وجبات خفيفه
كاسترد الشوفان.. سهل وسريع

والطريقة مثل ماتعودتوا سريعة وسهله والمقادير بعد متوفره وسهله
وحلو للعصرية ويناسب الجو الحار اللي يايينا
وممكن تاكلينه وهو حار او بارد... في الحالتين طعمه حلو
:: المقادير ::
4-5 أكواب حليب
1 كوب شوفان
1\2 نص كوب سكر ( ممكن تزيدين او تنقصين حسب كيف نسبة الحلى تبين)
3-3 ملاعق ماء ورد ( مثل السكر ممكن تزيدين او تنقصين حسب رغبتج)
1 ملعقة هيل مطحون
1 ملعقة صغيرة قرفة
شوية من الشعيرية الباكستانية ( نسيت اصورها) ( والكمية تعتمد على رغبتج)
المقادير مثل ماقلتلكم سهله ومتوفرة في كل البيوت أعتقد
( وممكن الاستغناء عن القرفة اذا ماتحبون او تحطين فانيليا بدل ماي الورد اذا ماتحبين.. بس ماي الورد نكهته احلى من الفانيليا .. ومثل ماقلت كلن وذوقة)
هاي صورة الشوفان

:: الطريقة ::
تحطين كل المقادير في اليدر وعلى نار هادية وتحركينه لين مايغلظ ويتماسك شوي ..
وهاي صورة الخليط اول ماحطيته عالنار

وخلال هالوقت .. ظهري الملال وغسليها ونشفيها .. وبين فترة وفتره حركي
الخليط لين ماتحسين انه تماسك وغلظ ...
ووممكن تسوينه في طبق واحد اذا ماتبين في ملال
هني عقب ماحطيته في الملال .. وفيج تزينينه بالطريقة اللي تبينها
أنا حطيت عليه فستق مبشور


وهني رشيت عليه قرفة مطحونه ولوز مبشور


منقول

فطائر سبانخ بشكل رغيف

السلام عليكم ورحمة الله وبركاته

لاني من مدمني السبانخ واحاول استغل موسمها سويت
فطائر سبانخ بس بحجم كبير شوي
قرب ينتهي موسمها
طبعا اكيد معروفه طريقت السبانخ صححححححححح:
يالله بقلكم طريقتي
اغسلي 3 حزم سبانخ جيدا واافرميها بالسكين واضيفي عليها
نص كاس ليمون
وربع كاس زيت زيتون
و3 او 4 ملاعق كبيره سماق
وكوب بصل مفروم
ملعقه صغيره ملح
واخلطيها مع بعض وخليها نص ساعه او ساعه ولو طولت اكثر مافيه مشكلها '(
وتعصريها عند الاستخدام جيداً
نجي للعجينه الي استخدمت
المقادير
4 كاسات دقيق ابيض
4 ملاعق كبيره حليب بودره
نص ملعقه صغيره ملح
ملعقه صغيره خميره فوريه
نص ملعقه صغيره بكنج بودر
( مع مراعات ان الجو حار عندنا كفتني مقادير الخميره هاذي )
فنجان قهوه عربيه زيت
فنجان قهوه سكر
ماء دافئ للعجن
تخلط المواد الناشفه مع بعض اول من اجل البكنج بودر يختلط جيدا ولا يتاثر بالمويه الدافيه
انا استخدمت العجانه
ثم يضاف الزيت ثم يضاف الماء بالتدريج حتي تتكون عندك عجينه لاهي لينه ولا قاسيه
وتتشكل بكل سهوله والله الله بالعجن الزين
تترك بمكان دافيء لحتي تخمر (نص ساعه كفتها عندي ) على حسب الجو
ثم تقطع وتفرد باليد على شكل رغيف الخبز وتوضع الحشوه على النص منها
ويطبق النص الثاني عليها وتسكر جيداً
وتترك تخمر قليل قبل الخبز
وتخبز بفرن حامي وجت عندي الكميه صينيتين يمكن 7 خبزات محشيه سبانخ
ررررروعه ولينه العجينه ولما بردت ما نشفت جلست طريه ويالله مع كوب شاي
واتركم مع الصور





ثم تقطع وتقدم بالعافيه والف صحه

بان كيك

المقادير
1 كوب دقيق
2 ملعقة طعام سكر
2 ملعقة طعام بايكنج باودر
2/1 ملعقة صغيرة ملح
2 بيضة مخفوقة قليل
1 كوب حليب سائل
3 ملعقة طعام زيت
الطريقة
1- نخلط النواشف مع بعض
2- نضيف السوائل على خليط الدقيق ونخفق مباشرة إلى أن يتجانس الخليط
3- ناخذ مقدار 4/1 كوب من الخليط ونصبه في مقلاة مدهونة أو في جهاز البانكيك الكهربائي وعند ظهور فتحات في سطح القطعة نقلبها على الوجه الثاني حتى يحمر ونرفعها ونقدمها مع شيرة البانكيك والزبدة :lol:
الف هنا وعافيه :unsure:

الف شكر على الوصفه