سحريات

**سحر أبو حرب** · 05-01-2021, 03:49 PM

https://www.facebook.com/10000304663...8862109225307/

**سحر أبو حرب** · 06-08-2021, 04:46 PM

[ سَحَريات ]
( أمتال معتقة )
قالت يامو قوم افطار .. وبعدها قوم زِق قنطار
- ويلي يا يامو بدو يتغدّى .. !
يقعد بعدها ويتهدّى .. ولو كان عليه دين
أما إذا اتعشيت يامرحوم البَي..
فِز وكمِل عشاك بالمَمشى ولو سبع خطوات
- طيب يا يامو ع العصرونية شو جاب المتل..!
جاوَبتو .. عروسة ملفوفة بنص رغيف ومغموسة !
- متل شو يا ست الكل..!
خيارة وزيتونتين
لحسة سمنة مع حلاوة معلقتين
نتفة جبنة ومن البطيخ خرطتين
كباية ومن الصفيحة قرصين
- طيب يا يامو شو مشان المِحلي..!
لاتكتر من القشاطي بتغري
وخليك مع الفساتق والجوز ومحل مايسري يمري
لاتنسى دخلك..
إبريق الشاي ع النار عم يغلي..؛
- يامو الشاي بالقرفة ولا بالكمون..!
هاتو مختمر وحط عليه عصرة ليمون..؛؛؛؛

**سحر أبو حرب** · 06-27-2021, 06:04 AM

[ سَحَريات ]
( âڑ½ï¸ڈ )
والله ياجماعة الخير يمكنلكن من 30 سنة ماتابعت مبارة؛
مالي بهالوارد ولا عندي هداك الوقت؛
بلا طول سيرة؛ اليوم قعدت ع الصوفاية ولاحقت المبارة؛
إيطاليا والنمسا يمكن !
الله وكيلكن قضيتها : يعلى قلبي عليك..!
الصبي وقع ع الأرض..! طرقو بكتفو..!
قلبو عم يجعو.. يمكن رجلو انكسرت..!
راح وشو الولد..! سفقو على خلقتو..!
دفشو على خصرو..! راحت عينو..!
تشقلب تحت الرجلين..!
ليقوم ينعطب..!
بسم الله حولكم..!
الله يحميكم من شي ركلة بوط رياضة..!
على مهلكون ليش عم تتدافشو..!
أوعى تنقرف رقبتك ياوليدي..!
انتبه من الطابة لتسفقك..!
بيني وبينكم ياجماعة الخير..
الحمد لله يلي ماحدا قاعد قدامي..!
كان قلب القناة..؛ وحطلي روتانا زمان كلاسيك..!!
على كل ..
ليكهون رجعو الشباب ربي يسلمهن هلأ ع الملعب..!
ربي يستر وما يجي كوووووول ..؛؛!

**سحر أبو حرب** · 07-14-2021, 04:03 PM

[ سَحَريات ]
هالشوبات بدهن زبدية توت شامي..
قومي يامو ع المطبخ تقبري عضامي..
شوية نشا على شوية مَي من يلي بالقناني..
غلوتين ماتتحمل التوتية مالها ضياني..
اسكبيهن وتحت منخل الشباك صفيهن..
هاتي وناوليني معلقة .. الحكاية مابدها صواني..
بيطفي الشوبة وببورد القلب بالحال والآواني..
هزو التوتة دخلكن .. وجبلنا يا توات سطل ضيافة صالحاني..

**سحر أبو حرب** · 07-28-2021, 04:04 PM

[ سَحَريات.. ]
اشتريت اليوم سجادة زغيرة.. طلعت شغِل مصر ..
من فرحتي عانقتها وحملتها على جنبي وعالخصِر ..؛
والله كأني حاملة شارة النصِر ..؛
شادة عليها وعاصرتها بين إيديي عصِر ..؛
بيلبقلها تقعد بشي سرايا أو بشي قصِر ..؛
دخلكن، .. والله أسرتلي قلبي أسِر ..؛
مو سخيانة مدها ع الأرض واكسر خاطرها كسِر ..؛
لونها بيج وفيها كم رسمة أسْر و دَسِر ..؛
وسعرها بناسب كل ذي عسِر وكل ذي يسِر ..؛
مصر أم الدنيا بركتها ربح من غير خسِر ولا حسِر ..؛
أحب خيراتها كلها بدون عد ولا حصِر ..؛

**سحر أبو حرب** · 07-31-2021, 12:44 PM

[ سَحَريات.. ]
اشتريت اليوم سجادة زغيرة.. طلعت شغِل مصر ..
من فرحتي عانقتها وحملتها على جنبي وعالخصِر ..؛
والله كأني حاملة شارة النصِر ..؛
شادة عليها وعاصرتها بين إيديي عصِر ..؛
بيلبقلها تقعد بشي سرايا أو بشي قصِر ..؛
دخلكن، .. والله أسرتلي قلبي أسِر ..؛
مو سخيانة مدها ع الأرض واكسر خاطرها كسِر ..؛
لونها بيج وفيها كم رسمة أسْر و دَسِر ..؛
وسعرها بناسب كل ذي عسِر وكل ذي يسِر ..؛
مصر أم الدنيا بركتها ربح من غير خسِر ولا حسِر ..؛
أحب خيراتها كلها بدون عد ولا حصِر ..؛

**ريمه الخاني** · 08-20-2021, 08:41 AM

[ سحَريات ]
لاتقولولي إنو مافي مؤامرة كونية..!!
إيوه..؟
الطحين ذاتو والخميرة نفسها والسمسمات ماتغيرو ..
وحبة البركة من بعد فضلكن ..
إيوه..؟
المقادير والمعايير الدولية للرغيف ماتغيرت عندي !
إيوه ..؟
ومن طلعت الضو فقت صليت الصبح ويافتاح وياعليم..
.. عجنت وخمرت وخبزت وقعدت قدام الفرن !
متل يلي قاعد على باب التنور..
ومع المراقبة المشددة والأوامر والنواهي..
وتعديل الحرارة وتبديل الرفوف..
إيوه ..؟
ورغم كل ذلك طلع الخبز أفغاني..!!!!

**سحر أبو حرب** · 08-23-2021, 04:58 AM

[ سَحَريات ]
( صَدِيقي الصَّدُوق )
صديقي الصدوق يلملمُ فتات الخبز بعد كل وجبة طعام،
يجمعها في كيس صغير بعد أن يجعلها لقيمات عصفور،
وما إن يخرجَ من باب الدار للمسجد.. وبكل اهتمام،
يبدأ بنثر تلك القطع الصغيرة من الخبز للطيور والحمائم،
لكن .. ليستْ هذه القصة التي أودُ أن أحدثكم بها..!
لأنكم تعرفونها .. بل …
أعترفُ أني بتُ أجمعُ فتات الخبز في كيس صغير ،
كما يفعلُ صديقي الصدوق فأحمله في حقيبتي أينما ذهبتُ،
وما أن أجدَ حمائم تنقرُ الرصيف حولي حيثما توجهتُ
أقومُ بنثر الخبيزات لها،
هو شعور رائع وأنت ترى مخلوقات الله تأكلُ من يدك،
ما أسعدني وأنا أطمئنُ أن بعضا من الطير نامَ شبعانا،
صدقوني..
بعض العصافير تحملُ في فمها قطعة خبز وتطيرُ لعشها
ثم تعودُ لتتزودَ بقطعة أخرى لعلها تحتفظُ بها كوجبة منتصف الليل ..
ياصديقي الصدوق مافعلتَ بقلبي !!
يوم أمس وحين دخلتُ عربة القطار أستقله للبيت
دخلَ خلفي طير صغير وصارَ يزقزقُ طالبا شيئا لله
احترتُ ما أفعل..؟
فأنا لا أحملُ شيئا للأكل والله..
صدقوني وقفَ على درجات العربة وصارَ يغردْ ويغردْ
والركاب باتو يمطون رؤوسهم ليرَو ما الأمر..
وأنا أخبىءُ وجهي حياءً منه..!
وما إن سمِعَ صفارة البدء بالرحلة حتى طار بعيدا
وطار قلبي معه شعورا بالذنب..!
لقد لحقَ بي حتى داخل العربة يزقزقُ بغضب..!
وصلتُ البيت وأنا ألومُ نفسي..؟
كيف تفرغُ حقيبتَكَ من فتفوتة خبز تقدمينها لمخلوق يلحقُ بك حتى داخل عربة القطار يريدُ عشاءه..!!!
يارب ارزق طيورك كلها خبزها كفاف يومها،؛؛

**سحر أبو حرب** · 09-08-2021, 02:28 AM

[ سَحَريات ]
ستي ازمئي.. ستي ازمئي
وعلى طرف الصحن لاتنقري ..
عبيلي جاطك واحملي ..
ستي ازمئي ..
جارتنا لا .. لاتسكبي ..
وقصتنا لا .. لاتكتبي ..
لاتحكي.. ولا .. ولاتنشري ..
كمشة عدس لاتشتري
ومعكرونة لا.. لاتنفشي
وكزبرة ودقة توم .. لا .. لاتكتري
دبس الرمان، لاتنزلي
تمر الهندي قومي، واعصري
وبالهنا والشفا.. دوقي وغنيلي وافتلي وارقصي..

**سحر أبو حرب** · 09-16-2021, 04:27 AM

[ سَحَريات ]
( مشهد من روايتي "المدينة سيئة السمعة" )
يقول لصديقه همسا :
بكرة من بكير الهريبة عأورنبا ؛ الموعد مع المهرب ع 5 ؛
هو, في الثالثة عشر يعمل في تصويج رفاريف السيارات المتهالكة ؛
وهو الآخر, في الرابعة عشر ينام في الكراج تحت رافعة الزيت ؛
كلاهما يتقاضيان الغداء والعشاء مع المعلم أجرة يومية ؛
لم يرتادا مدرسة يوما ما ؛
يسأل الطويل منهما ذاك المهرب صاحب السبعة عشر عاما ؛
وماذا سنعمل في أورنبا ؟
ياغبي .. يجيبه.. سوف نسرق البسكليتات من ع الأرصفة ..
هونيك ماحدا بيربط بسكليتته !!
مندور بالشوارع ومنجمع هالبسكليتات ومنبيعهن بسوق الحرامية !!
طيب وبركي مافي سوق حرمية هونيك !!
ياغبي منعمل سوق حرمية لحالنا وبيصير عنا زبونات !!
طيب بركي لاحقتنا الشرطة .. شو منعمل ؟
منعطيهن بسكلتتين ومنسكتهم فيهن !! صعبة يعني !!
طيب.. أورنبا بعيدة من هون !!
مابعرف بس نحنا منمشي حسب الخريطة !!
بتعرف تقرا الخرايط إنت..!
شو هالقضية يعني.. منمشي ومنسأل ..!!
بتكلف هالسفرة مصاري كتير ياترى ؟
مابعرف شوفي معك خود ومندبر راسنا ع الطريق شلون مانكان !
طيب وأنا شو بدي قول لإمي ؟
لاتقلها شي مابتلاقيك إلا باعتلها صورتك ع الفيس بوك وانت بأورنبا وعم تسوق بسكليته جديدة !!

الموضوع: سحريات

أدوات الموضوع

بحث في الموضوع

عرض

الكلمات الدلالية لهذا الموضوع

ضوابط المشاركة