يا ناس... يا عالم ..يا بني أمي
ليش الحقد !.... ..بقلوبنا مسّمي
بدنا الحياة .... نعيشها بأفراح
ونقول ل صغارنا لا عاد تهتمي
*****
بلادي جنة ...... بيعشقا نوّار
وبدنا المحبة تعود وتصير ملتمّة
مخبيلك يا سوريا بحبي غمار
وما بريد الالم يزيد عالأمة
*****
أمي سوريا ودمعي ذرفتو جرار
لوين رحنا !! صار الآسى بدمي
معقول نفني بلادنا بقتل ودمار !!
معقول مات الوفى بقلوب مغمّة
*****
بدنا شجرة الشر نقلعا من الدار
وبدنا شياطين الليل ما تعود مهمة
وبدنا نزرع الياسمين عنا والغار
و نعود نجمع قلوب عالحب ملتمة
*****
شحرور الضيعة
6/1/2016