منتديات فرسان الثقافة - Powered by vBulletin

banner
النتائج 1 إلى 5 من 5
  1. #1

    حلم ..مع إيقاف التنفيذ / للشاعر محمد أبو زيد الاسيوطي

    حلم مع إيقاف التنفيذ
    للشاعر محمد أبو زيد الأسيوطي

    و بحاول أدور علي نفسي
    وسط المخاليق
    مش بلاقيني
    وبدور تاني علي كياني
    وفي أي طريق
    علي ضي نهار
    يثبت لي إن انا
    عايش بحقيق
    أو كلمة حب تبل الريق
    طارت عصافير
    الأحلام من أغصاني
    معدتش تغني ولا تزقزق
    ولا أي عبير
    عاد يتصدق
    ولا أي نسيم
    ولا نغم الحب في الحاني
    بيقول تقاسيم
    وارجع تاني رغم التعتيم
    اللي في شمسي
    اضحك علي نفسي
    وأتبسم
    وانده ع القمر
    المتخبي جوه الدهاليز
    بعد التركيز
    بيرد صداة
    حلمك مش قابل للتنفيذ
    مش بستسلم
    من بين كراكيب يأسي
    بلملم
    بعض الأفكار اللي أتخنقت
    علي باب مقفول
    وغرام في الروح اللي أتحرقت
    وأمل مقتول
    وبيتألم
    من عزم الريح
    وقصور أحلام
    بدأت تنهار في ظلام الليل
    اللي معتم
    وأنا لسه برتل
    قرآني
    واقري التسابيح
    وبحاول تاني أني
    أنا ارسم
    لوحة من الحلم
    اللي أتهدم
    تطلع شخابيط
    والقي الوطاويط
    علي كل جدار
    غاوية التنطيط
    لو خطوتي حاولت تتقدم
    يتقطع الخيط
    اللي ما بيني وبين
    الأحلام
    بعد المشوار
    اللي ضانيني بلاقيني
    جريح
    مطعون بالسهم
    اللي قتليني ميت مرة
    زمان
    وبحاول آخذ أنفاسي
    يطلع دخان
    بيخلي النار المكمورة
    جوايا تشيط
    وزماني يعيد نفس الصورة
    والحزن شريط
    غاوي التكرار مليون مرة
    علي شاشة قلبي
    اللي أتحرقت جوه وبرة
    وأنا لسه شباب
    وكلاب مسعورة
    بتتسابق
    جوه السراديب
    علي مين هيفوز
    وأنا المنبوذ
    مكسور وطريد
    من جنة أحلامي
    العالية لطريق العوز
    اللي ماشيني
    بالطول والعرض
    مين يشرب دمي
    في شراييني
    ويصلي الفرض
    علي روح أراجوز
    مرمي
    علي الأرض
    ويحلي بلحمي
    المجزوز
    ومعلق
    فوق الأبواب
    ويبارك روحي المدشوشة
    في رحاية القهر
    وكرامتي المنهوشة
    في كوشة وفي عز الضهر
    بدأت تتزف علي
    احلي عريس
    علي سيمفونية من الأحزان
    يرقص وياي ويتراقص
    دمعي اللي أتهان
    من غير أحاسيس
    علي لحن عذاب
    مع صوت إبليس
    مين فيكم بس القرداتي
    اللي جايب لي اللوز
    علشان اتنطط
    قدامه
    مانا لسه عبيط
    وكمان كداب رغم التخبيط
    اللي كاسرني
    والهم اللي في سجنه أثارني
    أنا مش مهزوز
    لساني بعيش مفرود البوز
    من غير كراميش
    وبنام واحلم بمطر وسحاب
    رغم التهبيش
    بحلم والحلم لأمثالي
    ولا باب ولا شيش
    ولا حتى يجوز
    وعشان درويش
    أنا حلمي بسيط
    بحلم لو أكون
    إنسان فعلا
    من غير لا شروط
    ولا أي خنوع
    واغني نشيد الحرية
    علي ورق التوت
    وبصوت مسموع
    بحلم بالفجر اللي بيدين
    والضلمة تفوت
    من غير لا رجوع
    ولا حتي سلام
    بحلم بسلام
    عدل وقوة مش استسلام
    وكمان مشروط
    بحلم بوليد يحمل اسمي
    من بعد الموت
    بحلم بالقوت اللي يكفي
    بحلم بوطن
    يجي في صفي
    ويعيش مبسوط
    بحلم وبفوق
    علي نفس الصوت
    كفياك تعجيز
    حلمك مش قابل للتنفيذ

  2. #2
    واهلا بجديدك شاعرنا
    لك التحية والتقدير
    [align=center]

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    ( ليس عليك أن يقنع الناس برأيك ،، لكن عليك أن تقول للناس ما تعتقد أنه حق )
    [/align]

    يارب: إذا اعطيتني قوة فلاتأخذ عقلي
    وإذا أعطيتني مالا فلا تأخذ سعادتي
    وإذا أعطيتني جاها فلا تأخذ تواضعي
    *******
    لم يكن لقطعة الفأس أن تنال شيئا ً من جذع الشجرة ِ لولا أن غصنا ً منها تبرع أن يكون مقبضا ً للفأس .

  3. #3
    شكرا جزيلا لمرورك
    خالص ودي وتقديري

  4. #4
    مررت لاحيك على نفسك الطويل فيها
    اللهجة المصرية حلوة وعذبة
    بنت الشام
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  5. #5

    رد: حلم ..مع إيقاف التنفيذ / للشاعر محمد أبو زيد الاسيوطي


المواضيع المتشابهه

  1. تلات وردات قصيدة للشاعر محمد أبو زيد الاسيوطي
    بواسطة محمد أبو زيد في المنتدى فرسان الشعر الشعبي
    مشاركات: 3
    آخر مشاركة: 01-24-2011, 08:14 PM
  2. أبو العربي - قصيدة ساخرة - للشاعر محمد أبو زيد الاسيوطي
    بواسطة محمد أبو زيد في المنتدى فرسان الشعر الشعبي
    مشاركات: 4
    آخر مشاركة: 09-25-2010, 04:33 PM
  3. مربع الحب - للشاعر / محمد أبو زيد الاسيوطي
    بواسطة محمد أبو زيد في المنتدى فرسان الشعر الشعبي
    مشاركات: 5
    آخر مشاركة: 08-09-2010, 11:41 AM
  4. مشاركات: 0
    آخر مشاركة: 03-27-2010, 04:18 AM
  5. البقاء لله // للشاعر // محمد أبو زيد الاسيوطي
    بواسطة محمد أبو زيد في المنتدى الشعر العربي
    مشاركات: 1
    آخر مشاركة: 11-29-2008, 06:59 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •