كيكة ولا أروع مقادير الكيكة : 3 كاسات طحين + 2 كاسة سكر + كاسة عصير برتقال غير محلي او فيكي تستبدليها ب كاسة حليب سائل + 5 بيض حجم كبير + كاسة زيت مازولا + 2 ملعقة صغيرة فانيلا سائلة أو ربع ملعقة صغيرة فانيلا بودرة+ ملعقة صغيرة خل ابيض + ربع ملعقة صغيرة ملح + ملعقة كبيرة بكمبودر + برش 2 حبة ليمون + برش 2 حبة برتقال الطريقة : بالاول سخني الفرن على حرارة وسط (180 ) درجة مئوية وثيتي الرف الاوسط بالفرن وبتدهنيها زبدة ورشة طحين وبعدين بتحطي البيض مع الفانيلا وبرش الليمون والبرتقال في وعاء الخفاقة وبتخفقيها لمدة 5 دقايق وبعدين ضيفيلها السكر على دفعات مع الاستمرار بالخفق واخفقيهم لمدة 10 دقايق وبعدين بضيفيلها الزيت على دفعات مع الاستمرار بالخفق وفي وعاء تاني بتكوني نخلتي الطحين مع الباكنغ بودر والملح وهلأ بتضيفي الطحين مع عصير البرتقال بالتناوب وعلى دفعات مع الاستمرار بالخفق وهيك لتخلص كل كمية الطحين وعصير البرتقال وبتخفقيهم دقيقتين لحتى يتكون خليط كيك ناعم متجانس وهلء بتسكبي الخليط بالقالب وبتدخليها على الفرن المحى مسبقا لمدة 50 او 55 دقيقية بس ما بيصير تفتحي باب الفرن على الكيكة قبل اربعين دقيقة وطبعا الفرن بس من تحت بتشعليه وقبل انتهاء مدة الخبز ب 5 دقايق اشعلي الفرن من الاعلى كمان لحتى تشقر سطح الكيكة... لازم تكون كل مكونات الكيكة بدرجة حرارة المطبخ يعني طالعيها من البراد قبل الشغل ب حوالي ساعتين.... نور الشام
