منتديات فرسان الثقافة - Powered by vBulletin

banner
النتائج 1 إلى 3 من 3
  1. #1

    سقى الله ايام البساطة

    سقى الله ايام البساطة والقناعة
    ولادنا دائماً بيستغربوا حرصنا على الأشياء يلي منمتلكها مهما كانت بسيطة ..
    وبيلومونا أكتر وقت بيشوفونا عم نتعذب ونحن عم نشتغل كل شي بإيدينا

    ولادنا مابيعرفوا أنه المحاية يلي نصها أزرق ونصها أحمر كانت تضل معنا سنة كاملة وما نبدلها لحتى تدوب
    ولادنا مابيعرفوا أنه علبة الهندسة المعدنية كانت تضل معنا من الصف الرابع للصف السادس
    ولادنا مابيعرفوا أنه قلم الحبر التروبن كان يضل معنا من صف التالت لآخر البكالوريا بس كنا نغيرلو الريشة وقت يوقع
    ولادنا مابيعرفوا أنه كانت كل مرحلة دراسية الها شنته وحدة للابتدائي ووحدة للأعدادي ووحدة للثانوي
    ولادنا مابيعرفوا أنه كل مرحلة كمان كان الها صدريتين وحدة نلبسها ووحدة للغسيل
    ولادنا مابيعرفوا أنه قلم الرصاص مامنكبه ليصير بحجم مانحسن نمسكه ونكتب فيه وإذا ماكان ألماني شندلر مانشتريه
    ولادنا مابيعرفوا أنه علبة التلوين كانت تبقى معنا صفين أو ثلاثة ونحن نازلين فيها بري وهري
    ولادنا مابيعرفوا انه مسطرة الخشب الصفرا كنا نحطها بين الكتب مشان ماتنكسر ونضطر نشتري غيرها
    ولادنا مابيعرفوا أنه قنينة الصمغ ماكنا نحطها بالشنتة لحتى ماتدبق الكتب والدفاتر وإذا حطينها نلفها بالورق
    ولادنا مابيعرفوا ورق الأشغال الملون بعد ما كنا نستعمله نخبي القصاقيص مشان نستعملها بدرس تاني
    ولادنا مابيعرفوا أنه دفاترنا المرتبة كنا نخبيها ونرجع الها كل حقبة بحياتنا لنتذكر كيف كنا
    ولادنا مابيعرفوا حفلات التجليد بالليل بعد مانستلم الكتب ونشتري الدفاتر ومانرضى الا نجلد الأزرق وفوقه النايلون الأبيض أو الأحمر
    ولادنا مابيعرفوا أنه بوط الرياضة الأبيض ننيمو معنا بالفرشة.. وماكنا نغيره الا وقت ينهري أو يصغر على رجلينا ونبويه بالكلس الأبيض
    ولادنا مابيعرفوا انه بكل مراحل الدراسة كان لباس الرياضة تي شيرت أبيض وشورت أسود ساتر وعلى جنابه شريط أبيض
    ولادنا مابيعرفوا منشار النسله وكيف كنا نضل شهر ننشر وتطلع روحنا لنساوي مجسم للكعبة المشرفة أو للمسجد النبوي أو للأموي أو لبرج إيفل الفرنسي أو قفص عصفور.. أو كلوب حائط..!!
    اللقمة الواحدة لنصف زيتونة.. والخبز مع كل الأكلات.. حتى البطاطا والكبة.. وإلا فنحن فزكانين..
    أي بطرانين النعمة..
    ولادنا مابيعرفوا شو كانت الاشيا الها قيمة بحياتنا وكيف كنا نحرص عليها ونداريها وما نبحترها.. كأنها قطعة منا ومن كيانا لأنه كنا عايشين بزمان ماكان في مصاري كتير .. بس كان في بسط وعفوية وأخلاق وحب وتقدير للغير.. وللنعم..
    ولادنا ما بيعرفوا ايام الزمن الجميل

  2. #2
    مشرفة قسم اللغة الغربية
    تاريخ التسجيل
    Aug 2008
    المشاركات
    882
    شو حلوة هالايام
    كانو اخواتي الصبيان اذا قالولي عيريني قلم انقهر لانو بكون ضل معي سنين و بضوعوه بمشوار واحد��
    [8/4, 8:15 pm] سارة: و انا عندي القلام يلي بكل مرة رحنا فيها مشوار سوا نجيب قلم الي و لأمي ذكرى
    متذكرة كل قلم و مشواره

  3. #3
    نعم صدقت أيا فراس...كان وكنا، ولاادري لماذا لانتمتع بالحاضر!!.

المواضيع المتشابهه

  1. أخر ايام الشعراوي
    بواسطة عبد الرحمن سليمان في المنتدى فرسان التجارب الدعوية
    مشاركات: 1
    آخر مشاركة: 02-18-2016, 01:51 PM
  2. : ايام من عصر الطاغية
    بواسطة جريح فلسطين في المنتدى فرسان الأبحاث التاريخية
    مشاركات: 0
    آخر مشاركة: 04-30-2014, 05:58 PM
  3. مصر ايام الملكية
    بواسطة عبد الرحمن سليمان في المنتدى فرسان الأبحاث التاريخية
    مشاركات: 0
    آخر مشاركة: 11-11-2013, 06:22 AM
  4. معركة ملاذكرد --- يوم من ايام الله ----
    بواسطة رغد قصاب في المنتدى فرسان الأبحاث التاريخية
    مشاركات: 1
    آخر مشاركة: 08-13-2012, 04:52 PM
  5. دعاء ايام رمضان
    بواسطة عبد الرحمن سليمان في المنتدى فرسان الأدعية
    مشاركات: 0
    آخر مشاركة: 08-05-2011, 12:10 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •