كابوس 00!!

أنا كل مَنُّوي
أروح أصليِّ
أمور غريبة
بتحصل ليِّ
ألقي شيطاني
أبن الجنَِّي
يحضر بسرعة
يشاغلني
يفضلْ يوسوس
يخايلنيِّ
بكل آمالي
اللي ف بالي
يحلِّي فيها
يزين هالي
وأنا من خيبتي
ومن عبطي
أسرح معاه
غصبن عني
*****
ساعات يجيني
ف منامي
فشكل كابوس
ألقاني معبَّط
ف عروسة
يجي من ألف
عروسة
ناكشين الروس
ترقص لي
رقصة مهوسة
اجي ألماسها
أو أقرب منها
أو أبوسها
ألاقي نار بتحرسها
تولَّّع ف الدار
*****
أصرخ وأحاول
أنجد نفسي
ألقي عضلاتي
مشلولة
وألقي العروسة
تقلب غولة
تخنقني
وتكتم هوا الأنفاس
اصرخ وأقول
يا إخوانا
يا اطيب ناس
حد منكم ينجدني
ياخد بإيدي يدخلني
روضه وجنة
منا بتمني 00!!
****
أتاري صوتي
مش طالع
والبيت والع
ما بطفي ناره
غير صوت جامع
باعت لي
من عالمدنة آدان

المشاركة الأصلية كتبت بواسطة ريمه الخاني

احنا مش عندنا واحد
عندنا كتير
واحد على الصلاة وواحد على النت
وغيره اشكال وانواع
نبعد سويه فرمضان يمكن يصير قلبنا حديد
وعجبي
تحيه رمضانيه

لكل واحد يا خاله
يجي الف شيطان
يحضروا حسب الحالة
يضلُّوا ف إنسان
****
ساعات يتلموا ف ثانية
ويَّا الوحوش البشرية
يضيقوا الحلقة عليَّا
ألاقي نفسي
وحيد غلبان
ادور وأبصْ حوليَّا
ما لاقي حد ينجدني
أو يساعدني
أو حتي ياخد بإديا
غير لمَّا استعبذ
بسورة م القرآن

المشاركة الأصلية كتبت بواسطة أبو فراس

نعم واحلى موضوع لقصيده
لكن من يتعجل في صلاته هل هو من الشيطان؟
لك كل التقدير

يا أبو فراس
العجلة منك
مش م الشيطان
أصله خايب
وكيده ضعيف
وملوش ع الإنسان
سلطان