فقط في العراق 🇮🇶

طگة وأخواتها فقط في العراق 🇮🇶😲😲😲😄😄😄

1- طگني: بمعنى ضربني.
2- طگ التاير: بمعنى انفجر.
3- يطگطك بالسوگ: بمعنى (یشتغل) اعمال حرة متفرقة.
4- طگت براسه: بمعنى قرر على استعجال و بدون مشاورة.
5- أطگها ركضة: يعني اركض بسرعة.
6- يطگ اصبع: يعني فرحان ويفرقع بإصبعيه السبابتين على غرار ما يُفعل عند الغناء والطرب.
7- طگطگت اصابيعي: إصدار صوت عند فرقعة مفاصل الاصابع.
8- طگلي صورة: بمعنى التقط لي صورة.
9- طگلك بيضة: اي قلي البيض بالزيت.
10- طگوه بالدهن: من المصطلحات العراقية ما بعد الاحتلال، بمعنى كتلوه.
11- طگ طگه مو طبيعية او طگت وياه او أموره طاگة: ومعناها انفتحت وياه او اشتهر او صار من اصحاب الاموال والاملاك بسرعة.
12- طگ الشجر: بمعنى تفتحت أورق الشجر في الربيع.
13- اسمع طگطگة: بمعنى اسمع اصواتاً غريبة!
14-فلك طكك :بمعنى موت الكرفك ...او لفك ..
15-طكت الكهرباء ...بمعنى انفجرت او انقطعت الكهرباء
16-طكطكت الشبابيك ..بمعنى الهواء عالي و يحدث اصوات ..
17-طك طك حرمل ..بمعنى بخر ضد العين
18-طكت روحي ..بمعنى لعبانه نفسي و مالي خلك و مزاج
19-كام يطكطك ..بمعنى اصابه الخوف و الهلع
20-كلبه ايطكطك ...بمعنى روحه لايبه على شي ...
21-طك الحايط ..بمعنى ازاله اي تم هدمه ..
22-لا تصير طكطوكي ...بمعنى لاتصير مو تمام
23- حاجه طكطوكيه ..بمعنى Made in china
24-طكوك ..بعنى ثري او زنكين
25-وحده طاكه ...يعني خشمه عالي و متتحجه لو زنكينه لو حلوه ..
26-ولا طكه ..بمعنى لا علم و لا فهم.
...........مااحلى لغتنا ...........