من العامية المصرية

حلم

كنت بحلم يوم ما شفتك
نبقى بحر وموج وليل
بحر مليان من حلاوتك
مَيتـُه تحيي العليل

كنت بحلم نبقى ضحكة
بين قلوب الفرحانين
كنت بحلم نبقى بسمة
بين شفايف مرتاحين

كنت بحلم نبقى كلمة
بين حكاوى المغرمين
كنت بحلم نبقى لمسه
بين حنايا المشتاقين

كنت بحلم نبقى شمعه
بين ليالى الشوق تقيد
كنت بحلم نبقى فرحه
كل يوم يبقى لها عيد

كنت بحلــــــــــــــــــــــــم
بس يا خساره صحيت !

شعر

كمال العطيوى