بغداد ...

[كاظم الفضلي]

بغــــداد ...



اصبحت محنيه الظهر ... واظلوعي ياذني
الجروح أثخان انزف ... وعبوه تنسفني
اشاكف هاي عن ذيج وتطيح اجفوفي مني
وألم وادم كطع بيهه السبيل وضيعت حضني
أنه الام الجبيره وفرحتي بحزني
بغداد .. هاي أنه اليجدي ابابي اليسبني
وبغداد تعرفني العواصم والدول تحسبني
جنت مناره وقلعه للاحرار
وعاصمة الاسلام الشيعي والسني
جنت سيف الحقيقه ومركز الاشعاع
ومنبر للخلافه الناس تحسبني
أنه أولايه التوسل بيهه جم والي
وندمت اعله الاجو ماواحد اليرضيني
رغم كل الشهامه البيه والغيره
ورغم امجاد أهلي وثروتي وديني
اضل مهظومه مندومه من اشوف أثار الغزاة
بكاعي تبجيني
أمس طاق كسره وهذا هالشاهد ..
التتر .. عبرو نهر دجل وعله اجروف النهر مذبوحه تلكيني
الفرس رادو هلي البصره مسبيين
وأنه ابغداد اسرائيل تسبين
انه اولادي الرجال ارجال اهل الكلفه ويهمني
من اسولف عنهم بزود ..
لان من نادت الجولان
اول مافزع ابني
ومن سيناء استغاثت هبو الخيرين
نطرو عالحدود وفاركو حضني
اصارع بالعواصف والظروف وهجمه من هجمه
وكدري اعله المواكد نار .. واللئيم بغدر يحلبني
اطعم باليجوع واشبع الجوعان
ومن دار الوكت طكات يشبعني
أنه اولادي المسيحي الصبي والكردي
اليزيدي .. وصلاح الدين شاهد عالطوائف كلهن وذني
اثخنت بي الجراح وشردت اعيالي
وانهدمت جسور .. أنكطعت الصوبين
ودجله اعله ياهي من الجسور ايريد ينشدني
أنه البيه المآذن ترفع أسم الله .. انقصفت جوامع
حته لااسمع آذان الغبشه يندهني
القصف لاح الاساله وكطعو الماي
مو هم العطش والزاد .. رادونه انتيمم مامش أنه اوضوء
توضيت بنزيفي وللصلاه ادموعي ودني
بصاطيل الغزاة اتغوط دجله ونكسو مايه
وجثث يغسل مناياهه الدمه ..
لان قعر النهر ملغوم ..
ولان خاف أفزع وأكوم
وعله الالغام عدي اجدام مشني
انتخيت اهلي العرب كلهم ..
حشمت العروبه وياعرب خيرين
لاجار الفزعلي ولا فزع من وطني
أنه المنكم ... وأظل ألكم ... وأنه أخلافي
العروش العاصيه التنذل تذكر محنتي وترد تذكرني


كاظم الفضلي

[كاظم الفضلي]

تقديري ومحبتي لأدارة منتديات فرسان الثقافة ومشرفين وعاملين على ديمومة هذا الأبداع بالعطاء والخلق الرفيع والصدق الصدوق لما نجده فاعلاً من الجهد والمثابرة سعياً ان نكون في مصاف نوافذ التواصل وفضاءات المحبة والنجاح .. نشعر بالفخر والأعتزاز أمام تواضعكم وأرضائنا بمد أيديكم لنتسلق سلم الأبداع بسعادة الأنجاز .. سعادتي ببعض مروركم كيف وأنا يشرفني وسام يزين تواجدي ويميز ذاتي بذاتي لأفتخر بأنتمائي لمنتديات حبلى بالمحبة والعطاء كعثوق نخيل العراق وأرث الشام بعروبة العرق والحضارة وكنانة الأدب والفن وأبناء أمة ضادها لغة الأبداع .. تقبلوا شكري وتقديري لوسام الشعر الشعبي وأعتزازي ومحبتي للأديبة الرائعة ريمه الخاني وتحياتي للأستاذ الفاضل ظميان غدير ..

كاظم الفضلي

[ريمه الخاني]

آسف لتاخري في المرور
لك كل آيات الشكر والتقدير

[رغد قصاب]

بغداد واي جرح في مآقينا وروحنا
بارك الله بك ايها العربي الابي
نصرنا الله وحمى بلادنا
رغد

[الشاعر لطفي الياسيني]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
تحية الاسلام
جزاك الله جنة الفردوس الاعلى التي اعدت للمتقين
نفع الله بك الاسلام والمسلمين وادامك ذخرا لمنبرنا الشامخ شموخ
ارز لبنان

ان كل مفردات ثقافتي لا تفيك حقك من الشكر والاجلال والتقدير
لك مني عاطر التحية واطيب المنى
دمت بحفظ المولى