كل كيلو طحين بيلزمه كيلو عجوة
العجينة:
كيلو طحين.كاسة زيت زيتون.كاسة سمنة
معلقة صغيرة يانسون معلقة صغيرة شمر
منخلط المكونات سوا مندعكهن منيح ومنضيف مي بالتدريج لنحصل على عجينة متماسكة وظريفة منتركها ترتاح اقل شي ساعتين
العجوة:
كيلو عجوة.معلقتين زبده.معلقة كبيرة قرفة.
معلقة صغيرة قرنفل مطحون .رشة جوزة الطيب
مندعكهن كتييير منيح ومنعملهن كرات لسهولة الشغل
الطريقة منرق العجينة وعجنب منفرد نايلون ومنحط كرة العجوة ومنغطيها بنايلون ومنفردها بالشوبك عقد العجينة بعدين منحط العجوة فوق العجينة ومنلفهن متل السندويش منزبطها ومنضغط عليها شوي بعدين منحط السمسم ومنحززها بالسكين لتعطي شكل حلو منقطعها ومنضفها بالصينية وعالفرن وصحتين وهنا
💜💜💜

تتمة

معمولاتي المتواضعين تفضلوا ///// طبعا مغلفين بنايلون التغليف حتى ما ينشفو لقيت هي أنسب طريقة وبيطولو شهور ما بقى ينشفو
وبتفور بالكاكاو
عياراتي التقليدية كيلو طحين ونص كيلو سمنة وكاسة سكر وكاسة مي هدول فين كيلو فقش وكيلو ابيض
نفس العجينة عملتا نصا مبرومة بتطلع غير طعمة وكتير بيحبوها أكتر من المعمول العادي . التمر بحط معه هيل وقرفة وسمنة واللجوز سمنة وسكر ومعلقتين قطر
طريقة البتفور لكل ٢٠٠ غ زبدة ١٠٠ غ سكر و ٣٠٠ غ طحين ومعلقة ونص كاكاو ومعلقة ونص فانيلا .و٢ بيض
تخفق الزبدة . يخلط كل من السكر والفانيلا والكاكاو ثم يضاف الى الزبدة بعد خلطه بالبيض وتعالج العجينة جيدا وتدهن عندما تنتهي بالبيض ويرش عليها السكر او تدهن بالمربى