نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


:: الحقنة ::
ممنوع منعًا باتًا إعطاء حقنة في عضلة الإلية للأطفال أقل من ظ£سنوات للأسباب التالية:

• عضلة الإلية في هذ السن بتكون صغيرة وغير سميكة، يعني العظام بتكون قريبة من الجلد وده بيجعلها عرضة إنها تتجرح من الحقنة وإللي بيؤدي إلى إلتهابات، ولا قدر الله يؤثر على المشي مع تقدم العمر.
• توزيع الأعصاب في عضلة الإلية في السن الصغير ده بيكون صعب تتبُّعه وكمان بتحتوي على أعصاب رئيسية بتغذي الرجل كاملة و ده بيخلي إصابة أي عصب سهل أثناء ما الطفل بياخد الحقنة مما بيؤدي إلى فقد الإحساس في المنطقة دي وساعات شلل.
• كمان توزيع الأوردة بيكون غزير و ده بيسبب أوقات كتير تجمعات دموية تحت الجلد وممكن نزيف في الأطفال اللي عندهم سيولة.
• سُمْك العضلة القليل بيخلي تكون الدمامل والتليفات بعد إعطاء الحقن نسبته كبيرة، و ده بيؤدي ساعات لتشوه العضلة.

سؤال: إيه هي الأماكن إللي نعطي فيها الحقن العضل في السن دا ؟
• من سن "يوم" لـ "سنتين" بندي في الجهة الأمامية العلوية الخارجية من الفخذ زي إللي في الصورة.
• من سن "سنتين" لـ "ظ£سنوات" ممكن ندي زي قبل اللسنتين وكمان أعلى الذراع من الخارج زي إللي في الصورة.

سؤال: ليه المكانين دول بالأخص ؟
لأن العضلات في المكانين دول بيكونوا أكثر سماكة في السن من يوم لـ ظ£سنوات بالإضافة إلى أنهم لا يمر فيهم أوردة او أعصاب رئيسية ممكن تتجرح وقت الحقنة.
منقول