مجموعة مواقع مهمة

بما أنه جوجل كنز، والمواقع صارت كتيرة! .. هالبوست فيه مجموعة من المواقع اللي ممكن تهمكم:

- موقع آيزك - aiesec.org: موقع بشبك بين الطلاب اللي حابين يسافروا عشان يتطوعوا أو يتدربوا برا بلدهم وفيه فرص مغطية التكاليف، وأحياناً مغطية بشكل جزئي.

- موقع فرصة - For9a.com: من أهم المواقع العربية اللي بتجمع المنح والفرص في مكان واحد.

- موقع مرجع - Marj3.com: المنصة بتجمع فرص ومنح للأشخاص من الشرق الأوسط.

- موقع إدراك - Edrak.org : موقع بقدم كورسات أونلاين مجانية باللغة العربية.

- موقع جملون - Jamalon.com : موقع لبيع الكتب الورقية أونلاين، وبوصلوا لكل أنحاء العالم

- موقع فيوتشر مي - Futureme.org: هو موقع بخليك تكتب رسالة لحالك، بحيث توصلك بالمستقبل..وإنت بتحدد تاريخ وصولها إلك من خلال إيميل.

- موقع مبادرة قرة - qorrah.com: الموقع بشرح عن التخصصات الجامعية ومجالات العمل والدورات اللي بتهم الطلاب اللي بدرسوا التخصص.

- موقع youthop.com: موقع عالمي بجمع فرص المؤتمرات، والدورات والدراسة في كل أنحاء العالم.

- التطوع أونلاين مع الأمم المتحدة - unv.org: الموقع بتيح مجموعة فرص تطوعية أونلاين مع الأمم المتحدة وبشهادة تطوع منهم، وبالعادة مجالات التطوع مرتبطة بالبحث، كتابة التقارير، الترجمة، التصميم.. إلخ.

- موقع تيد - Ted.com: بتعرفو شو يعني كنز على الإنترنت؟ موقع تيد هو كنز .. فيه فيديوهات بتتراوح مدتها بين (5-20) دقيقة عن كل المواضيع اللي بتخطر على بالكم، مقدمة من متحدثين من حول العالم متخصصين في مجالاتهم، وعندهم تجارب وخبرة كبيرة.

- فرص في الاتحاد الأوروبي - European Solidarity Corps: موقع بجمع الفرص الموجودة في دو الاتحاد الأوروبي.



حابين تشوفوا شرح مفصل عن كل بوست؟ اضفطوا على #موقع_مفيد

اكتبوا اسم الموقع بجوجل لحتى توصلوا للرابط 💪