لا يا سيادة الريس

[عبد الرحمن سليمان]

لا يا سيادة الريس
مصر مش فقيرة
أنا اول مرة اشوف حد بيعاير الشعب بفقره ، (اللينك في التعليق الاول)
قبل كده حضرتك قلت ان مصر شبه دولة ،
وانهاردة بتقول احنا فقرا اوي وكررتها 3 مرات ،
حاول واحد من الحاضرين يرد ،
فرمقته بنظرة نارية ، وقلت له في لهجة عسكرية صارمة بكل حسم : اسمع الكلام ، اسمع الكلام
حضرتك بتقول احنا بنشخص المرض علشان يتعالج
.
أؤكد لك يا ريس مصر مش فقيرة !!!!!!!!!!
وتشخيص حضرتك مش صحيح !!!
الدولة اللي عمرها 5000 سنة مستحيل تكون فقيرة !!!!
الدولة اللي تمتلك ربع آثار العالم مش فقيرة !!!
الدولة اللي عندها قناة السويس مش فقيرة !!!!
الدولة اللي تتوسط 3 قارات مش فقيرة !!!
الدولة اللي جيشها قرع ابواب الاستانة ، وكاد يجتاح أوروبا لولا معاهدة لندن 1840 مش فقيرة!!
الدولة اللي جيشها وصل حتي منابع النيل يفرض سيطرته ايام محمد علي والخديوي اسماعيل مش فقيرة !!!!!!
.
التشخيص الصحيح أن هناك فساد مرعب في مصر !!!
اتذكر من قال أن مصر أغني دولة في العالم ، لأنها بتتسرق منذ 4000 سنة ولسه عايشة ،
.
الدولة اللي كل يوم يتم اكتشاف قضايا فساد بالمليارات تبقي مش فقيرة !!!!!!
الدولة اللي ممثل معفن أجره 50 مليون جنيه من مسلسل مش فقيرة !!!!
الدولة اللي فيها لعيب كرة يكسب 10 مليون جنيه في السنة مش فقيرة !!!!
الدولة اللي بتصرف 3 مليار جنيه شهريا علي مكالمات المحمول مش فقيرة !!!!
الدولة اللي بتصرف 37 مليار سنويا علي الدخان مش فقيرة !!!!
الدولة اللي 10 % من شبابها مدمنين مش فقيرة !!!
الدولة اللي بتصرف علي المخدرات سنويا 30 مليار جنيه مش فقيرة !!!!
الدولة اللي جمعت 63 مليار جنيه في اسبوع لتمويل حفر القناة مش فقيرة !!!!
الدولة اللي بيصرف مواطنوها 100 مليار جنيه سنويا علي الدروس الخصوصية مش فقيرة !!!!!
الدولة اللي بيصرف مواطنوها 80 مليار جنيه سنويا علي الصحة والدواء مش فقيرة !!!!!
الدولة اللي بتبقشش علي السعودية بجزيرتين مش فقيرة !!!!!!!
الدولة اللي مواطنوها اشتروا بيوت في دبي عام 2015 بـ3 مليار دولار مش فقيرة !!!!
الدولة اللي عملت 5 مؤتمرات للشباب في 3 شهور تكلفت أكثر من 100 مليون جنيه مش فقيرة !!!
.
مصر تعاني من فساد اداري ومالي ، وسوء ادارة لكافة مواردها ، وعدم وجود رؤية واضحة للاستفادة من ثرواتها الطبيعية والثقافية والبشرية والاسترتيجية !!!!!!!!!
مصر تعاني من تجريف للعقول والخبرات ، وفرار كل الكفاءات الي دول البترودولار ،
مصر أكبر سوق في المنطقة لبضائع الصين وكوريا ،
مصر تعاني من المحسوبية والرشوة والتربح ،
مصر مازالت تعيش في عصر المماليك البرية والبحرية ،
مصر مازالت تعاني من الاقطاع ، وسيطرة رأس المال ،
مصر تعاني من الاحتكار ، ومافيا الاستيراد ، وغموض حيتان السلع الاستراتيجية ،
مصر تعاني من سيطرة البيروقراطية المتعفنة علي كل مفاصل وأوصال الدولة ،
مصر تعاني من جمود الافكار ، وعشوائية الادارة ، وانتشار الفوضي ، والتسيب والاهمال ،
مصر تعاني من انهيار الاخلاق ، وانعدام المثل الاعلي ، وغياب القيم ، وغياب قيمة العمل ،
مصر تعاني من تصدر الآمعات وانصاف الموهوبين والمنافقين للمشهد في كل المجالات ،
مصر تعاني من تهميش الكفاءات وانزوائها ،
مصر تعاني من غياب الأولويات ، وسوء التخطيط والتنفيذ ،
مصر تعاني من غياب رؤية لتشغيل الشباب ، والاستفادة من طاقتهم ،
مصر تعاني من غياب ثقافة الانتاج ، والاكتفاء فقط بثقافة الرفاهية والاستهلاك ،
مصر تعاني من غياب التنسيق بين وزاراتها ، وقصور في فهم أهمية العلاقات الخارجية في الترويج لمعادلة الميزان التجاري مع كل دولة في العالم ، من خلال تبادل المنفعة !!!!
مصر تعاني من استشراء الكذب والخداع والفهلوة واستغفال الشعب ، وتسمية الامور بغير مسمياتها فزيادة الاسعار .. تحريك ، والفساد .. تجاوز ، وانهيار العملة .. تعويم ، وخراب المدخرات .. ضبط لسوق المال ،وتكرار فشل الحكومة .. مراحل فارقة في تاريخ العمل الوطني ، والتخلي عن اجزاء من ارض الوطن .. اعادة ترسيم حدود.
.
أتمني أن تصحح نظرتك عن تلك الدولة يا سيادة الريس ، ولك كل حبي واحترامي
حفظك الله لمصر وللمصريين
منقول

[عبدالرحمن عادل]

تعترف بقلمك الآن أن مصر كل هذا الفساد والخراب .. ومع ذلك سبق سيفكم العدل مع مرسي من قبله .. حينما لم يصلح حال البلاد في سنة واحدة فقط

[عبد الرحمن سليمان]