ياخجلتك ياعيد: (زجل)

يا قَسْوِتُو الغْيَاب يا إمِّي_
ياألف رحمةِ(ي) تداري وُتسَمِّي
عالقلب الكبير اللِّي قد الكون_
ووجه الرَّضي والصبر والهِمِّةِ(ي)
ياعيد ليش نسيتها عالباب؟! _
بيدا الكعك عم تنطر اللَّمِّةِ(ي)!
بعدا عينيها ناطرة رجوعي_
تتبُوْسني وتطَوِّل الشَّمِّةِ(ي)
وبعدُن بِدِرج خزانتا اللوزات_
الـ ملَبَّسَات الـ طعمُن بتمِّي
وبعدن ايديها يطبطبوا علَيِّي_
وبعدا قناديلُن على كِمِّي
ياخجلتك يا عيد بعد اليوم _
قديش صرت صغير عا هَمِّي!
****
دمشق :فردوس النجار