منتديات فرسان الثقافة - Powered by vBulletin

banner
صفحة 1 من 2 12 الأخيرةالأخيرة
النتائج 1 إلى 10 من 12
  1. #1

    نهفات سورية في هولندا

    نهفات سورية في هولندا
    الحلقة الرابعة
    أبو خاتون : شوف يا أبو كرمو إذا ما بتربي ابنك أنا راح ربيلك ياه
    أبو كرمو : ابني كرمو مربى أحسن منك ومن بنتك
    أبو خاتون : لو مربى ما كان ضرب بنات العالم وسبن
    أبو كرمو : ضحكتني والله هلق خاتون بنتك وانت عامل حالك عالم وناس
    أبو خاتون : احترم حالك يا صغير أحسن ما علمك كيف تحترم الناس
    أنا : طولوا بالكن يا شباب عيب هالحكي انتوا جيران وأهل
    أبو كرمو : وقف على جنب ولا تدخل أحسنلك
    أنا : متل مابدك يا عكيد
    يبدأ عراك بين أبو كرمو وأبو خاتون فيتقاتلان كثورين هائجين وبعد مرور دقائق على قتالهما تحضر الشرطة فيتوقفان عن القتال ويتظاهران بأنهما يتحاوران .
    أبو كرمو : آخ من مشاكل الأولاد ما بتخلص
    أبو خاتون : أي والله يا أبو كرمو راح نبه بنتي خاتون ما تسبو لكرمو
    أبو كرمو : أنا كمان راح نبه كرمو ما يضرب بنتك خاتون لازم يكونوا متل الإخوة
    تقتاد الشرطة المتشاجرين إلى قسم الشرطة وهما يتباحثان في كيفية تربية ولديهما.
    خاتون : شو رأيك نلعب بالحديقة يا كرمو؟
    كرمو : أي منلعب ، ومناكل شوكولا كمان
    أنا : والله يلي بدو ترباية هنن هالبغلين مو هالطفلين!

  2. #2

    رد: نهفات سورية في هولندا

    ابني نور : بابا نحن صرنا هولنديين مو هيك؟!
    أنا : لا بابا نحن أكراد
    مارية : اسكت أنت وياه نحن سوريين .. سوريين

  3. #3

    رد: نهفات سورية في هولندا

    الاجتماع الصباحي الجميع مرصوص ومصفوف كخطوط البصل .
    ضابط الأمن : مين بدو إجازة يلحقني عالمكتب .
    - في مكتب ضابط الأمن .
    محمود : سيدي بدي اسبوع إجازة أمي مريضة بدي أتطمن عليها
    ضابط الأمن : شو صنعتك يا كر ؟!
    محمود : عنا معمل بطانيات
    ضابط الأمن : معناها هي عشر تيام وبتجبلنا معك خمس بطانيات هون الجو بالقلمون برد كتير
    محمود : تكرم عينك سيدي
    جوان : ونحن عنا زيت يا سيدي
    ضابط الأمن : تسلملي عينك شو بتفهم بدنا تنكتين زيت يكونوا على كيفك
    جوان : حاضر سيدي راح جيبلك تلت تنكات
    ضابط الأمن : وهي عشر تيام روح وسلملي على أبوك كتير
    أنا : وأنا بدي عشر تيام كمان
    ضابط الأمن : لك يخرب بيتك ألك عين تطلب إجازة كمان
    أنا : ليش سيدي من تلت تشهر ما شفت أهلي
    ضابط الأمن : ولا راح تشوفن بست تشهر لك أنت متل الدبور ما منك خير
    أنا : نحن ما عنا شي سيدي شو بدي جيبلك
    ضابط الأمن : روح انقلع مافي إجازة ليصير عندكن شي
    طلعت من عند الضابط وفتحت مستودع الصواريخ وبلشت أعطبها وصب جواتها مي لتصدي وترطب الحشوة الدافعة ليرتاح ابن الحرام ضابط الأمن .

  4. #4

    رد: نهفات سورية في هولندا

    ضابط الأمن : شكلك مو عاجبني من وين أنت ولاك؟
    أنا : من عفرين سيدي
    ضابط الأمن : بحضي عرفتك من حزب أوجلان يا ملعون
    أنا : لا يا سيدي ماني منتسب لأي حزب
    ضابط الأمن : مانك بعثي ولاك حيوان
    أنا : لا ماني بعثي
    ضابط الأمن : بدي ألعن يلي خلفك يا حيوان
    أنا : ما حدا حيوان غيرك يا ابن الحرام
    ضابط الأمن وهو يهجم علي كالدب الهائج : عم تطاول على أسيادك يا حشرة
    أنا أصد هجومه وأرديه أرضا بلكمة فنية على ذقنه
    النتيجة سجن لمدة ثلاثة أشهر في تدمر وتعذيب أدناني من الموت مرارا .
    ملاحظة : ضابط الأمن اسمه أيمن الحسن وهو من وادي العيون

  5. #5

    رد: نهفات سورية في هولندا

    المجند : حضرة الرقيب أنا ابن أختو لمحمد شيخو
    أنا : انبطح ولاك ما عندي واسطات
    المجند : ميشان خالي محمد شيخو لا تعاقبني يا حضرة الرقيب
    أنا : لك ميشان خالك محمد شيخو راح تكون عقوبتك مضاعفة ، أغمس حالك بالجاموقة بتيابك ولاك
    المجند وهو يبكي : أمرك حضرة الرقيب
    أنا : تعال يا آزاد بتعرف حدا أسمو محمد شيخو ؟!
    آزاد : أكيد بعرفوا هدا بينحط فوق الراس من أشهر الفنانين الكرد يلي ناضلوا ضد الظلم وانحبس لسنين بسبب مواقفو
    أنا : المجند يلي بالجاموقة هو ابن أختو لمحمد شيخو
    آزاد يركض إليه ويحضنه ويلثم جبينه وهو ينظفه بيديه ، بينما أنا لعنت أبو الساعة يلي خدمت فيها بجيش الوطن

  6. #6

    رد: نهفات سورية في هولندا

    في القطار باتجاه أمستردام .
    المفتش : كم عمر ابنك ؟
    خليل : فير وطجة
    أنا : يا خليل فير وفهم انها أربعة بس الطجة كيف راح يفهمها
    خليل : هي مشكلتو مو مشكلتي
    بعد شوي المفتش طجوا لخليل مخالفة بخمسين يورو ميشان كلمة الطجة .

  7. #7

    رد: نهفات سورية في هولندا

    يوميات سوري في هولندا
    جماعة من الهولنديين حبوا يعملوا حفلة للاجئين بيتضمن الحفل تقديم الأكل والحلويات والمشروبات والهدايا ، ميشان هيك كان في ازدحام ، أبو حمود كان واقف بجنب أبو وائل عم يستنوا دورن لياخدوا همبرغر بس يمكن كانت كمية الهمبرغر على وشك انو تخلص فبلش ابو حمود وابو وائل يتدافشوا متل التيران ، أبو وائل ضرب ابو حمود كف ، أبو حمود شلح قميصوا وهجم على ابو وائل ، وصار التنين يتقاتلوا بشكل عنيف ومتوحش لوهلة اتخيلت ضبعين عم يتعاركوا على أرنب صغير بس فجأة أتدخل البوليس الهولندي وأخد الضبعين عالسجن ، بس للأمانة ابو حمود كان عم ياخد الهمبرغر ويمونها عند مرتو يلي معها شي عشر علب ، أما ابو وائل فكان نخوجي كان ياخد الهمبرغر ووين يشوف بنت حلوة يضيفها بس للعلم في وحدة هولندية قالت بالحرف :
    - يا حرام أديش كانوا جوعانين هالسوريين
    ودمعوا عيونها عطيتها محرمة وبكيت معها .

  8. #8

    رد: نهفات سورية في هولندا

    يوميات سوري في هولندا
    جماعة من الهولنديين حبوا يعملوا حفلة للاجئين بيتضمن الحفل تقديم الأكل والحلويات والمشروبات والهدايا ، ميشان هيك كان في ازدحام ، أبو حمود كان واقف بجنب أبو وائل عم يستنوا دورن لياخدوا همبرغر بس يمكن كانت كمية الهمبرغر على وشك انو تخلص فبلش ابو حمود وابو وائل يتدافشوا متل التيران ، أبو وائل ضرب ابو حمود كف ، أبو حمود شلح قميصوا وهجم على ابو وائل ، وصار التنين يتقاتلوا بشكل عنيف ومتوحش لوهلة اتخيلت ضبعين عم يتعاركوا على أرنب صغير بس فجأة أتدخل البوليس الهولندي وأخد الضبعين عالسجن ، بس للأمانة ابو حمود كان عم ياخد الهمبرغر ويمونها عند مرتو يلي معها شي عشر علب ، أما ابو وائل فكان نخوجي كان ياخد الهمبرغر ووين يشوف بنت حلوة يضيفها بس للعلم في وحدة هولندية قالت بالحرف :
    - يا حرام أديش كانوا جوعانين هالسوريين
    ودمعوا عيونها عطيتها محرمة وبكيت معها .

  9. #9

    رد: نهفات سورية في هولندا

    الذكرى السنوية الثانية لخروجي من دمشق
    وداعاً دمشقُ ...
    لقد آن أن أكسر الصمت فينا لقد آن تلك الحصاة أبقُ
    لقد شبعَ الموتُ من موتنا وما شبعَ الغادرون ورقوا
    فشنقٌ لأحلى الأماني وسحقُ وقتلٌ لأغلى الزهور وحرقُ
    يدُ القتل لا بارك الله فيها عليها من الله ما تستحقُ

  10. #10

    رد: نهفات سورية في هولندا

    مسلسل باب الحارة ٩
    أبو عصام يقول للضابط الفرنسي بأن لواء اسكندرون سورية وستبقى سورية .
    والله يا أبو عصام لازم تخجل على شيبتك وما راح قلك غير يلي استحوا ماتوا .

صفحة 1 من 2 12 الأخيرةالأخيرة

المواضيع المتشابهه

  1. المنافسة الحضارية الحاسمة بين سورية وألمانيا انتهت لصالح سورية
    بواسطة محمد عيد خربوطلي في المنتدى فرسان الأبحاث التاريخية
    مشاركات: 0
    آخر مشاركة: 07-14-2014, 06:45 AM
  2. فضيحة جديدة تهز هولندا!!
    بواسطة الحمداني في المنتدى فرسان الأخبار.
    مشاركات: 1
    آخر مشاركة: 11-27-2013, 01:50 PM
  3. أحد سجون هولندا
    بواسطة رغد قصاب في المنتدى فرسان السياحة.
    مشاركات: 0
    آخر مشاركة: 11-13-2013, 03:13 PM
  4. من أروع ما قرأت... أنا من هولندا
    بواسطة ندى نحلاوي في المنتدى فرسان العام
    مشاركات: 2
    آخر مشاركة: 12-05-2010, 03:26 PM
  5. كيف يتم رصف الطرق في هولندا ؟‎
    بواسطة ندى نحلاوي في المنتدى فرسان السياحة.
    مشاركات: 2
    آخر مشاركة: 12-04-2010, 09:41 PM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •