عزوز هو صديقي العزيز .. شاب ممتليء بالحياة ...يستشيرني في كل صغيرة وكبيرة ..يتمتع بذكاء بارع ..هوايته التمثيل وحبه الابدي..شاهدة على ذلك حيطان غرفته المليئة بصور فريد شوقي وفاتن حمامة وبعض من ممثلي هوليوود وبوليوود طيبي الذكر العارية ..يميزه الصدق في الاداء ويعيبه شيء واحد ..الا وهو الهوى ..ذات مرة جاء ليبشرني بقبوله لدور مهم في فلم وثائقي من انتاج احدى القنوات الاوربية عن سيرة حياة الرسول ص ..ودار بيننا الحوار الاتي :
انا – ابسط يا عم ..خدت الدور وحتبقى مشهور
هو – والله ماكنتش حاجة سهلة ..بس قدراتي يا دكتور فوق المنظور ..
انا- لالا ..ما تمشيش ورا الغرور ..قول ..هو التصوير حيبدة امتى ؟
هو- تصوير مشاهد المسلمين حيبدة الشهر ده ..و تصوير كفار قريش كمان شهر
انا – طب ليه كده ؟؟هم المسلمين والكفار مش كانوا عايشين في زمن واحد
هو – لا يابوب ..كل حاجة ليها استعدادهة ..جايبين مصور فرنساوي هايل اسمه بريج ساج
انا – بريج ساج ؟؟ بريج من كلمة أبريق وهي اداة لغلي الشاي وساج من صاج ..هههههههه
هو – يا دوك سيبك ..النبي حبيبي وحبيبك
انا – عليه الصلاة والسلام ..وقولي دورك حيبقى ايه في الهلمة دي ؟
هو (انتصب غاضبا وتكلم وقد اثخن صوته ) – ابو جهل ..هههههههههههه
انا – وانت بتضحك ليه ؟
هو – عشان انا متقمص دور الشرير ..هو كده الشرير يقعد يضحك لحد ما الخير ينتصر .
انا – واخترت ليه الدور ده ؟
هو- اسكت انا اتعرض عليه دور احد الصحابة من دون ذكر اسمه يعني ..دور كده واحد مؤمن على ايامهم يتضرب ويلبس ملابس غريبة وحاجات مافيهاش متعة يعني ..
انا (مقاطعا) – متعة ؟؟!! يعني ايه مش فاهم
هو – يعني انت فكرك اللي يلعب دور المؤمن حيستمتع ازاي بالدور ؟؟
انا – حتعمل دور انت مقتنع بيه ..مش كده التمثيل ولا انا غلطان ؟؟
هو – لا يا باشا ..انت فاهم غلط ..بص ..المتعة انك تتونس ..يعني ايه ..يعني دور المؤمن ده ..لابس في الاول قبل ما يسلم هدوم مقطعة ..ومشيتو عادية خالص ..لا حرس ولا جرس ..ييجي يسلم ..حيمسكوه حيضربوه ويحبسوه ..وفي الدور فيه ضرب بجد ..يعني دور المسلم ده اللي رسي عليه في الاول قالولي حتاخد علقة محترمة ..اصل بريج ساج ده ملك الواقعية في الافلام الوثائقية الفرنسية ..وفي الاخر حيلبس عسكري ويتقتل في نهاية الفيلم ..فين المتعة ؟؟
انا – يعني انت رسي عليك في الاول دور مؤمن في الفيلم ؟؟
هو – اه ..بس اللي كان واخد دور ابو جهل اعتذر ..وبيني وبينك المخرج مشاه ..قال ايه الممثل على جبهتو فيه زبيبة صلاة ..فقالوا بالفرنسي هو ابو جهل كان بيصلي ياروح امك
انا – المخرج قال للممثل كده بالفرنساوي ؟؟
هو- اه ..غير كده انه مشاهد ابو جهل واقعية ..وهي ام المتعة
انا-مش فاهم ..وضح
هو – هو ابو جهل كان عندو ايه غير الخمرة والنسوان واللبس والفرفشة والنعنشة ..
انا – اه ..فهمتك انا دي الوقتي يا لئيم ..
هو – بص فيه مشهد جايبين فيه رقاصة عشان تهز في مشهد وهم بيخططو لقتل سيدنا محمد ص..انا بقى حخطط واقعد جنب الرقاصة ..ده غير عصير التفاح يا معلم والفواكه ..شغل على اعلى مستوى علمي ..
انا – ..اه صدقت ورب الكعبة ..اصل المخرج بتاعك بيحب الواقعية ..بس عندي سؤال هو على ايام ابو جهل كان فيه مزز ؟؟
هو – امال !! ده جايبين خمس مزز ..تحف ..تحف تمشي على الارض ..دول بقى حقعد جمبهم في مشهد اولي وانا سكران حبوس اثنين منهم ...لأة انا ناوي ابوسهم كلهم ..وايه بقى كل شوية عيد المشهد يا عزوز ..ونرجع نبوس تاني
علي الطلاق لاخلي المشهد يتعاد خمسين مرة يالمخرج يرفدني يا يجوزني وحدة منهم .
انا – ههههههه ..حيلك حيلك ..انت داخل على طمع بقى
هو – نفسي اعيش احساس النغنغة يا دكتور حيدر
انا – وعم صاج بتاعك ده رسى الدور عليك ازاي ؟
هو – الراجل شافني ..بص في ملامحي ... شاف حواجبي ..قاللي اعمل نفسك عصبي ..انا رحت متعصب ..ابتسم وقاللي انت ابو جهل
انا – ههههه ..بريج ده بتاعك باين عليه فاهم قوي..بس حسالك سؤال وتجاوبني بصراحة .
هو- اتفضل قول ..اياكش تكون عايز ارفع حواجبي كمان ؟
انا – هههههه ..لالا ..لو فرضا رجع بيك الزمن ..لايام ابو جهل وابن ابي قحافة رضي الله عنه ..حتختار تبقى مع مين ؟
هو – سؤالك جوابه حاضر طبعا .. حختار المؤمنين طبعا ..
انا – غريبة !!! ..اصل غريزتك الحيوانية قالت لي حاجة تاني خالص ..تركت دور طويل وفلوس حتكسبها كتير في الاخر ويمكن تكون فاتحة خير عليك لادوار تانية ..واخترت دور مش عشان انت ممثل ..عشان انت حابب النمط ده من العيشة ..رفضت تمثل دور صحابي خايف لا تضرب فيه زي ما عمك بريج عايز ..وعايز تقولي انك حتختار المعسكر الصح لو دار بيك الزمن ؟؟ ..وصلت الفكرة يا استاذ عزوز
هو – انا ما تصورتش انك حتحلل نفسيتي بالسرعة دي
انا – لو اعدت التفكير باللي انا قلتو ..حتلاقيك عرفت قد ايه الصحابة ليهم فضل علينا ..من الصعب يا استاذ انك تكره الدنيا ..هم ضحوا بحاجات كتير عشاني وعشانك ..ناس عندها ارادة وقوة وايمان ..يكفيك شرف ان تلعب دور صحابي في الفلم ده

ودمتم ساخرين

كتبت رداً على الاساءة لشخص ابي بكر الصديق رض