www.omferas.com
شبكة فرسان الثقافة

شاورما الأمان بالله … بقلم : شذر مذر

0

ـ معكون ربع ساعة يا معلّم لتفضّولنا المحل، وكل ما ستعجلتوا بيكون أحسن ألنا و ألكون. ـ خير اللهم اجعلو خير؟ ـ طلعت نتيجة المخبر، ولازم نختم المحل بالشمع الأحمر، فضبوا وتضبضبوا

شاورما الأمان بالله … بقلم : شذر مذر
مساهمات القراء

ـ معكون ربع ساعة يا معلّم لتفضّولنا المحل، وكل ما ستعجلتوا بيكون أحسن ألنا و ألكون.

ـ خير اللهم اجعلو خير؟

ـ طلعت نتيجة المخبر، ولازم نختم المحل بالشمع الأحمر، فضبوا وتضبضبوا عل سريع.

ـ وشمعنا ما غضرتو تظبطوها هل مرة؟

ـ هل مرة صارت صعبة شوي، لأنو شغلة اللحم الفاسد مئدور عليها لأنو بيتعقم بالحرارة وبيضيع مع الشحمة واللّية  والبهارات بس لحم الحمير أكبر من أمكانياتنا، فنصيحة من أخ لأخوه شمعو الخيط ورح نعمل حالنا أنو ما شفناكون لأنو يلي رح يجو بعدممنا معهون أمر بتوقيفكون وسحب الرخصة.

ـ وشو رح تكتبوا بالضبط؟

ـ لدى السؤال والتحقيق والتمحيص بتؤده ودراية أمام المراية تبين أن صاحب المحل مسافر لإتباع دورة في أصول غش الشاورما خارج القطر، فتم التحفظ على سيخ الشاورما ليتم اتلافه أصولاً، وتم ختم المحل بالشمع الأحمر بعد استيفاء رسم الطابع بعد شفط الطابع بالطبع، وبعد طرد الصنعية العواينية والتحفظ على الغلّة، وما إلى ذلك، وبتناولونا المئدور خمس تالاف ليرة… عشرة أم الطربوش وعتق مهريين معليش وحباب وحبايب وأصحاب وقرايب، هيك  لحتى تطلعو يا معلّم من الحبس بالسلامة منعمل بازار جديد.

ـ معلمكون معو خبر؟

ـ معو

ـ وشو قال وقت عرف

ـ قال الله لا يوفقك يا ابن الحرام وبتستاهل لأنو كل الشاورما يلي كنت بتبعتها عل بيت لعندو منشان ياكلها هو وعياله وولاده وضيوفهم هي لحم حمير… وهادا انعكس على أدائو بالشغل وطلعلو دنب هو وعياله.

ـ لكان معئولة يلي الله يوططي جاهو يطلب مبارحة خمسين صندويشة شاورما دبل مع خمسين قرص كبة وعشر بقينات لبن… مع السرفيسات ؟؟؟ ليش أنا شو عمبربح حتى طالعهون انشاء الله بطلع بجنازتو… وهوي شم عم يدفع لي غير السلبطة ومن سنين… طلبنا منو كذا شغلة ووكيلكون الله ما شفنا منو لا حامضة ولا حلوة… لعمى حدا بيطلوب 50 صندويشة دبل؟؟؟

ـ لا كتير تجي عليه هوي بيطلب الطلبية ونحنا منضربها بتنين مشان ناكل ونطعمي الشباب

ـ لكان صحة وهنا على ئلوبكون و… وئت بتطلع دنابكون تعالوا ورجونا ياهون.

ـ الله ياخدك مبارح طول الليل عم راجع أنا والعيلة ودعينا عليك كومايات.

ـ معليش وبتستاهلو أكتر من هيك مشان تعرفوا كيف تاكلو مال حرام!

ـ سيدي خفف من هل علاك وخلينا نشوف شغلنا.    

ـ ماشي  بس أنا بدي اشتكي عليكون واخرب بيوتكون وبدي ارفع دعوى ووككل أحسن محامي بالشام مشان ياخد حئي منكون ومن معلمكون يلي لحم كتافو ودنبو من خيري.

ـ ما رح تفيدك هل دعوى شيء والنصيحة مشان ما تئول انو نسينا الخبز والملح دبر شي حدا من الصنعية وطمعو بقرشين مشان نلبسو التهمة وينحبس بدالك.

ـ يا سيدي اكتبو يلي بدكون ياه… ايدكون وما تعطي…  وبوكرا بتشوفو كيف رح بطلع منها متل الشعرة من العجين.

ـ بس تهمة الغش ثابته عليك وفي تقرير من المخبر!

ـ يا سيدي أنا بريء والتقرير مسحو فيه ذقونكم

ـ بريء ؟ كيف بريء؟

ـ يا سيدي بريء وستين بريء

ـ شو البرهان؟

ـ البرهان هو اسم المحل

ـ وشو علاقة اسم المحل؟

ـ شو أسم المحل؟؟؟ اولولي لشوف؟؟؟

ـ شاورما الأمان بالله

ـ عفارم عليكون المحل اسمو شاورما الأمان بالله … وليس شاورما الأمان بالعبد… وهذا تحذير صريح للزبائن… لأنو ما في حدا بيأممن بالعبد…تضربوا شو بتفهمو… لعمى… ولك ما سمعتوا انو القانون لا يحمي المغفلين… هدول الزبان شيياتي مين يللي ئلهون يشترو من عندي… وين مسؤوليتي اذا انا كاتب تحذير … وليش ما حدا بيئددر أمانتي وصدقي؟؟؟  كيف هيك وأنا عامل واجبي بالكامل وكاتب تحذير على القارمة بطول عشر متار مبحبحين بالحرف النافر مع البنجكتورات؟؟؟!!!

Chazarmazar@gmail.com

اترك رد

لن يتم نشر عنوان بريدك الإلكتروني.

bodrum escort bayan ankara escort bayan mobile porn wso shell