منتديات فرسان الثقافة - Powered by vBulletin

banner
صفحة 7 من 9 الأولىالأولى ... 56789 الأخيرةالأخيرة
النتائج 61 إلى 70 من 90

الموضوع: شاميات

  1. #61
    لمن يعرف سورية قبل ظ¤ظ* سنه واكثر


    زمان كانت أسماؤنا أحلى
    و النساء أكثر أنوثة
    ورائحة البامية تتسرب من شبابيك البيوت
    وساعة 'الجوفيال' في يد الأب العجوز أغلى أجهزة البيت سعراً وأكثرها حداثة
    وحبات المطر أكثر اكتنازاً بالماء
    ...
    كانت غمزة 'سميرة توفيق' تحرج الامهات وتعتبر أكثر مشاهد التلفزيون جرأة ،


    وأجرة الباص فرنك ونص


    والصحف تنشر فجرا" أسماء الناجحين بالبكالوريا


    كان المزراب يخزّن ماء الشتاء في البراميل، أو بئر البيت


    والجارة تمدّ يدها فجرا ... بكوب شاي ساخن لصاحب النظافة(الزبّال) فيمسح عرقه ويستظلّ بالجدار!


    ولم نكن نعرف بعد أن هناك فاكهة تتطابق بالاسم مع منظف الأحذية' الكيوي'


    وأننا يوماً ما سنخلع جهاز الهاتف من شروشه ونحمله في جيوبنا!!


    كانت 'القضامة المالحة! توصف علاجاً للمغص، والمغبرة للحموضة؛!


    وبوط الرياضة الصيني في مقدمة أحلام الطلبة المتفوقين!


    والتلفزيون يفتح السادسة بعد الظهر
    و يغلق شاشته في موعد محدد مثل أي محل أو مطعم!


    حين كانت أقلام “البيك الأحمر” هي الوسيلة الوحيدة للتعبير عن الحب قبل اختراع الموبايلات،


    وعندما كانت المكتبات تبيع اوتوغرافات ودفاتر خاصة للرسائل اوراقها مزينة بالورد


    كانت جوازات السفر تكتب بخط اليد، والسفر الى جميع البلدان بالقطار،


    وقمصان 'النص كم' للرجال تعتبرها العائلات المحافظة عيبا وتخدش الحياء!


    والأغنام والماعز تدق بأجراسها أن بائع الحليب صار في الحي،


    كان مسلسل 'حمام الهنا' يجمع الناس مساء،,


    ومباريات 'محمد علي كلاي' تجمعهم في سهرات الثلاثاء


    و كانت الناس تهنئ أو تعزّي بكيس سكّر 'أبو خط أحمر' وزن مئة كيلو...


    كان 'الانترنت' رجماً بالغيب لم يتوقعه أحذق العرّافين


    ولو حدّثتَ أحدا يومها عن 'العدسات اللاصقة' لاعتبرك مرتدّاً أو زنديقاً تستحق الرجم،


    حين كان مذاق الأيام أشهى، ومذاق الشمس في أفواهنا أطيب
    والبرد يجعل أكفّ التلاميذ حمراء ترتجف فيفركونها ببعضها،,


    كانت لهجات الناس أحلى، وقلوبهم أكبر، وطموحاتهم بسيطة ومسكينة وساذجة!


    الموظفون ينامون قبل العاشرة،


    والزوجة في يوم الجمعة تخبئ سودة الدجاجة وقوانصها لتقليها للزوج دلالة على تدليله


    حرارة الشمس كانت أكثر صرامة في التعامل مع الصائمين،, والثلج لم يكن يخلف موعده السنوي،


    كانت الحياة أكثر فقرا وبرداً وجوعاً، لكنها كانت دائما خضراء!

  2. #62
    من ذكاء اللهجة السورية

    أول ما تسمع كلمة (إجت)......بتبادر لذهنك يا الكهربا أو المي أو التغطية أو سيارة الغاز

    أما كلمة (إجا) ..........مباشرة بتبادر لذهنك النت أو بياع المازوت

    أما كلمة (إجو)............هون الهريبة تلتين المراجل !!!

  3. #63
    على سفح قاسيون وفي احدى حارات الشيخ محي الدين العالية طرقت الصبية باب جدتها الخشبي بالسقاطة
    مين؟
    انا ستي
    اهلين ياعمر ستك تكة وحدة
    شلونك ستي
    من الله بخير ياتيتة
    بس الوحدة صعبة ما حدا بيزورني وصحتي ما عاد تسمحلي اطلع وانزل دراج
    هاتي هالقهوة ستي والحقيني عالمشرقة
    الله ياستي شو حلوة الشام من هون
    شايفة يا ستي هالبيوت يلي راكبة على بعضها
    بكل بيت قصة ورواية
    هاد مثلا بيت الاستاذ عادل لساتها مرتو حردانة ولاحشتلو الولاد
    وهاد بيت ام فوزي بنتها عم تتنفس عندها
    وشكلو ابنها لجارتنا عفاف عم يعذبها كتير بتنضيفو
    وهاي الغرفة اللي مستأجرها العرسان شكلهم اخر رواق
    ستي!!
    مو على اساس محدا بيزورك وما بتزوري حدا
    منين جايبة هالأخبار
    ياتيتة
    بتعرفي التفاصيل من منشر الغسيل
    شوفي جارنا الاستاذ عادل شلون ناشر الشيال
    هاد لك تيتة بينتشر والشيال لتحت مو لفوق
    والبناطرين بتنتشر من خصرها مو من رجلها والابيض ما بينتشر بلزق الملون.
    وبنت فوزية عم تتنفس عندها باينة من من المتلتات والمطربيات والمشمعات والافرولات الزهر المنشورين
    ربي يحفظلهم هالبنوتة
    وابن عفاف باين عم يعذب امو بتنضيفو من الطراريح المسندحة كل يوم على حبال الغسيل
    وجارنا العريس على ضب مناشف ونشر مناشف
    لك تيتة قصص الناس مخباية بمنشر غسيلها
    وخديها من ختيارة
    تفكيرك بيبين من مناشريك
    لاتنشري الوسخ ياتيتة
    لاتنشري المكلكل يا تيتة
    لا تنشري الداخليات يا تيتة
    النشر ياعمري ادب وزوق واخلاق
    لك تسلميلي يا ستي انتي وحكياتك شو كيوت
    شو هي كيوت تقبريني؟
    حلوين ستي
    حلوين...
    ولك اشتقنا والله لحكياتهم...
    حتى حبال الغسيل عم نبكي عليها ...
    المشكلة علمونا ماننشر غسيلنا الوسخ ..
    لهيك ساكتين ..
    بس والله عيونا بتفضحنا....
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  4. #64
    هل تدرون من نحن ؟؟

    نحن جيل كان من سبقونا يرتدون البنطلون أعلى السرة .
    و من بعدنا جاء جيل أسقطوا البنطلون تحت السرة ..
    فنحن من استطعنا ارتداء البنطلون بالشكل الصحيح ..

    نحن جيل نشأنا و تربينا على أن هناك ساعه قيلولة للأب بعد الغداء .. فلا يجرؤ أحد منا على الكلام بصوت عال بالبيت ..
    وكان موعد التلفاز السابعة مساء فقط على المسلسل و الأخبار ..

    نحن جيل لم ينهار نفسيا من عصا المعلم ..
    و لم يتأزم عاطفيا من ظروفه العائلية ..
    و لم يبك خلف المربيات عند السفر ..
    و لم تتعلق قلوبنا بغير أمهاتنا ..

    نحن جيل لم ندخل مدارسنا بهواتفنا النقالة ..
    و لم نشك من كثافة المناهج الدراسية ..
    و لا من حجم الحقائب المدرسية ..
    و لا من كثرة الواجبات المنزلية ..

    نحن جيل لم يذاكر لنا والدينا دروسنا ..
    و لم يكتبوا لنا واجباتنا المدرسية ..
    و كنا ننجح بلا دروس خاصة أو دورات التقوية ..
    و بلا وعود وحوافز من الأهل للتفوق و النجاح ..

    نحن جيل الذين اجتهدوا في حل الكلمات المتقاطعة و في معرفة صاحب الصورة .. و في الخروج من طريق المتاهة الصحيح ..
    نحن جيل كنا نحرك كفوفنا للطائرة بفرح .. و نٌحيي الشرطي بهيبة ..

    نحن جيل كنا نلاحق بعضنا في الطرقات القديمة بأمـان ..
    و لم نخش مفاجآت الطريق ..
    و لم يعترض طريقنا لص و لامجرم و لاخائن وطن ...
    نحن جيل لم نتحرش بأنثى و لم نعرف كلمة تحرش ، مع أن بنات جيلنا كانوا يصنعون أحمر شفاههم بأكل مثلجات التوت و الفريز ..

    نحن جيل كانت تفاصيل يومهم عفوية جدا ..
    نحن جيل وقفنا في طابور الصباح بنظام ..
    و أنشدنا السلام الوطني بحماس ..

    نحن جيل كنا ننام عند انطفاء الكهرباء في فناء المنازل ..
    و نتحدث كثيرا ..
    و نتسامر كثيرا ..
    و نضحك كثيرا ..
    و ننظر إلى السماء بفرح ..
    نتحدث" مع" بعض .. ولا نتحدث "عن"بعض ..

    نحن جيل الذين كان للوالدين في داخلنا هيبة .. و للمعلم هيبة .. و للعشرة هيبة .. و كنا نحترم سابع جار .. و نتقاسم مع الصديق المصروف و الأسرار و اللقمة ..

    إهداء لمن عاش تلك اللحظات الجميلة ..

    والرحمة والمغفرة للجيل الذي ربانا ..
    إذا كنتَ لا تقرأ إلا ما تُوافق عليـه فقط، فإنكَ إذاً لن تتعلم أبداً!
    ************
    إحسـاس مخيف جـدا

    أن تكتشف موت لسانك
    عند حاجتك للكلام ..
    وتكتشف موت قلبك
    عند حاجتك للحب والحياة..
    وتكتشف جفاف عينيك عند حاجتك للبكاء ..
    وتكتشف أنك وحدك كأغصان الخريف
    عند حاجتك للآخرين ؟؟

  5. #65
    لما طلب عنترة ايد عبلة من أبوها

    طلب منو عمه أبو عبلة مهر لعبلة
    (سحارة عنب زيني )
    ومتل ما بتعرفوا بالصحرا عنب زيني مافي.

    جاب عنترة البلاد وشاف العباد وسأل الناس الكرام حتى وصل أرض الشام

    وقالولوا مالك غير الشام
    أرض الخيرات والعنب والسلام

    ����������

    ولما دخل الشام
    ترجل عن جواده
    وقال بيت شعر مفاده:

    أنا الذي قطع الصحارى في الليالي
    لا تأخذني لومة لائم ولا أبالي

    جئتك يـا شام والشوق يسبقني
    وفي أرضك يا شام سأحط رحالي.

    ����������

    وبعد ان استقبله أهل الشام السادة ا لكرام
    قالولوا:
    طلوب وتمنى طلبك عنا

    قلن:
    بدي سحارة عنب زيني مهر لعبلة ..

    قالوالوا:
    منضيفك عنا تلات ليالي
    وبعدن طلبك مجاب يا غالي

    ����������

    وأول يوم
    الصبحية: جابولوا فطور فتة بسمنه
    وعالغدا: رز وشاكرية,,
    والعشا: ئلولوا 4 بيضات بلحمة ولية.

    ����������

    قام أخونا عنترة
    عجبتو العيشة الهنية
    ونسي الصحرا والبرية
    وتعلق أبو الفوارس بالشام وكرم أهلا.

    ����������

    ونتر قصيدة مطلعها:
    يا ااا عبلُه على حبك سامحيني
    ففي الشام ضالتي وحنيني
    قد كنتُ أخطأت في حبك مرة
    وقد أحببت عليك الشام فاعذريني.

    ����������

    وتجوز من فتحية اللي أهلها أشاوس
    وهيك خلصت سيرة أبو الفوارس.

    وترك عبلة عم تستنى (( سحارة العنب )) ..

    وبلا عبلة وبلا بطيخ
    ونزل بالمكدوس طاخ وطيخ

    ولما داق الشيش برك
    ارتخت مفاصلو وبأرضه برك

    النسخة الأصلية لقصة عنترة

  6. #66
    واحد يقول بقيت يومين واقف بالطابور حتى حصلت على كم لتر بنزين ، ومن التعب نمت من المغرب وفقت الصبح وقبل ماغسل وجهي وقفت قدام باب بيتنا وأنا عم أتمطمط شفت سعدو ابن جيراننا يركض مثل الطلقة وبعد شوي شفت أبوه راكض وراه حفيان قلت خير إنشالله ؟ وبعد شوي إجت مرتو وقالت لي : دخيلك ياجار الحق جارك أبو سعدو والله اذا مسكو لابنو ليموتو ، قلتلا خير شو عامل هالسعدان ؟ .. قالتلي أكل هالمغضوب رغيفين خبز عالفطور .!! ... الله لا يوفقو كل الربطة سبع خبزات ونحنا خمسةيعني صفينا بلا غدا وعشا.
    قلتلها : تكرمي لبست خفافتي الصينية ومتل الصاروخ ركضت وراهم. ، صرنا كالتالي الولد عم يركض وأبوه وراه وأنا وراهم الناس اللي بالشارع قالوا يمكن في توزيع معونة ... وناس قالو مرخصين اللحمة والفواكه والخضرة اصوات تحيي الحكومة الجديدة والنسوان صارت تزغرد فرحاً وبلشوا يركضوا ورانا...وصل الخبر للشارع الثاني انو في توزيع غاز كمان صارو يركضو وشايلين على ظهرهم القناني الفاضية ، التقوا الكل بالسوق الناس سكّرت المحلات قالوا في زلزال وركضوا ورانا واحد ورا الثاني .... وهيك كل المدينة كانت عم تركض من صباحية الله .
    المسا لما رجعت ع البيت بعد ماحلّيت المشكلة بين جارنا وابنو ، وكان الحل إنو الولد يصوم يومين عن الخبز ويلط الأكل لط بالمعلقة بلا خبز.
    المهم من التعب تشطحت قدام التلفزيون وحطيت على قناة ؟؟؟؟؟؟؟؟؟ وإذا أنا طالع بالتلفزيون عم اركض وكل الناس عم يركضوا والمذيعة الله يطول بعمرها عم تقول بكل شفافية ومصداقية : في تحدٍ واضح وصارخ اليوم شعبنا السوري الصامد يخرج عن بكرة ابيه ليعلن رفضه واستنكاره لقانون عقوبات قيصر والتدخل السافر للإمبريالية العالمية والصهيونية للنيل من صمود وطننا الحبيب !!
    منقول
    إذا كنتَ لا تقرأ إلا ما تُوافق عليـه فقط، فإنكَ إذاً لن تتعلم أبداً!
    ************
    إحسـاس مخيف جـدا

    أن تكتشف موت لسانك
    عند حاجتك للكلام ..
    وتكتشف موت قلبك
    عند حاجتك للحب والحياة..
    وتكتشف جفاف عينيك عند حاجتك للبكاء ..
    وتكتشف أنك وحدك كأغصان الخريف
    عند حاجتك للآخرين ؟؟

  7. #67
    كان اسمه ( صدر) كنافة وكان يحمله شخصين ليدخلوه من باب الزقاق
    * وكان اسمه طنبر بطيخ
    *وكان اسمها سحارة بندورة وسحارة كوسا وسحارة خيار
    *وكان اسمه شليف خس
    * وكان اسمه معجن خبز
    *وكان اسمها تنكة سمنة عربي وعلى كتفها أزيرة زيت بلدي
    *كان اسمها نعارة لبن
    * كان اسمه كيس رز قلم أحمر
    * وكان السكر بكيس الخام الكبير
    * وكانت اللحمة شقة
    * وكانت قطط البيت وقطط الأسطيح شبعانة
    *وكانت الجمال تحمل الحطب ويتكسر بجانب البيت ويملى ( المربع للسقف بالحطب)
    *وكان في أزير كاز ومازوت
    *وكانت الزريعة لحالها حكاية
    * وكانت العروس يخيطوا لها...بدلة بيضاء .. وتغيّر بالسودا والحمرا والصفرة والزهر وكان يلبسها ميّة ألماس ..وكانت أمها تلبسها مبرومة ذهب عيار /ظ¢ظ¤ /ويرجعوا من العرس ويحكوا لبعض شو صار والضحك والبسط يملى الديار
    * كان اسمه رمضان منسكب لبعضنا البعض نشبع
    * وكانت البركة والبحبوحة
    *وكان مشمع السفرة مبطن وسميك ونلتم حوليه وقت الفطور والغدا والعشا
    * وكنا نشرب الشاي أنا وأخي أو أنا وابن عمي شراكة بكاسة وحدة
    شفة هو وشفة أنا
    وكان في ترباية والخجل مو عيب
    *وكان وكان وكان

  8. #68
    اللهجة السورية ...😁😁🤣
    هات أي حرفين وكررهم بتطلع عندك كلمة سورية
    سخسخ : ضحك كثير
    طبطب: ربت على كتفه
    بطبط: تعب
    تفتف: بصق
    فتفت: كسر الشيء ( الخبز مثلا) الى قطع صغيرة
    ربرب: زاد وزنه
    بربر: اكثر من الكلام
    فشفش: انتفخ وكذلك تكسر قطع صغيرة
    حبحب: ظهرت عليه حبوب
    بحبح: وسّع
    لحلح: حرك
    حلحل: فك العقدة أو لان في الرأي
    حطحط: كسد او ارتخى
    فحفح: انتشرت رائحته
    طقطق: لها اكثر من معنى دق نشف طلعله صوت
    فصفص : قشر بزر
    دبدب = سمن وزاد وزنه
    رعرع = اخضر الزرع
    بعبع = تكلم كلاما غير متزن
    تكتك : انتفض بردا أو خوفا .

    😉 *وخذ كمان..* 😏
    فضفض : خفف ما في نفسه من ضغط
    فرفر.. عملها وهو واقف
    شرشر.. انسكب منه شي سائل
    طشطش.. نثر الرذاذ حوله
    نشنش.. استعاد حيويته بعد خمول
    لعلع.. تكلم بصوت عالٍ
    مخمخ ..انسطل
    زهزه.. رفّه عن النفس.
    ترتر.. عانى من البرد الشديد
    بلبل.. رش الشيئ بماء
    كبكب... انكب شي منه او عمل قرص كبه

    فوائد لغوية
    [align=center]

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    ( ليس عليك أن يقنع الناس برأيك ،، لكن عليك أن تقول للناس ما تعتقد أنه حق )
    [/align]

    يارب: إذا اعطيتني قوة فلاتأخذ عقلي
    وإذا أعطيتني مالا فلا تأخذ سعادتي
    وإذا أعطيتني جاها فلا تأخذ تواضعي
    *******
    لم يكن لقطعة الفأس أن تنال شيئا ً من جذع الشجرة ِ لولا أن غصنا ً منها تبرع أن يكون مقبضا ً للفأس .

  9. #69
    تخيل ..عزيزي السوري .توقع من تختك وتصحى من نومك وتلاقي حالك ببيتك الي
    تهجرت منو وتهدم ويقولولك خير فيك شي صح النوم الظاهر كنت عم تشوف كابوس وتركض تشوف الروزنامه مكتوب 2011
    وتلاقي اخوك الي بالمانيا لساتو نايم بالبيت وامك عم تعملكن فطور و ابوك عم يقلك خود مية ليرة جيب شوية فول و مسبحة و كم قرص فلافل و معهم مخلل و كم جرزة نعنع و بصل اخضر

    وتركض عالبرندا بدك تشوف حارتك المدمرة تفتح باب البرندا ابوك قاعد عالكرسي عم يشرب قهوتو متل العادة بيقلك اهلين ابي في شي ...انت مابترد من لهفتك ومفاجئتك ...
    و تسمع صوت بياع الغاز عم ينادي غاز غاز
    و يمرق طنبر المازوت بصوت بوقه المميز..مازوت كاز
    بتعمل نظرة عالشارع مقابل بيتكن بتلاقي كلشي متل ماكان الجيران والناس والولاد بالطريق عم يلعبو وابو محمود الدكنجي عم يقلن روحو لعبو بعيد احسن ماشقلكن الطابه...
    و تمرق ع فرن الخبز ...بتلاقيه فاضي و الخبز مكوم
    بتاخد قد ما بدك و تمشي ....و بتحس حالك عطشان
    بتشرب كولاية بعشر ليرات مع شلمونة
    و بتنقرش كيس ديربي ب خمس ليرات
    و بتطلع ع شغلك بالسرفيس ب خمس ليرات
    و بترجع بخمسة...
    و بدربك بتجيب الاغراض يلي كتبتلك ياهن
    امك جبنة و لحمة و زيت و مكسرات للسهرة
    كلهن بألف و خمسمية....
    و بتوصل ع البيت و بتابع مسلسلك المفضل
    بدون قطع للكهربا...
    وبأخر اليوم بدك تنام....ما بيجيك نوم
    وانت عم تقول لنفسك اه شو حياتنا صعبة و مملة...؟!!

    تخيلت عزيزي السوري...؟؟؟ تخيلت...؟؟؟

  10. #70
    #تخيل💔👇👇👇👇تخيل توقع من تختك وتصحى من نومكتلاقي حالك ببيتك الي اتغربت عنه ويقلولك اهلك خير فيك شي؟ صحّ النوم … الظاهر كنت عم تشوف كابوس وتركض تشوف الروزنامه مكتوب 2010وامك عم تعمل الفطور و ابوك عم يقلك خود هي 100 ليرة ، جيب شوية فول و مسبحة و كم قرص فلافل و معهن مخلل و كم جرزة نعناع وتركض عالبرندا بدك تشوف حارتك تفتح باب البرندا ..جدك قاعد عالكرسي عم يشرب قهوتو متل العادة بيقلك اهلين جدو في شي ... انت مابترد من لهفتك ومفاجئتك ...و تسمع صوت بياع الغاز عم ينادي غاز غاز و يمر طنبر المازوت بمكبر الصوت المميز .. مازوت مازوووووت بتعمل نظرة عالشارع مقابل بيتكن بتلاقي كلشي متل ماكان الجيران والناس والاولاد بالطريق عم يلعبوا وابو محمود الدكنجي عم يقول روحوا العبوا بعيد احسن ماشقلكن الطابة ...و تمر ع فرن الخبز .. بتلاقيه فاضي و الخبز مكوم بتاخد قد ما بدك و تمشي ...و بتحس حالك عطشان بتشرب كاظوظة بعشر ليرات مع شلمونةو بتنئرش كيس ديربي ب خمس ليرات و بتطلع ع جامعتك بالسرفيس ب خمس ليرات و بترجع بخمسة ...و بدرب طريقك بتجيب الاغراض يلي كتبتلك ياهن امك على شقفة ورقة : جبنة و لحمة و زيت و مكسرات للسهرة كلهن بألف و خمسمية ...و بتوصل ع البيت منهنه وهلكانو بتابع برنامجك المفضل عالتلفزيون بدون قطع للكهربا ...وبآخر اليوم بدك تنام ... ما بيجيك نوم انت بس #تخيل🇸🇾 💔💔
    تعددت يابني قومي مصائبنا فأقفلت بالنبا المفتوح إقفالا
    كنا نعالج جرحا واحد فغدت جراحنا اليوم ألوانا وأشكالا

صفحة 7 من 9 الأولىالأولى ... 56789 الأخيرةالأخيرة

المواضيع المتشابهه

  1. شاميات
    بواسطة امير الليل في المنتدى فرسان المطبخ
    مشاركات: 2
    آخر مشاركة: 12-30-2009, 01:21 PM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •