شي بيرفع الراس smile emoticon

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


Dubarah with Sleman Shwaish

ماله من السهل أبداً تحصل على فرصة للقاء العائلة الملكية بحديقة قصر بكنغهام .. سليمان شويش الرائع قدر!

بديت قصة سليمان السوري/الكردي بالـ 2012 لما قرر يستقر ببريطانيا، وبحكم لغته الإنجليزية الجيدة وخبرته السابقة بالعمل الإنساني مع الهلال الأحمر بسوريا، قدر ينقبل كـ متطوع بالصليب الأحمر البريطاني، ليساعد الاجئين بمجال الترجمة ولم شمل، وقدر خلال سنة يأثبت همة عالية ونشاط استثنائي بالعمل ويساعد 57 حالة لحاله بس!
الرائع بالموضوع ..
أنو بالذكرى الـ 150 لتأسيس الصليب الأحمر البريطاني تفاجئ بدعوة من الملكة إليزابيث لزيارتها بقصرها باعتباره مثال مشرّف للاجئين بشكل عام وللسوريين بشكل خاص، وكانت الزيارة عبارة عن غداء مع العائلة الملكية بحضور الأمير تشارلز بحديقة قصر باكنغهام.

غير هيك ترشح سليمان شويش ليشارك باسم اللاجئين السوريين بمؤتمر الأمم المتحدة بأسبوع اللاجئ العالمي، والي قدم فيه مداخلة مدتها 15 دقيقة قدر يوصل فيها صوت ومعاناة اللاجىء السوري للعالم، لدرجة انو كل الشخصيات المهمة الموجود بالمؤتمر اثنت ورحبت كتير بهالمداخلة يلي اعتبروها “أكثر من رائعة”..
طبعا بعد فترة قريبة سليمان رح يخلص ماجستير طب تغذية وصحة إنسان بجامعة Huddersfield، وهون ضروري نذكر الجهود الي قدمها بهي الجامعة لحتى قدر يأسس اتحاد الطلبة السوريين فيها ويلي هو حاليا عم يترأسو.
للأسف الكلمات غالباً مابتكفي لتذكر كل انجازات سليمات الإنسانية، ومن فريق عمل شبكة دوبارة منتمناله النجاح أكتر وأكتر.
المصادر:
http://goo.gl/YV1jt4
http://goo.gl/RMCOr0

--
‫#‏دوبرجي‬ Dubarah
www.dubarah.com