وياسادة ويأحباب وياكرام
من يوم مااتفشكلت بالمنام
وأنا أموري مالها تمام التمام
رحنا نتفسح ونحضر حفل ونفرح
وقلنا بركي بينجبر هالخاطر...
اللي بعدو عالشط ناطر
بيستنا فرحة تغير حياتو
وتنسيه أحزانو وعلاتو ..
وهيك رحنا عالحفل الختامي
اللي زرعت فيه شي من أحلامي
اللي نفسي أحظى فيها ...من وقت ماأختي عزمتني عليها ..
ووقتا رفضوني عشان صغر سني ياعيوني..
وقالوا لازم كون مع محرم..لحتى زور بيت الله المعظم..
وبعد ماتشعبطت عالجواز ضاعت العزيمة اللي انعزمتا باعزاز...
واليوم اتكرر الحدث الجلل..وعملوابالمدرسة قرعة بالعجل..
على اهداء عمرى مجانية... لصاحبة الفرصة السنية
وأطل التاريخ في القاعة ليعيد لي من نفسه الشناعة
وعملوا ثلاثة قرعات على عجل ..مالي فيهم لاناقةولاجمل
وتيتي تيتي متل مارحتي متل ماجيتي..
حبيت فش قلبي بكم سطر ..مشان ماطق من القهر
وتركت عند الله حاجاتي فهو المجيب لدعواتي
والسلام عليكم .وتصبحون على أمل ورزق جديد
