طيب ورونا الازمة سببها إيه يا متعلمين يا بتوع المدارس..
اين العلة ؟
الأزمة #مكانا_وين ؟
بنصحك لو عندك ضغط ولا سكري ما تقرا المنشور دا

في تصنيف اكتر 12 دولة بتنمو بسرعة حالياً في العالم , 6 دول من الدول دي دول افريقية فقيرة
و هي , رواندا , تنزانيا , موزمبيق , ساحل العاج , الكونغو الديموقراطية , أثيوبيا

تعالو نشوفهم بالتفصيل السريع

(رقم 12 عالمياً) رواندا : 90% من السكان شغالين في الزراعة , والدولة ماشة بخطوات ثابتة بعد الإبادة الجماعية في 1994

(رقم 11 عالمياً) تنزانيا : جزء كبير من دخلها بيعتمد علي الدهب و التعدين , وبعديهم بشكل اقل علي الزراعة

(رقم 10) موزمبيق : غالبة السكان برضو شغالين في الزراعة وبرضو في دخل من التعدين والغاز الطبيعي والفحم الحجري

(رقم 6 عالمياً) ساحل العاج : اكتر من تلتين السكان شغالين في الزراعة , وهم اكتر دولة عالميا بتنتج الكاكاو . وعندهم جزو كبير من الانتاج العالمي للقهوة و زيت الزيتون

(رقم 3 عالمياً) الكنغو الديموقراطية : قدر مقدر من الانتاج العالمي للمعادن , والدول الكبري علاقاتها طيبة معاهم بسبب انتاج معادن النحاس وخام النحاس و الكوبالت وغيرهم

(رقم 1 عالمياً) إثيوبيا : اعلي معدل نمو في العالم الآن في إثيوبيا , الدولة في الاساس دولة زراعية و الحكومة اتوجهت لمنتجات الغزل والنسيج وتوليد الطاقة الكهربائية

الكلام الفوق دا بوريك انو الدول دي كلها قايمة ومعتمدة يا اما علي الزراعة , او يا اما علي التعدين

طيب , هل تعلم انو السودان هو الدولة رقم 2 افريقياً من ناحية مساحة الارض الصالحة للزراعة ؟؟ وانو ماف واحدة من ال 6 دول الافريقية الفوق ديل عندهم مساحة ارض صالحة للزراعة قدرنا او قريب مننا واقرب واحد فيهم هي اثيوبيا (رقم 3 افريقياً) اللي ارضها الصالحة للزراعة قدر 57% بس من ارضنا

طيب خلي الزراعة
نشوف انتاج الدهب , هل تعلم انو السودان هو رقم (9) عالمياً في انتاج الدهب , ورقم (3) افريقياً ورا جنوب افريقيا و غانا, وانو برضو ماف واحدة من ال 6 دول الفوق ديل بتصدر دهب حالياً اكتر من السودان

طيب خلي الدهب والزراعة الاتنين
امسك في البترول
هل تعلم انو السودان رقم 4 افريقياً ورا ليبيا والجزائر وانغولا من ناحية مخزون البترول , وانو برررررررررضو وانو برضو ماف واحدة من ال 6 دول الفوق ديل عندها مخزون بترول اكتر مننا

خلي المخزن امسك في التصدر
هل تعلم اننا رقم 10 افريقياً في التصدير وانو برررررررررررررررررررررررررررررررررررررررررررضو برضو برضو برضو ماف (الا الكنغو) من ال 6 دول الفوق ديل بتصدر بترول اكتر مننا ؟؟

بعد الارقام دي نحن مفترض نكون رقم 1 افريقياً وعالمياً من ناحية نمو الاقتصاد
دا لو ما اصلا نمينا زمان وانتهينا

ونحن في السودان مش ما عندنا نموا اقتصادي
نحن ما اساسيات الحياة من رغيف و كهربا و بنزين ما بنحصل عليها الا بشق الأنفس ... دا غير العطالة وغير الديون الدولية وغير الناس البتموت من الجوع اصلا في بلد زي دي

هنا بجي السؤال الاساااااااااااااااااااااااااسي
الازمة #مكانا_وين ؟

اها عرفتو الازمة مكانا وين ولا لسه ؟