منتديات فرسان الثقافة - Powered by vBulletin

banner
النتائج 1 إلى 2 من 2

الموضوع: الفيسبوك

  1. #1

    الفيسبوك

    الفيسبوك ( أتاح ) لنا نعيش مع مرحلة الحمل عند المتزوجة !
    من عند(أشعر بالدوخة والغثيان)لعند صورة اﻷشعة وهية بالشهر الرابع
    لعند( its a boy ) !
    لعند صورتو وهوي عمرو ١٠ دقايق !
    الله يرحمك يا ستي ، كانت تحمل و تولد وماحدا يعرف ،حتى جدي الله يرحمو ، يشوفها سمنانة يتغير عليها !
    تشوفو اتغير ، تقولو انا خلص لازم قلك: أنا حامل بالشهر السادس
    يقلها كنتي قليلي فكرتك بطلتي تهتمي بحالك
    تقلو والله خجلانة تعرف 🙈
    ولما بدها تولد كانت تبعت جدي ( عالهِسي ) يجيب ( الداية ) ويطلعها بنص الليل و يطلع معها ابنها حارس ، يمشي جدي قدامها وتمشي وراه ، تدخل تولدها وتحمل الولد من رجليه وتضربو كفين ع ** ، وتقلها مبروك
    وجدي يحط بإيد ابنها ٥ ليرات حمرة قد صفحة جريدة الوسيط!
    وكل القصة عالساكت
    بس نسوان الحارة بيعرفوا
    مشان المباركة والكراويةوالذي منو
    وكانوا يجوا وحدةوحدة
    اللي تحط ( بالئندائة) ليرتين نقوط واللي تدحش برقبتو سنسال ذهب أخف من نسمة الهوى واللي تقرأ قرآن عليه واللي تجبلوكنزة صوف كاينة مشتغلتها لإبن بنتها بس طلعت بنت
    بهداك اليوم ستي بس كانت ترتاح وتاكل ( حصريًا ) كبدة مشان ( الغِزا ) يعني الغذاء!
    تاني يوم ترجع للحياة الطبيعية ! وجدي يرجع نفسية متل أول خلص دلعها يوم وخلص !
    هاﻷيام هي المرة لما تحمل لازم كل اللي حواليها بيحملو معها بتحسها بتحملهم جمايل كلهم ضغط نفسي للكل جوزها اخوانها أخواتها أمها أبوها أخوانو أخواتو حماتها بنات حماها وحتى البنات اللي على جروب الواتساب وجروب بنات العيلة وجروب صبايا وبس وجروب صحبة الجامعة !
    أصلا" بس تكتشف هاه تكتشف أنها يمكن يمكن حامل بتبطل تقدر تمشي ووسعولي مالي قادرة ياأمي موقادرة بعدولي وبتصير تمشي بالعرض بعدوا عني مشوبة مشوبة بعدوا وتقعد عالكرسي ع ظهرها متل جورج وسوف!
    وتلقائيا" تلقائيا" بتحقد على جوزها كيف ليش مابتعرف؟؟!!
    و فيتامين وبروتين وحديد
    ولازم تاخد ثاني كربون الجبصين!!
    ولازم تاكل كيوي مشان أصابع الجنين!
    وتمر مشان رموش الجنين وزيت زتيون مشان شعر حواجب الجنين!!
    وكل أسبوع فحص وتشيك عالتنفس والنبض والشرايين ولازم تبعد عن كل شي وعن أي شي!
    ولما تولد لازم ترتاح جسديا" ونفسيا" ومنطقيا" لمدة ٤ سنين والولد لازم يتوفرلو أجواء هادئة وجو مناسب جدا"!!
    طب ليش زمان الولد بس يكبر كان يحمل شوالين سكر على ضهرو ويركض فيهم ويزرع ويحصد ويبيع ويشتغل عن ١٠ زلم!
    والولد بوقتنا الموبايل تقيل عليه! واذا سخن بيغمى عليه! واذا عطس بخبط راسو بالارض!
    أبصر؟؟؟!!!!

  2. #2

    رد: الفيسبوك

    فعلا...جيل اخر زمن...
    كله شفاف ورقيق وهفهاف
    اهلين ماميتي

المواضيع المتشابهه

  1. الفيسبوك مرض حقيقي
    بواسطة محمد إقبال بلو في المنتدى فرسان الخواطر
    مشاركات: 2
    آخر مشاركة: 05-04-2017, 02:38 PM
  2. أحلام الفيسبوك
    بواسطة رجا صابر في المنتدى فرسان الخواطر
    مشاركات: 8
    آخر مشاركة: 09-21-2016, 06:32 AM
  3. ذكرني بها الفيسبوك
    بواسطة ريم بدر الدين في المنتدى فرسان النثر
    مشاركات: 2
    آخر مشاركة: 08-27-2015, 11:49 PM
  4. الفيسبوك والطاقة البديلة
    بواسطة د.أنس تللو في المنتدى فرسان المقالة
    مشاركات: 1
    آخر مشاركة: 04-21-2014, 02:46 AM
  5. إلى كل مرتادي الفيسبوك
    بواسطة د.ياسمين في المنتدى فرسان التقني العام.
    مشاركات: 2
    آخر مشاركة: 05-20-2011, 02:57 PM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •