نصيحة مجرب

تحذيرات من أورقة المحاكم السورية ودور القضاء والمحامين طيبة القلب والشهامة والنخوة والجهل والنزوات قد تدفع ثمنها ٢٠ عاماً في السجن....!!!
====================÷======
🔵 كترت حالات الخٓـ.ـطف والتهر.يب
والتوريط وغيرها بشكل مهيب ..

📌هالكلام من اروقة المحاكم
ومكاتب المحامين و دور القضاء
وعم يتكرر يوميا (والقانون لا يحمي
المغفلين)
نصائح مهمة لك :
📌 لا تحط شريحة جوالك
بموبايل حدا، حتى لو كنت مضطر
كتير انك تحكي مكالمة ..

📌لا تخلي حدا نهائياً انو يحط
شريحتو بجهازك ويتصل منو

📌لا تشتري موبايل مستعمل او
حتى جديد (بدون الكرتونة تبعو)

📌لا تبث انترنت من خط السيرف
تبعك لشخص ما بتعرفو وخاصة
بالسكن والمطارات والقعدات ..

📌لا تشيل بالمطار غرض لشخص
كبير بالعمر او طلب منك المساعدة
بحمل كيس معين بجوز يكون فيه
مخد*رات او دولا*رات ليبية ..

📌لا تشيل ظروف مغلقة لأشخاص
قالولك بما انك نازل ع هالبلد حطوا
معك مقابل اجرة، كلها شقفة ورقة ..

📌 ولا تحمل بسفرتك ادوية
ولا شناتي صغيرة لناس طلبوا منك
عالفيس .. او حتى من معارفك اللي
سمعوا انك مسافر حتى لو فتحتها
وشفتها (( لان في بطانة داخلية
مخيطة وبينحط فيها شغلات ))

📌لا تطلع بتكسي من اللي ناطرين
الناس باب البنوك ومحلات الصرافة
ومحلات تحويل المصاري ..

📌لا تدٌخل شخص غريب ع بيتك
اذا طلب يستعمل الحمام وماعندك
حدا والافضل ما تدخلو نهائياً ..

📌لا تحكي لرفقاتك بالجامعة
عن بيع عقار ، او عن حوالات بعتها
اخوك من الغربة او عن توزيع ورثة ..

📌لا تروح عالمحافظات الجنوبية
اذا كانوا حاطين عالفيس انو في
سيارة للبيع او جوال عاجبك كتير
وبسعر مغري (بدرعا__السويداء)..
عم نحكي عن اللي بيستدرجوك
"مع كل الحب لأهالي المنطقة"

📌لا تحكي لحدا عن سفرتك
القريبة ولا موعدها ولا تاريخها ولا
تعطي اي تفصيل عن خططك
المستقبلية، وعن تكاليف السفرة

📌لا تطلع مع قاصر، لا شب ولا
صبية، لا بعلاقة عاطفية ولا جنسية
ولا صداقة ولا شي (خاصة بالفنادق)
لأنو بورطوك وفي ناس وراهن .

📌اياك اياك و التعامل مع النساء
اللي بيسحبوا منك معلومات بطريقة
الإستلطاف او التطبيق ..سواء كنت
بكليتك ..بمطعم ..بالشارع بالجامعة
بالفيسبوك ..بالخبز اليابس، لأنو كل
العصا*بات بسوريا اول خطوة انها
بتدفشلك صبية ..

📌لا تأركل عند حدا عمر الأركيلة
قبل ما انت تجي، لانك ما بتعرف
هالرفيق بشو خالط المعسل أصلاً ..

📌لا تتعامل مع جماعة يوجد
لدينا عملات رقمية و يوجد لدينا
ربح هرمي تبع كل ما تجيب قرايبك
واصحابك ع هالمشروع بتاخود
ربح شهري منن ..

📌لا تعطي كلمة الراوتر wifi
للضيف اللي جاية عند اهلك ولا
تسمح لحدا يفتح نت من بيتكون
لأنو انت ما بتعرف مع مين عم
يحكي وما بتعرف اذا مخبص
وعامل مشكلة والحكومة مراقبة
خطو وتحركاتو

👈اعتذر ومعلش بيّن قليل زوق
احسن ما تنسجن 20 سنة مع اشغال
شاقة .. فكر فيها بتفهم لحالك ..

👈طيبة القلب بهالأيام مصيبة
وبتدفع ثمنا كل حياتك للأسف 💔 ..
.