
    أنكم يارجال الكويت لستم رجالا كما يقال عنكم.

    بل إنكم نساء بمعنى الكلمة، وليس لديكم أي معنى صحيح لغيرة، وإنما نساؤكم هن أرجل منكم بكثير فهي تقوم ببناء المنزل وتشتغل وترمم البيت وتشتري السيارة والبيت وتوقعهم باسم الزوج،
    فالمرأة في الكويت هي الرجل وليس كما يعرف أو يرى البعض أنهم نساء، بل رجالنا هم النساء

    ما أجمل الأنوثة، و ما أجمل المرأة.
    المرأة التي تحتمي بالرجل ويشعرها الرجل بقوته ويحرمها من السفر وحدها ويطلب منها أن تجلس في بيتها.

    ما أجمل ذلك. تربي أطفالها وتشرف على مملكتها وهو السيد القوي.

    نعم… أقولها بعد تجربة:

    أريد أن أرجع إلى أنوثتي التي فقدتها.

    أريد ان أكون كبنت الشام ذات عزيمة وقوة، أحتمي بزوجي وأخي وأبي وابني، وأستعيد شيئًا من أنوثتي التي فقدتها.

    فهنيئا لاهل الشام بفتياتهم وهي بمعنى الأنوثة الحقيقية فليس بالعالم أرجل منهم.

    *- أهل الشام:
    من سُلالَتِهم وُلِدَ العرب
    ومن ثقافتهم نبغ الادب
    ومن رجولتهم كانوا لنشر الدين سبب

    *- أهل الشام:
    هم بشهادة الرسول صلى الله عليه وسلم أهل إيمان، ومن المعلوم أنهم ما عبدوا الأصنام.

    *- أهل الشام
    هم أهل الحكمة والكرم
    والبناء طبعهم منذ القدم.

    بنوا العرش قبل أن يبنى الهرم
    ولهم ثﻻث آيات في الحرم

    ففي الكعبة ركنها
    وفي المدينة أنصارها
    وفي القدس بابها (الذي حول الى باب المغاربة)

    *- أهل الشام:
    ﻻ يحبون ثقافة العهر والمجون
    لأنهم أهل الأصول والعلم والمتون، ومن شذ منهم إما شذ أصله أو به جنون.

    *- أهل الشام:
    هم ألين قلوبا وأول من جاء بالمصافحة، لكنهم متميزون بروح التحدي والمكافحة.

    *- أهل الشام
    نساؤهم مُسَتّرات.
    وبالحياء محجبات.
    ونادرا ما تجد فيهن متبرجات.
    واغلبهن للدين حافظات.
    وهن أبر الزوجات وأفضل الأمهات.

    *- أهل الشام:
    أهل عزة بالحق وأنفه
    ومن تكبر عليهم فقد قرب تلفه

    *- أهل الشام:
    أهل تاريخ مجيد.
    فخطيبهم رشيد.
    وحكيمهم وشاعرهم سديد.
    وهم كما جاء في القرآن "أولوا قوة وأولوا بأس شديد".

    افتخر بأنك من أهل الشام
    وشرفتنا اخي رياض، وأمين يا رب العالمين


  5. ريمه الخاني
    #25
    من اجمل ما قرأت

    حلاق عجوز بريطاني
    لديه محل حلاقه في قلب لندن
    ذكي جدا
    لا يأخذ المال مقابل الحلاقة
    جاءه تاجر الماس امريكي للحلاقه
    قام بحلاقته ولما أراد أن يدفع له قال له الحلاق انا لا اخذ مالا وانما غايتي فائدة الناس فشكره تاجر الالماس الأمريكي و غادر
    ولما جاء الحلاق في اليوم التالي ليفتح محله وجد علبه في باب المحل فيها خاتم الماس لا يقدر بثمن فتبسم وعلم أنها من التاجر الأمريكي
    وفي اليوم التالي جاءه شاب فرنسي يعمل تاجرا للعطور وايضا لم يأخذ منه ثمن الحلاقه ولما جاء في اليوم التالي ليفتح محله وجد علبه فيها​عطر فرنسي ثمين جدا فتبسم وعلم أنه من الشاب الفرنسي
    وفي اليوم التالي جاءه لاجئ سوري وقام بحلاقته ولما أراد أن يدفع الثمن قال له الحلاق انا لا اخذ مالا وانما غايتي فائدة الناس فشكره الشاب العربي حمودي وغادر
    ولما جاء اليوم التالي ليفتح محله وجد اكثر من مئة وعشرين لاجئ في باب المحل ينتظروه فسالهم من انتم ؟؟؟؟
    قالوله احنا سوريين من طرف حمودي الي حلق عندك البارحه ههههههههههههههههههههههه


  6. أسامه الحموي
    #26
    ام العبد قررت تعمل رجيم !!
    بالسهرة ‏قالت لها بنتها : ماما أجيب العشاء ؟؟
    ‏قالت لها : لا يا مامي ،،،
    لأن الدكتور منعني من العشاء
    ‏سخني الغداء وهاتيه !!
    ‏هههههههههههههههههههه

    أول ريجيم أقتنع فيه صراحة !!
    🤣🤣🤣🤣🤣🤣
    من وقت ما دكتور الريجيم قال لي ممنوع تتعشي و تروحي ع تختك ....
    صرت إتعشى و نام بالصالون ع الصوفايه...
    الحمدلله حاسه حالي بلشت أضعف شوي 😌😌😌😌
    💫خلطة لتخفيف الوزن 💫

    ملعقه كمون
    ملعقة ثوم مهروس جيدا
    ملعقة زنجبيل
    ونص ملعقة كركم
    وملعقة صغيرة فلفل اسود
    عودين قرفة

    تخلطوهم مع لحمة خروف بلدي واربع كاسات رز بسمتي
    مشان يطلع اطيب مندي
    مع صحن سلطة وكاسة لبن عيران ....

    قرأت كثير عن خلطات التنحيف بس هاي الخلطه اكثر وحده ارتحت لها 😂 😅

    شو رايكم فيها

    ‏😂😂😂😂😂😂
    ‏ في اليابان :
    ‏يترك الطلاب في قاعة الإمتحان لوحدهم ليعيشو أجواء الإختبار

    ‏في_سوريا
    ‏٨ مراقبين ٦ دوريات ١٤ قناص ٩ مباحث

    ‏ وتتم عملية الغش بنجاح يا إلهي

    ‏ههههههههههههههههههههههه
    ‏🤔🤔🤔🤔🤔🤔🤔

    ‏الطفل في أوروبا :
    ‏اذا ضربتو امو كف
    ‏يتعالج عند طبيب نفسي

    ‏اما السوري تضربه بصينية
    ‏يركض وهو يضحك
    ‏ويقول اصلا ما وجعتيني. 😂

    ‏🤒🤒🤒🤒🤒🤒
    ‏وفاة 11 ألف شخص في أوروبا بسبب ارتفاع
    ‏درجة الحراره إلى 36
    ‏وفي سوريا درجه الحراره. 50
    ‏ويشربوا شاي
    ‏ويقولوا الشوب الصحيح مااجى لسا 😳😳‏من واقعنا المر

    ‏🤕🤕🤕🤕🤕🤕🤕
    ‏في أوروبا
    ‏مجرد إن يزعل الرجل
    ‏يكره الحياة ويقرر الإنتحار

    ‏★ وعندنا
    ‏○ مديون
    ‏○ وفي الدوام خاصمين راتبه
    ‏○ وقروض
    ‏○ والسيارة عطلانه
    ‏○ والبقالة تطلبه
    ‏○ والجوال مقطوع
    ‏وتلقاه منجعي
    ‏ويفكر ياخذ الثانيه

    ‏الله يثبتك يابن سوريا
    ‏رجال ﻻ تقهرهم الظروف😅

    ‏ كبير كبير يا ابن سوريا دائما معنوياتك مرتفعه
    ‏ههههههههههه

    ‏😌😌😌😌😌😌
    ‏واحد يقول ابي لما يناديني
    ‏يقول كل اسماء البيت وانا ينساني
    ‏وبالأخير بيضربني بالريموت
    ‏ويقول : ليش ماعمترد يا بهيم
    ‏طيب اسمي ماطلع في القائمه شو ذنبي
    ‏ 😂😂😂😂😂😂😂

    ‏ من احقر ذكريات الطفوله لما يلحقك ابوك وفي يده " البربيج
    ‏ويقولك
    ‏( بس تعال ما بعملك شي ).

    ‏لكن البربيج لشو ؟!
    تسحب مني بانزين ..

    ‏هـهـههـهـهههـهـههـهه😂😂😂‬⁩
    ‏مع تحيّات هيئة الترفيه
    اضحك الضحك ماعليه ضريبه 😂😂 اضحكوا لاتصيروا نفسيات 😆 👍👍👍


  7. أسامه الحموي
    #27
    واحد بعتلي،،قلي انتي من الشام 🤔🤔
    قلتلو:اي 😌✌
    قلي:يعني من جماعة تاج راسي 😍 وتشكل آسي 😉
    قلتلو لااا من جماعة يعدمني ياك 😒 ونشالله بقبرك 😝
    ئام حظرني 😪 حكيت شي غلط انا🤔🤔 😔

    ..😁😅😅😌😅😂😂


  8. عبادة الخطيب
    #28
    رفيقي (بالحياة العادية) اسمو سعيد، بعرفوا منيح انو طشمة وما بيعرف يحكي كلمتين على بعض، (بغض النظر انو هو حدا اخلاقه منيحة وابن عالم وناس)
    رفيقي (بالفيس بوك) اسمو سعيد (هو نفسه سعيد تبع الحياة العادية)، بعرفوا انو صاحب مقالات وامثال ماثورة ولاشخاص مشهورين، ماعاد طشمة وما بيعرف يحكي كلمتين على بعض. (وبعدها اخلاقو منيحة وابن عالم وناس)

    انا بفضل سعيد الحقيقي على سعيد تبع الجمل والكلام الماثور والصور تبع الفيس بوك. سعيد بالحياة العادية اوضح واصرح وامنح واريح


  9. أسامه الحموي
    #29
    #قالت-ستي
    وقت الكباب سكروا
    الباب
    ووقت المجدرة نادوا
    للمعترة😂😂😂
    اي #نعم#
    قالت-ستي
    ابن آدم نصو خلقة ونصو خرقة
    ويلي ما بتزينو عروقو ما بيتزينو خروقو
    اي#نعم
    #قالت-ستي
    البخيل متل الكديش
    بيحمل دهب وبياكل حشيش
    اي #نعم😂😂😂
    #قالت -ستي...
    خدي الفارس
    ولا تاخدي الدارس😂😂😂
    اي #نعم
    #قالت-ستي..
    خايف هزك يا غربالي
    يوقع منك كل عزيز وغالي😂😂
    اي#نعم
    #قالت-ستي ...
    العشرة يلي هانت
    ياريتها ما كانت..!
    اي #نعم
    #قالت ستي..
    اللي بيعاتب الرخيص
    بيرخص😏
    اي#نعم
    #قالت- ستي
    اللي بقلبي علساني
    واللي مو عاجبو ينساني
    اي #نعم😂
    #قالت-ستي
    الأصيل أصيل ولو حظو على قدو
    وأبن النعمة مبين ولو الزمن هدو
    اي#نعم👌😉
    #قالت-ستي
    مو كل ورد خلق للشم
    ولا كل البشر بتنفدى بالدم
    اي #نعم😉
    #قالت ستي
    قالتلا ياجارة سكبيلي ردتلا بكفوفي ولا بصحونك الي ع رفوفي😏
    #قالت -ستي
    لا تضرب وتغمق الجرح
    مابعد العداوة إلا الصلح
    اي#نعم😁
    #قالت -ستي
    نامو عنى ليلة
    فكرو حالهم من العيلة😂😂😂😂اي #نعم
    #قالت-ستي
    بنت الأصل
    بتخلي كوخها قصر
    اي#نعم😍😉
    #قالت -ستي
    النذل يلي متعود على الوخامة
    ما بتناسبو بيت الشرف والشهامة
    اي#نعم😊
    #قالت-ستي
    الله يخلينا بعقولنا
    لوقت نصل لقبورنا
    اي#نعم
    #قالت- ستي
    لما الكلب يشوف اللحمة
    مابقا يعبي عينو
    الخبر والملح
    اي #نعم
    #قالت ستي
    صاحبي مين ترد غيبتك
    ولا تصاحبي مين تجيب سيرتك
    اي #نعم😊
    #قالت -ستي
    يلي بيفشخ أكبر من فشختو
    بيقع وبتنفك رقبتو😂😂
    اي#نعم
    #قالت-ستي...
    حسدونا على ضحكتنا
    حتى إجت الأيام وأخدتها😢
    اي #والله
    #قالت- ستي
    حملي عصاية السيلفي ودوريا
    وكل ما بتطبخي طبخة صوريا
    ستي نيو كولكشن 😎😂😂
    #قالت-ستي
    خليكي عند أهلك عزيزة وشبعي دلال
    صح كتار الشوراب بس قليلين الرجال😎
    اي #نعم
    #قالت -ستي
    قبل ماتركبي لأذانك حلق روحي ركبي لتمك غلق
    اي#نعم
    😂😂😂😂😂
    #قالت-ستي ...
    ماصفي حدا صالح
    كل الناس مصالح😉
    اي#نعم
    #قالت-ستي...
    ناس من لحمك ودمك باعوك
    لا تلوم يلي مبارح عرفوك
    اي #نعم
    #قالت-ستي...
    مو كل يلي بيحكي فهيم
    ولا كل يلي بيسكت بهيم😂
    اي #نعم
    #قالت -ستي...
    دروس الحياة مو ببلاش
    دافعين تمنها من عمرنا كاش
    اي #نعم
    #قالت-ستي...
    قلت لحظي رايحة لعند أهلي
    قلي روحي وأنا لاحقك على مهلي😂
    #قالت-ستي..
    كله ماشي بألف وش
    والقلوب مليانه غش
    اي#نعم
    #قالت-ستي...
    الله يكفينا شر من رحب فينا وهلا
    ومن ورانا حكى علينا وما خلا😏
    #قالت- ستي :
    لاتحكي عن زوجك لصاحبتك يا بتحسدك يا بتاخدو وبتقهرك😎😎😎اي#نعم
    #قالت-ستي...
    اشكي لربك ونام
    ولا تشكي لبني آدم وتنهان
    اي#نعم
    #قالت-ستي ...
    الأم بتربي عشرين ولد وبتحملون
    وعشرين والد ما بيحملو أم
    😭😭😭
    #قالت-ستي ...
    الدنيا بالضيق بتورجيك
    مين ببيعك ومين بيشتريك
    اي#نعم
    #قالت-ستي...
    حسدوها على جوزا وعلى ذوقو
    قالتلن ريتو ملح وكل الناس تدوقو😂😂
    #قالت- ستي
    الغربة متل الحمام العمومي ... الي برا حيموت ليدخل، والي جوا موطايق الريحة 😂👍
    اي#والله
    #قالت-ستي
    شيل الريحانه وشمها
    وخود البنت على ريحة أمها😍
    اي# نعم
    #قالت-ستي...
    يلي ألو غايب
    بضل قلبو دايب
    اي#نعم
    #قالت -ستي ...
    لا تاكل هم حدا
    لأن وقت همك الكل عامل ريجيم
    اي #نعم
    #قالت-ستي...
    الست مالها غير صحتها
    لارجال بيشفع ولا أولاد بتنفع
    اي#نعم☺


  10. أبو فراس
    #30
    .: طقم الصلاة موجود بكل بيت سوري مسلم ..بتشتريه الوحدة مع جهازها لما بتتزوج .....
    يستخدم كالتالي :
    بتلبسه ست الكل لما بدها تشطف الدرج ..وهون بترفع التنورة من عند المطاط لتقصيرها
    لما بدها تنشر الغسيل
    لما بدها تفوت لعند الجارة تشرب قهوة وتلتلت عالجيران
    لما بدها تردح لجارتها ..بس هون بتستخدم تقنية سوبر مان ..وهي بترفع حواف الغطاء على أكتافها ..ويسمى التشمير
    - لما بدها تنزل عالحارة تلحق بياع الغاز ..تستخدم هنا أيضا تقنية التشمير لزيادة سرعة الركض على الدرج
    آخر النهار بتصلي فيه وبتدعي على أمة الله ومحمد لأنهم ظالمينها ...

    تصنيف المواد عند الطالب السوري مادتين:
    مادة صعبة ما بيقدر يدرسها!
    مادة سهلة ما بيحتاج يدرسها!
    ...
    2) فقط عند السوريين
    الإشارة الصفراء لاتعني "خفف السرعة " بل تعني " يا تلحق او ماتلحق" وعالاغلب "الحق يا كبير"
    3) فقط في سوريا :
    نومة العصر أطول من نومة الليـل!
    وبيسموها قيلوله..!!! ..
    هاي غيبوبه !!
    4) الشاب السوري متمدد عالكنباية ووجهه في السقف وبشرب شاي وحاط رجل على رجل وإذا قلت له نكتة ، بقلك والله إنك فاضي
    أووكي آسفين كمل شغلك!!
    5) شيء طبيعي تماما وإنت تقول لأمك نكتة ومتحمس وواقف من الحماس ....... وبنص النكته ..! تسمعها تقول ﻷخوك الصغير : روح جيب خُبز وبصل
    6) الحمام مكان للخطط الفكرية والتخطيط العسكري و مخبأ للهروب من الضرب ومركز تسجيلات للأغاني واستيديو ارب جوت تالنت للمواهب
    7) فقط عند السوري إذا نمت خلص كأنك ميت ما بيطلبولك من المطعم ولا بخلولك عشا لااا وكمان بيطلعوا و بخلوك بالبيت لحالك !!
    الرائحة التي يعشقها كل سوري :
    ريحة البنزين
    - ريحة المطر
    - ريحة السياره من الوكالة
    - ريحه المعسل
    - ريحة الحطب
    - ريحة المكيف اول ما يشتغل
    وبقلولك معنا ربو !!!! والله من اللي بتشموه !!
    احمدوا الله بس ربو
    9) الأُم السورية التقليدية لما بدها شي وهي بتصلي بتقول (الله أكبر) بصوت عالي وأنت عليك عملية الاستكشاف المطلوبة
    10) العائلة السورية التقليدية
    تسألهم بدكم شي من المطعم؟ بقلولك : ﻷ ...!!!
    وبس يوصل الطلب وتبدا تسمي وتاكل يبدأ الزحف الصهيوني باتجاهك
    11) العائلة السورية التقليدية
    بطنك بس يوجعك علاجك ( سفن اب )
    حتى بينفع للأسهال والإمساك والصداع والخلفة وكل شيء...!!!
    للسـوريين ♥ دخيل قلبن
    انو ليش بتحكي بصوت عالي اذا كانت المكالمة دولية؟
    انو ليش بيضلوا يجمعوا قطرميزات ومرطبانات وعلب فاضية بالمطبخ من باب بيلزمو ؟
    انو ليش لما تحس حالك ضيعت الطريق وأنت عم تسوق بتوطي المسجلة؟🎶
    انو ليش النسوان بيوقفوا عالباب ساعة وبتقلك ما بدي فوت مستعجلة؟
    انو ليش بيخبو كياس محلات الألبسة والأحذية تحت التخت أو الكنبايات؟
    انو ليش كل ما بيشوفوا محل عم يشتغل منيح بيصيروا بيحسبولو قديش بيطالع بالشهر؟
    دخيل رب السوريين انا
    أغبى 7 أسئلة سورية:
    1)بيتصل فيك رفيقك ع تيلفون الأرضي بيسألك وينك يا معلم؟
    أنا بالسوق بس ساحب الخط معي...
    2)بيشوفوك أهلك طالع من الحمام و مبلول بيسألوك شو تحممت؟
    لأ...طالع من البحر.
    3)بيشوفوك جيرانك واقف عم تستنى الأسنسير بيسألوك شو طالع؟
    لأ لأ...عم أستنى البيت ينزل لعندي.
    5)بيشوفوا سيارتك مخبوطة و ملعون أبوها بيسألوك شو عامل حادث؟
    لا ولله بس غيرت ستايل السيارة..

    6)بتكون عم تسعل و مرشح بيسألوك شو مرضان؟
    لأ شو مرضان عم أمزح.
    7)متسطح بالتخت و مغمض عيونك بيسألوك شو بدك تنام؟
    لأ عم جرب موت...
    8)بتكون طالع من صلاة الجمعة بيجي واحد متأخر بيسألك شو خلصتوا؟
    لأ لسا بس الشيخ طالعنا استراحة..

    لا تبعتوها لغير السورين بلا فضايح

صفحة 3 من 6 الأولىالأولى 12345 ... الأخيرةالأخيرة

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •