حبر الكتابة
صاح بي .. صاحبي .. والليل حبر الكتابه | كيف نرسم وطن للمتعبين أغتراب |
كيف تطلع يدينك … يارفيق الصبابه؟؟ | وانت للتمر في شفتك طعم الغياب !! |
قلت له ظلك الناضح … بريق ومهابه | اطعن الظل واكتب من دماء الجواب |
من رقا نخلة الدفتر … وشق السحابه | تغسله باحتمالات المطر والتراب |
كل ما خدرت … صحو السؤال // الإجابه | سال قيظٍ تشجر من ضلوع السحاب |
فوق نخلٍ جنوا طلعه … وخانوا ترابه | وارتدوا فوق ثوب الطين / طين الثياب |
صبّي الغيم ياسلمى .. لناسً غلابه | من عطشهم على الما يحلبون السراب |
اظهري مثل نفحة برق .. والفجر غابه | واختفي مثل ورده في ظنون الكتاب |
غصنها يعزل الما .. من سراب التشابه | والنسانيس ترسم به نوافذ وباب |